اللى عايز يركب التحفة دى .. يجمع هنا

**Egyzizo** · 08-06-2013 03:57 AM

أشكرك على اهتمامك
بس النوع دى هيغطى تماماً على فتحات التكييف الوسطانية
وكمان مافتكرش ان هذا النوع يعمل مع الكاميرا الخلفية

**crayvor** · 08-06-2013 08:45 PM

المشاركة الأصلية كتبت بواسطة Egyzizo

أشكرك على اهتمامك
بس النوع دى هيغطى تماماً على فتحات التكييف الوسطانية
وكمان مافتكرش ان هذا النوع يعمل مع الكاميرا الخلفية

انهاردة كنت راجع من الشغل لفيت علي سموحة قلت أسألك علي الموضوع
بصراحة كنت هلكان مقدرتش ألف بس روحت عند Clarion
فيه عنده كاسيت اسمه Symphony
DvD - Touch Screen - Bluetooth - GPS وامكانيات تانية مش فاكرها أوي
ممكن يتعمله Extension ل screen تتحط ورا
وبيربط بالمارشدير علي كاميرا لو عاوز تحط كاميرا ورا

السعر 2150
سعر الكاميرا 150

سألت للي معاه 2013 لو ينفع تتربط علي multifunction قالي 50% آه 50% لأ

ان شاء الله يوم الاتنين أو الثلاثاء حاسأل عند sony و kenwood و pioneer

بالنسبة لموضوع الهوايات افتحها بزاوية 20 أو 30 درجة وخليها علي فوق وكدة كدة ال screen بتبقي طالعة 7 أو 10 سم عن الكاسيت فا مش حتضايق أوي.

وبرضه بكل الأحوال أحسن بمراحل من انك تفك أجزاء من التابلوه نفسه

**Egyzizo** · 09-06-2013 04:50 AM

المشاركة الأصلية كتبت بواسطة crayvor

انهاردة كنت راجع من الشغل لفيت علي سموحة قلت أسألك علي الموضوع
بصراحة كنت هلكان مقدرتش ألف بس روحت عند clarion
فيه عنده كاسيت اسمه symphony
dvd - touch screen - bluetooth - gps وامكانيات تانية مش فاكرها أوي
ممكن يتعمله extension ل screen تتحط ورا
وبيربط بالمارشدير علي كاميرا لو عاوز تحط كاميرا ورا

السعر 2150
سعر الكاميرا 150

سألت للي معاه 2013 لو ينفع تتربط علي multifunction قالي 50% آه 50% لأ

ان شاء الله يوم الاتنين أو الثلاثاء حاسأل عند sony و kenwood و pioneer

بالنسبة لموضوع الهوايات افتحها بزاوية 20 أو 30 درجة وخليها علي فوق وكدة كدة ال screen بتبقي طالعة 7 أو 10 سم عن الكاسيت فا مش حتضايق أوي.

وبرضه بكل الأحوال أحسن بمراحل من انك تفك أجزاء من التابلوه نفسه

أنت راجل 100/100
كتر ألف خيرك
وفى انتظار باقى المعلومات

**blackhorse123** · 11-06-2013 02:04 AM

ماشى ممكن نشوف المشوار ده معاكم بس المشكله فعلا فى فتحات التكييف

**crayvor** · 15-06-2013 04:56 PM

آسف جدا علي التأخير كان عندي تسليم 3 مشروعات مع بعض الله لا يوريكم. وللأسف ماكنش فيه وقت لنفس.

أنا لسة طالع علي توكيل سوني سألته مالقيتش عنده حاليا أي دي في دي سينجل دين.. حاشوف ان شاء الله بايونير وكينوود وأرد عليكم.

**crayvor** · 15-06-2013 08:44 PM

عدنا...
طلعت انهاردة علي عزبة سعد كله حاجات زبالة (صيني علي قده) بتاع لادا وكدة.. والنضيف امكانياته ضعيفة.

