الموضوع: سرفيس سكودا عايز أغيرة والمية بتروح فين؟

وعليكم السلام ورحوة الله وبركاتة

طقم السرفيس كالاتى :
1- تغيير البوجيهات (جيب ماركة كويسة Ngk فى حدود 25 جنية)
2- تغيير سير الدينامو (10جنية)
3- تغيير سير التكييف (10 جنية)
4- راجع سلوك البوجيهات لو عاوزة تتغير بتكون فى حدود 60 جنية
5- فلتر هواء 10 جنية
6- فلتر بنزين 5 جنية
+ 20 جنية مصنعية

بالنسبة لتبخر المياة :
ليها سببان لا ثالث لهما :

1- يوجد تسريب مياة من احد الخراطيم - الريداتيير - غطاء القربة
وممكن يكون الخرم صغير لا يرى بالعين والمياه تتبخر فى حالة ارتفاع درجة حرارتها اثناء السير
اذهب لبتاع ريدياير نظيف يفك الريداتير ويكبسة ويتاكد انه مش مخروم ويراجع الخراطيم كلها ومصنعية الكلام دا فى حدود 30 جنية

2- هوا الحل الاسواء وذلك لوجود تنفيس فى جوان وش السلندر بين المياه والبساتم
دا بعد التاكد من ان الحل رقم واحد سليم وبعد مراجعة الميكانيكى هتحتاج لتغيير الجوان
تكلفتة بالمصنعية فى حدود 100 الى 150 جنية وياخد 3 ساعات شغل

السلام عليكم ورحمة الله وبركاته
الله عليك وعلي شرحك المبسط والواضح روح يا شيخ ربنا ميعطلك فيليشايا
هههههههه
بجد والله انت حقيقي افتدني لاني لسه الصراحة مبتداء وتا تا تاتا وربنا يكرمك ويكرمنا
وبكرر ليك شكري في الحقيقة ومليون شكرا

بص يا ياباشا
اعمل موضوع الكشف على الريداتيير والخراطيم وغطا القربة
لو موضوع الميه دا ليسا بتنقص بصورة مش كبيرة اوى + العربية لا تسخن معاك
يبقى كبر دماغك منه شوية لغاية الصيف ما يخلص والشتا تدخل

طيب يا استاذ محمد انا عايز اعرف هو الاسبراتير بتاع الاسكودا له ابلاتين وكوندنسر زي ال 28 ولا لا لاني برده عايز اعمل طقم سيرفس لعربيتي