هل من جديد ؟؟؟
عرض للطباعة
هل من جديد ؟؟؟
الحمد لله ربنا وفقني في تويوتا ياريس 2008 كامله اوتوماتيك هاي لاين .. فبريكا جوه وبره .. لون اسود .. وعامله 80 الف كيلو ... صيانه لحد ال 80 الف كيلو .. حاله صالون ممتازه .. ومن بره في شويه خرابيش
الحمد لله
ربنا يبارك لك فيها ويديك خيرها ويكفيك شرها
مقولتش عامله ايه معاك
وجبتها بكم
انا دلوقتى فى نفس الحيره
ومحتار بين يارس وبين لانسر
وبدور على لانسر 1600 منول 2008
الناس الي بدور في رنج دة ممكن تيدا 2006 او 2005
الله يبارك فيك
انا الاول هقولك انا كان معايا عربيات ايه وسوقت ايه قبل كده عشان لما اقولك راي تعرف انا بقارن بايه
الاكسنت 1999 1300
الفيكتر 2002 1600
اوبترا 2009 1600
دول اكتر عربيات قعدت معايا وسوقتهم كتير وعملت ليهم صيانه
بالنسبه للتكييف فده اجمد حاجه في العربيه ... التكييف قوي جدا ما شاء الله .. اقوي من كل العربيات دي ... بشغله علي اتنين لمده ربع ساعه ... بعد كده 1 وببعد الريش عني كمان ..
الكنبه الخلفيه واسعه مش ضيقه ... اوسع من الفيكتر بكتير .. اوسع من الاكسنت بشويه ... اقل من الاوبترا .. بس مازالت مريحه ... تاخد 3 مستريحيين لو هما اوزانهم عاديه
هي اعلي من الاكسنت ومن الفيكتر ... بس زي الاوبترا ... بالنسبالي علوها مظبوط ومش بتحك في المطبات
موضوع التسارع والسحب .. هنا بقي انا زعلت .. العربيه سحبها حلو مع التكييف وكل حاجه .. التسارع في الاول قبل ال 60 مش اوي بعد كده بتفتح ما شاء لله ... الي مضايقني الكيك دون بتاعها مش اد كده .. يعني لو حبيت تاخد غرزه بيها مش هتسعفني .. بحس في تاخير شويه
حاجه تانيه مضايقاني ... العزل مش جامد اوي زي الفكتر .. هو احسن من الاكسنت والاوبترا .. بس لو زودت تحس بصوت الموتور ... صوته بس مش حركته
بس العربيه انعم من اي عربيه تانيه .. مريحه جدا .. واسعه بالنسبالي .. تعديل ارتفاع الكراسي والدريكسيون ..كل ده مريحني .. وطبعا استهلاك بنزين قليل جدا جدا جدا جدا حتي مع التكييف .. 530 كيلو في التفويله ... يعني ال 40 لتر يعملوا 530 كيلو ... يعني 132.5 كيلو في ال 10 لتر
شكرا ع الموضوع الي افادني جدا فعلا