سيبته وطلعت علي موزع معتمد لبايونير (مش حاقول اسمه الا لو الادارة تسمح أو علي رسالة خاصة للي عاوزه عشان ماحدش يقول اعلان وكدة) لقيت عنده النوعين دول:

ده الأول يعمل 2950 ودي امكانياته كاملة (لاحظ مافيش بلوتوث ولا جي بي اس)
Pioneer UAE - Car Entertainment, Home Audio & Video, Headphones, DJ Products
لو ملاحظين ف ال General السطر ده
Rear-View Camera Input Yes
معناه انه بيركب عليه كاميرا خلفية

وده فيديو له
PIONNER AVH 5450 EN FUNCIONAMIENTO - YouTube

ده التاني

ده سعره 4000 ودي امكانياته
AVH-P6350BT (Archived) - Pioneer Australia
ده فيه كل حاجة حتحتاجها ماعدا ال GPS للأسف.. ال GPS بيضاف له جزء تاني بس نسيت أسأل عليه بكام
وده فيديو له
Pioneer AVH - P6350BT de noche - YouTube

ححاول أنخور كمان وربنا يسهل ألاقي حاجة أرخص وفيها GPS.. الحاجة الوحيدة اللي لقيتها فيها كل اللي حتحتاجه هي Symphony بس شكلها صيني عشان بصراحة السعر مشكوك فيه

**Egyzizo** · 17-06-2013 03:28 AM

شكراً جزيلاً
الـ جى بى إس الحقيقة مهم جداً
الصينى على فكرة لو نضيف يبقى تمام.
هو السيمفونى اللى فيه كل حاجة ده عامل كام؟

**crayvor** · 17-06-2013 03:36 AM

المشاركة الأصلية كتبت بواسطة Egyzizo

شكراً جزيلاً
الـ جى بى إس الحقيقة مهم جداً
الصينى على فكرة لو نضيف يبقى تمام.
هو السيمفونى اللى فيه كل حاجة ده عامل كام؟

2150 والكاميرا 150 هو DVD و فيه Bluetooth و GPS وبيركب عليه Camera غير ان له مخرجين لشاشتين تانيين لو عاوز تجيب الشاشة اللي ف مسند الرأس دي.
كان عنده حاجة تانية هيونداي بس مرضاش يديني أي معلومات تانية عنها الا لما تتوافر عنده لأن تقريبا كانت خلصت.. بس للأسف مش عارف جاية امتي.
هو للعلم موجود في توكيل كلاريون ف اسكندرية وهو مابيبعش حاجات أي كلام يعني أكيد برضه صناعته ان شاء الله مش حاتبقي وحشة.. وأتفق معاك ان pioneer ب 4 بواكي ومافيهوش GPS حاجة سخيفة وان كنت مستكتر ال 4000 أساسا.

**Egyzizo** · 17-06-2013 04:36 AM

طيب الفكرة دلوقتى لما آجى أعمل مارشيدير
المفروض ان الجهاز يشتغل ، والشاشة تطلع ، ويشغل الكاميرا
مش ده هياخد وقت كتير على مارشيدير؟

**crayvor** · 17-06-2013 05:23 AM

المشاركة الأصلية كتبت بواسطة egyzizo

طيب الفكرة دلوقتى لما آجى أعمل مارشيدير
المفروض ان الجهاز يشتغل ، والشاشة تطلع ، ويشغل الكاميرا
مش ده هياخد وقت كتير على مارشيدير؟

قبل ما توصل لمكان الركنة افتح انت الشاشة وسيبها مفتوحة لغاية ما تركن.. وأعتقد لو جبت مارشدير وهي مقفولة ممكن ماتفتحش أساسا.

أنا عن نفسي لو مكانك هو موضوع لدي في دي حاجيبه بس ان شاء الله بعد الضمان أو ع الأقل بعد ال 10000 كيلو أكون اطمنت ع الكهربا. وخسارة جدا تلعب ف التابلوه أو تغيره وخلي في دماغك دايما ان حتي لو برة بيركبوه عادي الصنايعية عندنا ايدهم تتلف ف خرة 90% حايجرحلك نص التابلوه وهو بيحل ويركب ويقولك "يا بيه هي تركب كدة وتلاقيها كمان مش مظبوطة فا ده حايجبرنا نجيب حاجة single din.

أما موضوع الكاميرا مش حاجيبها بصراحة حاجيب سينسورات ركن أحسن وأدق.. انت في الكاميرا شايف السنتر بتاع العربية فقط ومن غير انذار.. السينسور أربع سينسورات ورا بيمسحو الجزء الخلفي كله من العربية غير انه بيحدد المسافة بالضبط ودي أحسن. بس لو مصر علي الكاميرا زي ما قلتلك انت بس افتح الشاشة قبل ما تبدأ تركن و 90% الكاميرا مش حاتشتغل أساسا لو انت من الأول مش مشغل الشاشة.

الموضوع اللي بافكر فيه فعليا هو GPS لوحده أركبه ع الزجاج وبيتشحن يا من الولاعة يا من ال USB وجودته عالية + سينسورات ركن خلفي وشكرا علي كدة لأني 90% مش محتاج dvd player وكدة كدة الكاسيت فيه Bluetooth