عندي مشكلة بعد ما رفعت العربية بالكوريك التمساحة

**ammarxn** · 24-08-2008 12:13 PM

السلام عليكم يا شباب ...

انا حصل معايا نفس المشكلة اول امبارح ورفعت العربية بالكوريك من الصاج واتعوج ...

أنا جبت شاكوش وخبط الصاج كام خبطة من فوق الفرش واتعدل تمام ....

اعملها بنفسك ومش محتاج توديها لأي حد ...

وفعلا رفع العربية من تحت العتب او من الصاج اكبر غلط ...

الواحد مش بيتعلم بالساهل ...

**sab3aawy** · 24-08-2008 12:31 PM

افضل مكان لرفع السيارة بالكوريك التمساح هو المقصات او القنطرة

لو لا مفر من رفع السيارة من عند العتب، يبقى لازم نحتفظ معانا دايما بقطعة خشب فى حجمكف اليد المضموم يكون معمول فيها شق بالمنشار اوسع قليلا من شفة العتب، نبيتها بين العتب والكوريك

يمكن رفع السيارة من العتب بكوريكها الأصلى لأنه بيكون فيه مجراه لتبييتها فى شفة العتب وبالتالى لا يضر العتب

**bee** · 24-08-2008 12:49 PM

بالنسبة يا باشا لمووع ان الباب مكنش بيقفل والعربية مرفوعه ده بسبب ان البنوز بتاعت الباب ضعفت او هوت ومش قادر تشيل الباب وانت رافع العربية وطبيعي لما تنزل العربية الحمل على البنوز قل فاتقفل .. فالمفروض تروح لبتاع ابواب يعملك البنوز في المخرطة :)
تحت امرك

**shoudy2005** · 24-08-2008 02:05 PM

انا لما رفعت العربيه فى البنزينه لقيت تجويف فى الشاسيه مكان الكوريك الزباله بتاع الناس بتوع الكاوتش هى كده ممكن تنزل فى تمن العربيه؟

**thegoodhacker** · 24-08-2008 03:39 PM

المشاركة الأصلية كتبت بواسطة sab3aawy

افضل مكان لرفع السيارة بالكوريك التمساح هو المقصات او القنطرة
يمكن رفع السيارة من العتب بكوريكها الأصلى لأنه بيكون فيه مجراه لتبييتها فى شفة العتب وبالتالى لا يضر العتب

ياريت يا سبعاوي توضحلي انهو مكان بالضبط انت تقصده لان علي حسب فهمي ان المقصات دي بتاعة العفشة علشان كده ياريت توضحلي ......
وبالنسبة للقنطرة انت تقصد يعني ارفع العربية من قدام من الحتة اللي تحت حوض العربية ؟

بالنسبة للكوريك الاصلي فالصراحة انا بقلق منه علشان ممكن قاعدته تتني او تتزحلق و توقع العربية و فعلا الكوريك ده قبل كده حسيت انه كان قرب يتزحلق وكان حيوقعلي العربية قبل كده........ فهل فيه طريقة معينة لاستخدامه تجعله اامن في الاستعمال ؟

**bee** · 24-08-2008 03:58 PM

بص يا باشا
انت لما ترفع من المقص هترفع من الزاوية بتاعته الي هي اعرض مكان فيه الي ماسكه في القنطرة عشان المكان ده محور ونقطة ارتكاز متوزع عليها كذا حمل من كذا اتجاه فيكون فيه توازن وبما ان العفشة اساسا مصممه انها تستحمل فهتستحمل العربية طبيعي .. دي الحاجه الأولانية

بالنسبة للكريك الاصلي لو اخدت بالك من كلام استاذ خالد قالك تجيب قطعة خشب على قد كف اليد وتنشر فيها زي ممر ضيق يبات فيه الشفه الي في العتب فبالشكل ده الحمل هيبقى على الشفة ومش هتتبهدل عشان الخشبه حاكماها وعمرها ما تهرب بردو
بس تراعي ان الارض ميكونش عليها تراب ولا ميه ولا زلقة بالاساس ولا مايله
ممكن تحط طوبة لو الظروف حكمت ان الارض مش مناسبه عشان الكريك ميتزحلقكش

لو فيه اي استفسار تحت امرك

**thegoodhacker** · 24-08-2008 04:15 PM

الف شكر علي الرد والاهتمام

**tamim** · 24-08-2008 04:18 PM

دى كانت اول مرة ارفع العربية من العتب
الى خلانى اعرف ان الباب ما بقفلش ان كنت داخل اتاكد ان العربية معشقة وفرامل اليد مشدودة
(دى على فكرة اهم حاجة علشان العربية متزحلقش )
كان بتاع الكوتش بيرفعها من العفشة وشاورلى وقالى انا رافعها من المقص وقالى ان دى اضمن حاجة لرفع العربية

**Adham** · 24-08-2008 04:44 PM

أي عربية لو مرفوعه الباب لو اتفتح مش حايقفل بسهولة

سواء كانت مرفوعه من العتب او من المقص برضة الباب مش حايقفل لأن ميل السيار حايسبب ان البنز مايجيش قدام السكاكة

عادي جدا ولا تشغل بالك

طالما لما العربية بتنزل من عالكوريك الباب بيقفل عادي يبقى مافيش مشكلة