مساعدة فى سعر لانسر 2009 كلاسيك
السلام عليكم ورحمه الله وبركاته
انا قدامى لانسر 2009 خليجى اوتوماتيك العداد 110000 فابريكه بره جوه بس صاحبها اتكلم معايا ف 97000 الف واكتر حاجه نزلتها 2000 جنيه يعنى 95000 ومش راضى ينزل عن كدا خالص دا بعد طلوع الروح والوالد كلمه بردوا مفيش فايده اكتر من كدا انا شفت عربيات كتير لانسر بس ب 85000 وفى الرينجات دى بس اللى كانت رشه حاجه ولا فيها حاجه يعنى مش فبريكه بس دى فبريكه برا جوا والعربيه عجبانى الصراحه وزينون ومركب فوجات زينون بردوا والعربيه رايقه وارتحتلها دا غير انها خليجى
والعربيه 1600
دلوقتى هل سعرها كدا معقول ولا احاول معاه تانى ولا اعمل ايه انا مش عارف انا اول مره اشترى عربية فياريت نصايحكم
والعربيه معروضه على كذا موقع عشان يعنى لو محتاجين تشوفوها لانى مش بفهم قد كدا فى العربيات
لكم كل جزيل الشكر
