يوم غريب من ألايام 29-5-2013

**hossam_elwani** · 30-05-2013 04:31 PM

المشاركة الأصلية كتبت بواسطة miceg

السلام عليكم ورحمه الله وبركاته
انطلقت أمس من القاهرة ألى الاسكندرية
والحقيقة المواضيع كانت تمام
لغايت ماعديت كارته اسكندرية وفدخلة العامرية
اول حاجة حصلت مقطورة سايقها كائن فضائي ريحت على عربيتي الصني ناحية الرفرف الشمال
طبعا العربية كانت فابريكة
ودمي إتحرق اوووي لان بتوع المقطورة بيستتخنو نفسهم وفاكر نفسه قطر
مع ان الطريق واقف وانا عاليمين وعربيتي قدامه
وهو جاي من الخلف ومصمم يمشي فحارته بحجمه
ما علينا اتعكننت شوية وبعدين قولت الحمد لله قدر الله وماشاء فعل
وكنت بعت رسالة للاستاذ كريم منير بسأله عن مركز الصيانة بتاع نايل موتورز
وهو تفضل مشكورا بإرسال رسالة بارك الله فيه
المهم بعد ماخلصت الشغل اللي ورايا فاسكندرية فأبو قير تحديدا
إتجهت مرة اخرى الى القاهرة حوالي الساعة 3 العصر
وكنت فاكر ان القاهرة بس هي اللي زحمة
لكن ماشاء الله قعدت فالشارع اللي جمب مكتبة إسكندرية حوالي ساعة زمن عشان اوصل لبداية الطريق الصحراوي عند كارفور كدة
والامور مشت بشكل طبيعي اجي بقا عند دخلة القاهرة تحديدا طريق الدائري اللي بعد كارته إسكندرية
بالظبط كدة عشان اخد الطريق ده لغايت محور المريوطية عطلة حوالي 3 ساعات
انا واصل اليبت بالليل م نصر الساعة 10 مساء
تخيلو من اسكندرية الى القاهرة 7 ساعات سفر
الواحد بقا محتار ومتدايق عالوقت اللي بيروح هدر فمصر
فعلا احنا نستاهل نكون متخلفين
لما الزحمة بتعطلنا عنصر الوقت
انا مبقتش طايق اقعد فالبلد دي
كرهت نفسي واليوم اللي سافرت فيه إسكندرية بالعربية من اللي شوفته اليوم ده
الواحد من الارهاق كان بينام فالطريق مكنتش عارف اعمل إيه
وطول مانت ماشي بالعربية بتلاقي عربيات عطلانه يمين وشمال هي اللي معطلة الطريق
بجد إللي رسم مصر ورسم الطرق بتاعتها فعلا كان في ألاصل حلواني
دي تجربة حبيت أفضفض معاكو بيها
الله يكون فعون شباب مصر
والسلام ختام

نفس احساسى بالزبط لما بركب الطريق حاجه كده تجيب اكتئاب وغم

ربنا يعين الجميع

مش عارفين فى ظل التزايد فى العربيات والسكان واحنا قاعدين فى نفس المكان حنعمل ايه من الزحمه الى احنا فيها دى حنقتل بعض !!!!!!!!!!!!!!!!!

**hossam_elwani** · 30-05-2013 04:33 PM

المشاركة الأصلية كتبت بواسطة horas3000

للاسف ده الطبيعي في مصر
البلد غير مؤهله لاي عنصر مفاجي
يعني موجه حر بسيطه بهدلت الدنيا
عشان لا الطرق مجهزه و فيها اماكن انتظار او صيانه
و لا الناس بتعمل حسابها و تظبط عربياتها قبل ما تتحرك
كله ماشي بالبركة و دعاء الوالدين

بخصوص جزئية الاستراحه او الانتظار

انا كنت قاعد فى السعوديه 10 سنين فى الرياض ولما كان الوالد بينزلنا بالعربيه من الرياض لمصر كنت بلاحظ ان الاستراحات على طريق شىء مقدس فى التصميم وفعلا كانت بتفيدنا كتير

**hossam_elwani** · 30-05-2013 04:35 PM

المشاركة الأصلية كتبت بواسطة احمد المصرى

المشكله الاكبر انبارح ان الجو كان حر جدا وعربيات كتير راكنه على اليمين عطلانه والحمد لله انك رجعت بالسلامه

رزق الميكانيكيه

**Muahmmad Honda** · 30-05-2013 04:38 PM

كان يوم غريب على كل الناس :) ربنا سترها معانا .

**Ahmed_selmy** · 30-05-2013 04:44 PM

بشمهندس سيد
مش تقول .....كل سنه وانت طيب

**horas3000** · 30-05-2013 04:56 PM

المشاركة الأصلية كتبت بواسطة hossam_elwani

بخصوص جزئية الاستراحه او الانتظار

انا كنت قاعد فى السعوديه 10 سنين فى الرياض ولما كان الوالد بينزلنا بالعربيه من الرياض لمصر كنت بلاحظ ان الاستراحات على طريق شىء مقدس فى التصميم وفعلا كانت بتفيدنا كتير

يا زعيم ده من اساسيات الطرق الحره
مهي مش كيمياء و اختراع
اي طريق سفر او طويل لازم يكون مجهز باستراحات و اماكن انتظار و صيانه للعربيات
عشان لما حد يحصله حاجه الدنيا متقفش زي ما بيحصل عندنا

**miceg** · 31-05-2013 01:52 AM

المشاركة الأصلية كتبت بواسطة محمود السيد

حلوانى ايه ياخويا دكان فسخانى اااااااااااااااااااااقصد فكهانى

انا مش قصدي بالحولاني انه حلو
انا قصدي انه عامل الطق كنافة كلها داخله فبعضها

**Y a r i s** · 31-05-2013 03:46 AM

العمر بيضيع بلوشي في مصر ودي حقيقة
صدق او لا تصدق بره في اي دولة تانيه لو حبيت تعمل عشرين حاجة في نفس اليوم هتقدر في مصر كبيرك تروح تسئل عن شبشب مقاس ٤٥ اسود موجود منها بصباع ولا لأ ولو مش موجود هيجي ايمتى وترجع بيتك اليوم خلص على كده !!

العمر بيجري بسرعه وبشكل مخيف اليوم كأنوا ساعه والاسبوع كأنو يوم والشهر بقه عامل زي الاسبوع وتيجي تتكلم يقلك اه ماهو ده علامات يوم الساعه .... طيب يا جماعه هيا علامات الساعه دي مبتظهرش غير في مصرررر بس اشمعنا السعودية مفهاش علامات الساعه اشمعنا ليبيا اشمعنا عندنا احنا بس !!!

الموضوع مش موضوع انفجار سكاني او طرق لكن المشكلة ان فعلاً فجئة بيكون الطريق ماشي زي الحلاوة وتلاقي فجئة واحد حمار وقف في نص السكة ... والي وراه طبعاً قام ضرب فرامل يشوف فيه اااايه !!!

والطريق يوقف ساعتين تلاته علشان الاخ الحمار الي وقف في نص الشارع فجئه ... والي يغيظك هو وجود اماكن كتيرررر ممكن يركن فيها لكن هو كدددددده. حب يركن في نص الشارع ( تناكهه) ميعرفش ان بسبب غبائوا ده وبسبب الكام ثانية الي وقف فيهم دول في نص الشارع عطل الطريق اليوم بحالوو وضيع عمر نااااس كان ممكن يستفيدوا بهذا اليوم ... وتحياتي