-
مشكلة فى تكييف الافيو
السلام عليكم ورحمة الله وبركاتهانا معايا افيو2007 عندى مشكلة فى التكييف هو لما اكون واقف فى اشارة مثلا فى الصباح فى الشمس التكيييف بيكون سخن جدا ومفيش اى بروده مع انى قست الشحن والراجل قالى كله تماموكمان نضفت فلتر التكييييف؟بس ياترى ممكن فلتر التكييف يتغسل ولا لأ؟؟؟وايه هو حل المشكلة ده؟؟
-
نفس المشكلة اللى بعانى منها والناس بتقولى الكمبروسيسور ضعيف مش عارف ايه الحل
-
طيب ازاى اعرف ان الكمبروسر ده ضعيف؟؟
-
فعلا الكمبرسور ضعيف بتاع الافيو
-
معظم بتوع التكيفات حرامية شحنت وغيرت الخرطوم والفيون اتسرب شحنته بعد الاختبار واتسرب تانى كان واحد بتاع تكيف حرامى فى شارع دمشق مصر الجديدة
-
يعني يا جماعة الحل أية ... أنا فصلت خراطيم التكييف السخن عن البارد وكان التكييف تلاجة بس رجعتهم في الشتا ومرضيتش أرجعهم تاني لحسن السربنتينة بتاعة السخن تصدي ... طيب ممكن نعزل مواسير التبريد إللي في حوض الماتور ولا أية الحل!!!
-
-
السلام عليكم
انا قرات مشكلتك وكان عندى نفس الموضوع من 3 اسابيع ... وصدقنى لفيت على اكتر من 3 صناعية تكييفات عشان ضعف الهواء وضعف البرودة ولما تمشى الصبح فى الشمس تكون عرقان جوى العربية كانك بتتسلخ هههههههه
المهم ربنا عطرنى فى واحد اسمه عادل فى كلتكس .... شخص كويس اوى وى عاوز يساعد وكلمت واحد من اصحابى المقربين وى فاهمين فى العربية ..... وقالى بالظبط:
1- تغيير فلتر او تنظيفه لو كان امكن .... مافيش غسيل طبعا ... ( جبت فلتر المانى ب 70 جنية ).
2- تنظيف جميع البوابات الداخلية والخارجية بخرطوم هواء فى البنزينة ( مش عاوز اقولك طلع ايه .. من الاخير غرقنا فى رمل بهدل العربية )
3- اكتشفت ان العربية فيها فريون 406 ومافيش زيت وده من المصنع طبعا ... المهم اتغير واحطيت 134 بتاعها 550 جرام وممكن توصل ل 600 جرام ده لو انت طماع ... ههههه
كل ده برضوا ما وصلناش للحل .... درجة البرودة جميلة اوى لكن ضعيف
المهم رحنا لواحد بتاع تكييفات امام البنزينة من الناحية التانية اسمه عمر ..... ودى كانت المفاجاة؟؟؟
........ وجدنا كسر بغطاء البلاور اعلى المروحة ... دى البوابة اللى بتفتح عشان تاخد الهواء من بارة العربية لجوة
وهنا بقة ملهاش حل غير تثبيتها وعدم استخدامها فى الموضوع ده .... ولو عاوز تغير تروح التوكيل او تجبها استيراد
لو رحت التوكيل .... هتجيب المجموعة كلها من اول المروحة للبوابة ودى تكلفة لسة مش عارفها
لو رحت الحرافيين .. ممكن تجيب الجزء البوابة العلوى المكسور لكن لسة برضوا ما سألتش عليه ومش عارف هلاقيه ولا لا ؟؟
الحاجة المهمة الاخيرة حتى لو جبتها .... هتعرض لموضوع فك كتير اوى وحاجات كتير زى التبلوه ...... ودى القصة كلها فى 3 اسابيع فى الحر اللى احنا فيه .... ارجو انى اكون ساعدتك ..... سلام يا حلو...........
-
أعتقد في ظل أزمة البنزين مافيش داعي للتكييف ... وهو ده الحل إللي الحكومة أهديته لنا وشكرا!!!
Content Relevant URLs by
vBSEO 3.6.0 PL2