خليك في الماتريكس 2006
عرض للطباعة
خليك في الماتريكس 2006
انا من رئيي شوف الترتيب دة
ياريس 1300
لانسر البومة 1600
ماتركس
السلام عليكم
انا طبعا متشكر جدا للتفاعل ... وبدور دلوقتي علي الياريس
بس حد يقدر يساعدني وانا بدور ادور ازاي
وايه انواع الياريس الاوتوماتيك .. يعني افرق ازاي بين الفول اوبشن والهاف اوبشن .. وازاي اكشف عليها ؟
وهل صاحبها هيرضي اككشف عليها في التوكيل ولا لأ ؟
حاجه كمان
معروض عليا سويفت 2008 كامله اوتوماتيك
اللون أسود & جميع الكماليات & اتوماتيك & ايرباج & abs & & طاره مالتى & جنوط اسبور مومو اورجينال & فرش الفابريكه & لم ترش أى شىء من الداخل او الخارج...استعمال راقى & تكييف & باور & سنتر & 4زجاج كهرباء
69000 جنيه
وانا معرفش حاجه عن العربيه دي خالص
حد يفيدني ... هي ولا اكمل تدوير ع الياريس
رائي الشخص من وجهة نظري انا
اكيد معرفش اي حاجة عن سويفت غير انها تبع شركة سوزوكي اليابانية
بس اكيد اكيد مش هفكر فيها اصلا لا من قريب ولا من بعيد اكيد اليارس احسن بكتير من حيث السعر والبيع والصيانة وقطع الغيار وكل حاجة
السلام عليكم
شباب انا لسه بدور علي الياريس
بس عندي سؤال
هل ينفع اقارن الاسترا بالياريس ؟
يعني كتير بيقولولي هات الالماني وركوبه تانيه وحاجه مختلفه جدا
وبصراحه حيرتي زادت اوي
خصوصا ان فرق السعر كبير بتاع 10000 جنيه أقل لو هجيب استرا مثلا
اوبل استرا 2005 مرفوعة أربع سنوات اتوماتيك أول يد فول ابشن فابريكه من الداخل والخارج استعمال راقي جدا جدا
عامله 67000 كيلو ومطلوب 64000 جنيه
هي 1600 طبعا واعتقد انها مش الماني اصلا دي برازيلي
هل هي افضل من الياريس في قطع الغيار والبنزين
انا ميفرقش معايا خالص ثبات العربيه بعد ال 140 لان ده اخري في السواقه
معلش انا تاعبكم معايا بس انا قربت اتجنن من كتر الاختيارات والتفكير
راى متواضع لانسر ..............
كنت في مثل حيرتك دي
وكنت ميال جدا للالماني وخاصه الاوبل وكان المتاح قدامي اني اجيب ال استرا 2005 او الفكترا 2002
بس ظهرت بالنسبة لي مشكله عدم وجود قطع غيار ليهم في الزقازيق وتعتبر اغلبيه قطع الغيار في القاهرة وبرضه مفيش الا ميكانيكي واحد ليها ف الزقازيق
وبعدها دورت ع الاوبترا وشفت عربيات كتير وقلقت من عربيات كتير اللي موديل 2007 و ماشية 47 الف وشكلها مش مريح وكده
كنت مقلق منها لاني سمعت كلام كتير وقرأت هنا ان صاجها يعتبر ضعيف معرفش هل زي باقي الجديد ولا لأ
لحد ما ربنا يسر لي عربيه نيواكسنت موديل 2008 اوتو فابريكة ماشية 60 الف وان شاء الله استلمها الجمعه وقفت عليا ب 71 الف
الانسر جميله .. مع اني مبحبش شكلها .. بس الفكره في حاجه تانيه
اللانسر عربيه كويسه فس البنزين وقطع الغيار واعاده البيع .. بس سعرها فلا غالي عليا جدا جدا .. يعني انا مش مصدق ازاي العربيه ماسكه سعر بالشكل ده .. واللعب فيها كتير .. يعني مغيره نص ولاحمه ليزر وحاجات كده مخوفاني منها .. ولو لقيت واحده حالتها نضيفه صاحبها بيطلب مبلغ خرافي ممكن اجيب بيه كورولا مثلا ولا حاجات تانيه احسن
ربنا يباركلك فيها ويكفيك شرها
النيو اكسنت هايله الحقيقه خصوصا اني 5 سنين خبره أكسنت
وبصراحه عمرها ما زعلتني .. والله عمرها .. وبعتها بس عشان اجيب اوتوماتيك وتكييف كويس
والسعر بصراحه حلو أوي
حضرتك جبتها منين ؟
وكنت بتدور فين وازاي ؟
وهل قطع غيارها زي الاكسنت ال 99 كده والبنزين .. والتكييف والوسع من جوه ؟ ؟