سؤال عن تعديل فى نظام الصوت

أنا عندى العربية بتنزل ب 4 سماعات فى الابواب ومعاهم سماعتين للتويترات فى البابين الامامى زائد الكاسيت الاصلى بتاع العربية وهو شرايط ولسه مش عارف نوعه ايه وللاسف ادائهم متواضع جدا .... أنا فى المجمل بحب احس بالبيز ويبقى الصوت نقى ومش مهتم ان الصوت يبقى عالى قوى او ازعج اللى حوليا

فكنت عايز احسن الاداء شوية ففكرت فى الخطوات التالية بالتدريج

- اسيب الكاسيت الاصلى زى ما هو
- ابدل الاربع سماعات اللى فى الابواب بحاجة كويسة
- ازود سماعتين كمان ورا الكنبة

فى الحالة دى حايبقى عندى 6 سماعات و2 تويترات هل حاينفع اوصل كل ده على الكاسيت الاصلى ولا حابقى محتاج اشترى كاسيت جديد؟

بص يابو أحمد انا هجيبلك من الأخر بحكم انا لسة مغير طقم الصوت عندي
بص يا معلم انا جبت النترا 2009 زي مانت عارف وبتنزل برضو ب 4 سماعات في البيبان بس + 2 تويتر ورا مرايات الأبواب
انا غيرت الأربع سماعات 16سم وياريتني ماغيرتهم عشان الأصلي بيبقي متقفل كويس جدا علي علايات وسفنج وحاجات كده لكن الجديد مفهوش الكلام ده ولازم يبقي في فرق بين وش السماعة والباب
وركبت بازوكا jbl 1000 وات علي جي إم سيمفوني 640وات 4 تشانيل
فنصيحتي ليك سيب السماعات الأصلية راكبين ع الكاسيت عادي وتركب في الرف ورا سماعتين بيضاوي 6*9 بايونير 500وات وتجيد بازوكا زي بتاعتي بس اوعي تجيب 1100 وات وجي أم سيمفوني وانسي بعد كده
ده سماعات الأبواب مبهدلة عندي الدنيا مابالك لو ركبت بيضاوي بقي ورا هيبقي فرح دي جي
يعني تعمل حسابك في حدود 400 جنيه جي ام و400 بازوكا مبدأيا
وخلي البيضاوي بعدين أما تحكم ع الصوت وابقي زودهم في أي وقت
تحياتي

لو الكاسيت عندك فيه يو اس بي سيبه وجرب عليه المجموعة دي
لكن لو تعبان وشرايط بس أرميه وهاتلك واحد بايونير فيهusb &‎ bluetooth
واي خدمة يابوب
ومبروك يا معلم ع الألفا روميو كانت فكرة الواد غزالي قبلك
ربنا يسترها معاك ومعانا جميعا

اقتباس:

---

المشاركة الأصلية كتبت بواسطة roland_yamaha

بص يابو أحمد انا هجيبلك من الأخر بحكم انا لسة مغير طقم الصوت عندي
بص يا معلم انا جبت النترا 2009 زي مانت عارف وبتنزل برضو ب 4 سماعات في البيبان بس + 2 تويتر ورا مرايات الأبواب
انا غيرت الأربع سماعات 16سم وياريتني ماغيرتهم عشان الأصلي بيبقي متقفل كويس جدا علي علايات وسفنج وحاجات كده لكن الجديد مفهوش الكلام ده ولازم يبقي في فرق بين وش السماعة والباب
وركبت بازوكا jbl 1000 وات علي جي إم سيمفوني 640وات 4 تشانيل
فنصيحتي ليك سيب السماعات الأصلية راكبين ع الكاسيت عادي وتركب في الرف ورا سماعتين بيضاوي 6*9 بايونير 500وات وتجيد بازوكا زي بتاعتي بس اوعي تجيب 1100 وات وجي أم سيمفوني وانسي بعد كده
ده سماعات الأبواب مبهدلة عندي الدنيا مابالك لو ركبت بيضاوي بقي ورا هيبقي فرح دي جي
يعني تعمل حسابك في حدود 400 جنيه جي ام و400 بازوكا مبدأيا
وخلي البيضاوي بعدين أما تحكم ع الصوت وابقي زودهم في أي وقت
تحياتي

---

بازوكا وجى ام ايه يا حاج هانى باقولك انا عايز اسمع نفسى ... ده أنا فى السيفيا لما ركبت كاسيت ادريان الصينى على سماعات الفابريكا وسمعت الصوت بقيت مزقطط من الفرحة

سماعات الباب عندى فيهم 3 مخروشين وعايزين يترموا فقلت اغير كله على بعضه وازود عليهم كمان سماعتين بيضاوى على الرف بس أنا عايز اعرف هو لما يكون عندى 6 سماعات حاتنفع الوصلات يركبوا على الكاسيت اللى عندى بما انه مجهز لاربع سماعات بس ولا محتاج اشترى كاسيت تانى؟

الحاجة التانية ايه السماعات الكويسة اللى اجيبها؟ ويعملوا فى حدود كام؟

اقتباس:

---

المشاركة الأصلية كتبت بواسطة roland_yamaha

لو الكاسيت عندك فيه يو اس بي سيبه وجرب عليه المجموعة دي
لكن لو تعبان وشرايط بس أرميه وهاتلك واحد بايونير فيهusb &‎ bluetooth
واي خدمة يابوب
ومبروك يا معلم ع الألفا روميو كانت فكرة الواد غزالي قبلك
ربنا يسترها معاك ومعانا جميعا

---

الكاسيت شرايط فقط بس مش عارف هو كويس ولا وحش كصوت علشان كده قلت اغير الارخص شوية اللى هى السماعات لو طلع الصوت وحش اغير واجيب كاسيت... زائد ان شكل الكاسيت متناسق مع التابلوه وعشان اجيب حاجة تانية شكلها مناسب حايطلع عينى

اصلا احتمال كبير الكاسيت عندك ميكونش فيه rca فاصلا مش هتعرف تركب جى ام
بص الافضل انك تجيب كاسيت جديد سونى 500 مثلا و شوف نظام التابلوه عندك ايه الاول
يا اما تغير السماعات بسونى بتاعة البيبان و شوف الى يريحك

اقتباس:

---

المشاركة الأصلية كتبت بواسطة forti

اصلا احتمال كبير الكاسيت عندك ميكونش فيه rca فاصلا مش هتعرف تركب جى ام
بص الافضل انك تجيب كاسيت جديد سونى 500 مثلا و شوف نظام التابلوه عندك ايه الاول
يا اما تغير السماعات بسونى بتاعة البيبان و شوف الى يريحك

---

حضرتك مفهاش مشكله خالص انا مكنش عندي اي مخارج Rca وفيه تحويله بتتباع بتركب ع الكاسيت وتشتغل عادي جدا خالص
انا راي يجيب سماعات سوني 16 سم مدور في البيبان بس تتأكد الاول من المقاس ده صح ولا لآ عشان تركب مضبوط

واما تجيب الحاجه يا احمد هبعتك لواحد في عباس العقاد يركبهملك واد عبقري وفاهم كويس اوي اوي اوي بيعمل ايه

هو ايه ال rca ده اصلا؟

وياريت يا هانى تجيبلى رقم الراجل اكلمه يمكن لو استشرته يفيدنى فى حيرتى اللى أنا فيها دى

01001592992
اسمه وليد كلمه وهو هيفيدك أوي