انهارده كنت راجع في زحمه الظهر ودرجه الحراره كانت كل شويه توصل تسعين وترجع تاني ويممكن عدت التسعين بشويه
عرض للطباعة
انهارده كنت راجع في زحمه الظهر ودرجه الحراره كانت كل شويه توصل تسعين وترجع تاني ويممكن عدت التسعين بشويه
لا كانت ثابتة تحت اتسعين بشوية
كانت ثابتة بردو .. شوف دورة التبريد يا فندم واتأكد ان كل حاجة سليمة والمروحة شغالة
كلو تمام ا دا حتي العربيه عامله ١٠٠٠٠ كيلو بس
بصيت علي الميه مظبوطه والمراوح شغالين الاتنين من غير توقف
ايه تاني ممكن اكشف عليه غير الميه والمراوح ؟؟
متخفش فعلا درجة الحرارة كانت فظيعة النهاردة
كان حد من الاعضاء القدامي قال ان طبيعي ان درجة الحرارة تعلي حاجة بسيطة فى حالة الزحمة الشديدة ، او فى حالة القيادة العنيفة والحرق على الموتور.
دورة التبريد واخدة هوا او ترموستات الكوعة ودة اغلب الظن انة حيتغير
هل في حاجه في العرييه بقدر اخد بيها الهووا دا
لما بيبوظ بيشيلوه استهبال ، وبيقولوا ملهوش لازمة فى الصيف ودة فايدته فى الشتاء علشان يسخن العربية بسرعه وتخاريف كدة.
وممكن تطلبه يقول ناقص واحجزه.
المهم لازم تحطه لأن دة بيثبت درجة حرارة الموتور ومش هتلاقي مؤشر الحرارة يقعد يعلي وينزل ، و بيخلي تسخين العربية اسرع ، وله دور فى استهلاك البنزين كمان ، لأن ثبات درجة حرارة الموتور عند الحرارة المثالية دة افضل حالة لاستهلاك اقتصادي للبنزين.
نفس اللى حصل معايا النهاردة ... بس اول ماقفلت التكييف .. المؤشر رجع قبل التسعين .
احتمال كبير الترموستات .. ...واتشك على دورة التبريد بالكامل واتاكد ان مفيش تسريب او الميه بتنقص ......بس هو احتمال كبير الترمستات
انا عندى الحمد لله 85 والمراوح مش بسمع صوتها
وانا غيرت الميه من يومين نضافه
يا جماعه ترموستات الكوعه للجين فيها عيب صناعه وبتنزل فى العربية ليومنا هذا فيها نفس العيب
فياريت أول صيانه تعملها تشيلها خالص علشان تلحق موتورك من الهلاك
انا فعلا روحت انهارده وقالولي الثرموستات هيا المشكله في السخونيه و شالوها وطبعا هيا مش موجوده فقالولي انها هتتحجزلك اول لما تيجي نغيرهالك
بس الجو كان حر جدا ودا طبيعى من وجهة نظري .
اعذرونى انى شاركت كنت مفكرة موضوع عام مش لبروتون فقط
تمام شكرا جزيلا ياباشا
السلام عليكم
انا بيحصل عندى ارتفاع فى درجة الحرارة الى شرطة قبل الاخيرة 100 درجة وبعد كده بتنزل فى ثوانى مع عمل المروحة
عملت غسيل لدورة التبريد وغيرت مياه راديتير وغيرت ثرموستات الكوع ولسه بيحصل نفس المشكلة بكره هكشف على طرمبة المياه و مش فاضل غير حساس المروحة كل ده بره التوكيل جين 2 2010 مانيوال ساعدونى الله يكرمكوا انا استويت!!!
و على فكرة اي غطاء رادياتير بيركب مش شرط بتاع الجين تو
انا حصل معايا كده يوم الأحد الماضى وكله كان تمام وطبعا مع التكييف والزحمه انا كنت على الطريق السريع من قويسنا لطنطا اصلا بياخد حوالى نصف ساعه وعلشان الزحمه اخدته فى ساعتين علشان كده العربيه سخنت وركنت حوالى 10 دقائق بردة العربيه ومشيت تانى بس بطلت التكييف و معليتشى تانى