-
الشباب و تقاليع العربيات
:original:
سلام عليكو و صباح الخير و تحياتى لكل الأعضاء اللى فى المنتدى
بعد التحية
------
أنا عضو جديد هنا فى منتدى nilemotors و اسمى أحمد
و ده موضوعى الأول .
عن الشباب و علاقته بالعربيات و تقاليع كل عربية
و شخصية كل عربية
بمعنى يعنى ازاى اى شاب معاه عربية بيعمل فيها حركات و نيولوك بحيث تبقى ماشية مع شخصيته
و تبقى زى جزء من تكوينه
ياريت لو حد معاه صور يحطها .
و شكراً
-
و عليكم السلام و رحمه الله و براكاته اهلا بيك
تقاليع العربيه و شخصيه الي راكبها
يعني لو لقيت واحد شخصيته شيك تلاقي عربيته شيك و محترمه و شكلها حلو تلاقيه حاطط جنط جميل و زينون و العربيه بتلمع و فرش جلد
لو واحد شاب روش و مبالغ في روشنته و عقله طاقق تلاقي عربيته واطيه على الارض تلاقيه حاطط استيكرز بالهبل اسبويلر عبيط و طقم صوت مطلع اصوات عاليه و خلاص
لو واحد بيفهم في العربيات و ركيب تلاقيه مهتم بالي تحت الكبوت تلاقي متور قوي و متعدل تلاقي فيه فلتر هوا تلاقي عفشه كوني جنط العربيه بيديك ثبات اكتر من الشياكه تلاقي واحد بيفهم
لو واحد بيئه هاتعرفه من عربيته من الطاسات الزباله و النيكل العبيط و تلاقي مكتوب على العربيه يا ناس يا شر كفايه قر او ابو حماده و ساميه
-
انا انا مش باعمل اي حاجه من اللي اتكتبت دول يبقى انا انهي نوع بالظبط
دا حتى الفرش اللي عندي زي ماهو ماحطتش فوقيه فرش وانا عارف ان ده غلط قوي بس انا عاجبني اللي فيها وحاسس اني لو عملت اي حاجه حتبقى اوحش
طب اعمل ايه بقى :)
-
انا عامه العربيه عندي تقريبا زي ما استلمتها
عندي اقتناع داخلي ان العربيه افضل ما تكون انها تكون زي ماخرجت من المصنع
-
أنا -كنت- من الشباب المذكور :d و لكن فجأة بقيت بحسد العربيات اللي معلهاش لا ستيكرات ولا سبوليرات.. مفيش أحسن من الشكل اللي بتنزل بيه وفعلاً دي حقيقة.
لكني حاطت ستيكر مؤقتا مداري خدش و خبطة خفيفة في الرفرف والباب اللي ورا.
Content Relevant URLs by
vBSEO 3.6.0 PL2