ايه رايك في مدينة العاشر من رمضان ... ناوي عليها ارجوا النصيحه
السلام عليكم ورحمة الله وبركاته
كنت طالب راي الاعضاء المبجلين في مدينة العاشر من رمضان
انشاء الله انا ناوي اشتري شقه فليه اصدقاء قلولي فكر في العاشر من رمضان الاسعار مهاوده و المدينة كويسه فقلت اسال اعضاء المنتدى
-اسعار الشقق 3 غرف نوم النظيفة تتراوح الاسعار النظيفه بكام وهل العمارات فيها اسنسيرات
-ايه احسن مكاتب عقارات هناك ينفع اشتري منها او لو حد جرب شركات ياريت يقول وايه اخبار جهاز المستثمرين هل شققه كويسه
-ايه اخبار الخدمات الامنيه متواجده ولا منعدمة
-اخبار الطريق من مدينة العاشر من رمضان لمدينة نصر او العكس ايه امان وخصوصا بالليل وهل هو كويس ولا زحمة
-ايه اخبار المدينة من حيث الخدمات الصحية والتعليمية انا شوفت على Google ان فيها بنوك وفيها مطاعم بس Google مش هيعرف اكتر من السكان في المدنيه نفسها
- انا اعرف ان العاشر من رمضان نظام مجاورات ايه المجاورات النظيفة اللي اركز عليها
- شوفت اعلانات على شقق بيقولو انها عمارات اهالي - اهالي يعنى خارج التنظيم العمراني
- لو عربيتي عطلت هلاقي مواصلات و المواصلات شغاله 24 ساعة ولا لوقت معين
انا اسف جدا على الاسئلة الكتير بس ده من عشمي فيكم وانشاء الله عشمي في محله
بشكر مروركم على موضوعي
