فرامل الأبيزا بتحجر

**Karim Ibiza** · 30-05-2013 12:48 AM

المشاركة الأصلية كتبت بواسطة ehab_mansour

انا مع كلام ابو السيد شوية و لكن الفكرة هنا ان الفاكيوم بيقل مع الشد لأن الموضوع لو موضوع خرطوم كان هيظهر باستمرار ومش هيروح و ييجي مع الشد

لكن ليه الفاكيوم بيقل رغم انه المفروض اساسا يزيد كلما زادت عدد اللفات و زادت سرعة الاحتراق ؟؟؟

مستنيين كريم باشا يقلنا التحجير بيحصل لحظيا بمعني انه حضرتك كنت بتشد و اول ما شيلت رجلك من علي البنزين و دوست فرامل تلاقيها محجرة ؟ طيب لو جربت في نفس اللحظة ترفع رجلك و تدوس تاني هتلاقيها برضه محجرة (علي ما يكون الار بي ام نزل للسلانسيه )؟

الموضوع بيبان مع ال rpm العالي
بس مجربتش أشيل رجلي واحطها تاني بس النتيجة معروفة أنها هتظبط بس المشكلة انك بتكون في موقف مينفعش تعمل فيه كده يعني مثلا مجمع 130 وطالع ومرة واحدة يظهر قدامك حاجة ولازم سرعتك تنزل 0 في ساعتها

فاكر خرطوم ال vacuum اللي كان مشقق اللي شوفته في المقابلة؟؟؟
انا شاكك فيه

**Karim Ibiza** · 30-05-2013 09:37 AM

المشاركة الأصلية كتبت بواسطة Karim Ibiza

لما باجى ادوس فرامل فجأة عشان العجل يكلبش , بلاقى الدواسة محجرة وبتهدى بس لكن العجل مش بيكلبش

وده مش بيبان فى المشى العادى
لكن بيبان لما بكون بشد وبنقل كل نقلة على 6 rpm

الموضوع ده كان بيحصل معايا أيام ماكان معايا اللادا وتقريبا طلع المشكلة فى كاوتش المستر العمومى أو خرطوم فرامل مش فاكر الصراحة
وبرده كان بيبان مع الشد بس

المشاركة الأصلية كتبت بواسطة د.محمدعبدالعال

الموضوع مش خراطيم مسدودة لأن لو خراطيم كانت هتحجر ويبقى كأنك دايس فرامل والعربية ماشية ولمبة الاستوب منورة على طول .. ده جلد ماستر عمومي وحش ومحتاج يتغير

ما أنا فعلا شاكك فيه وشاكك فى حاجة فى Vacuum Cycle بتسرب هواء

**hossamalsadik** · 31-05-2013 05:57 AM

كيمو ازيك يا باشا

1- ممكن يكون خرطوم مش مسدود بس فيه عصره فقط بيخلى عند rbm العالى تدفق الزيت يتخنق فتحجر معاك الفرامل
2- او المستر عمومى زى مقال أ / buddha
ولوفى حاجه فى المساتر الفرعيه كانت سابت معاك بستمرار واطى وعالى وبقت خفيفه مش تحجر

والله أعلم

تحياتى