بدأ طريق الاصلاح في عفشه النوبيرا
مساء الفل على اجدع قسم
انا حبيت انقل تجربتي مع شويه اصلاحات عملتها للعربيه في العفشه وانا كنت عملت موضوع اخد رأيكم في شويه حاجات للعربيه
http://www.nilemotors.net/Nile/353729-a.html
العربيه الابرز فيها اني لما ادخل ملف شديد على سرعه عاليه احسن مثال للوصف بدون تريقه يعني انك لو قاعد على دكه ايوه دكه و عمال تهز نفسك يمين و شمال اهو باه ديل العربيه كان بيعمل كده و اجمد كمان لدرجه انك ممكن تفقد سيطرتك على ديل العربيه و بالتالي كراااش بوم طبعا بجابب العربيه لو فيه نقر او عيون الزفت في الارض العربيه بتتحزم و تشخلل من تحت اه والله تشخلل شخلله روووعه هههه
المهم انا كنت سألتكم على عفشجي و محمد الشامي زمينا مشكور وصفلي واحد في فيصل الجيزه لاني كنت خايف اروح و هيا بالمنظر ده المهم انا روحت اتخانقت معاه لاسباب مش مهم زكرها هنا توفيرا على الناس و قولت انا اتعامل باه و استنضف واحد بنفسي المهم لاقيت و احد و قولتله على الحوارات اللي تخصه كعافشه
الراجل طلب تغيير 4 تيش الميزان ورا و قدام اللي برضوا بيتسمى دراع مساعد لانه لما فكهم فعلا البيض بتعهم منتهي و لما فحص موضوع التعويم ده لاقى ان العجل الخلفي بيلق فقال ان ده يا صاموله العجل فيها بوش او البليه محتاجه تتغير بجانب انه لو معدوش خبره كان داخ ( الراجل كبييييير اووووي عجوز جداو الله كنت عايز اقوله عنك يا عم الحاج ) عشان لما بتهز المساعدين ورا جامد تسمع طقه واضحه كويس انه مقعدش يستكشف العطل فين ويقعد يغير وانا ادفع
الدرعات ديه اتكلفت 170 الاربعه كوري من عفت المواري في فيصل
ولما خلصت معاه طلعت على الميكانيكي عشان بوش العجل الراجل فك و شحم و ربط العجل و ظبط معلش حطول بس انا لما بقوله ان العربيه بتعوم في الملفات و انا باخدها على 150 و انا عمال اشكي لاقيته بيبصلي بقرف و يقول ... وانا اجيبلك منين ملف تخده تجرب فيه على 150 هههههه
خلصت معاه والنتيجه وانا مسافر على الصحراوي:
1- التعويم اااااه الحمد لله ظبت يعني صاموله العجل كان مبوش و اتربط تمام و ظبت مع العلم البليتين كاملين وارا كنت جايبهم احتياطي ب 90 ياباني ورجعتهم تاني
2-صوت الدبدبه لحد ما راح بس اللي فاضله خازنه الفرامل تتغير لانها مساميرها مبوشه و بتكتك مع الفرامل و المطبات و برضوا المقصات تغيرها افضل
3- صوت تزييق الدريكسيون اللي كنت شاكي منه في الموضوع اللي لينكه فوق راح لوحده فجأه و مش عايز اعرف كان ايه الحمد لله راح وخلاص
طولت عليكم بس حبيت اقول انا عملت ايه لربما عضو واحد يستفيد
واستأذن كل اعضاء المنتدى مش القسم بس انك لو عملت موضوع او مشاركه على عطل او مشكله عندك ياريت تقول عملت ايه فيها او ماتحلها مش تاخد النصايح و ادي وش الضيف يعني
......... فيد و استفيد ......