فى خبر للاقيتة علة الفيس بوك ان خلاص البنزين بالبطاقة والكروت الذكية اول شهر قادم يعنى سبت القادم
كلام دة صحيح؟؟
عرض للطباعة
فى خبر للاقيتة علة الفيس بوك ان خلاص البنزين بالبطاقة والكروت الذكية اول شهر قادم يعنى سبت القادم
كلام دة صحيح؟؟
اشاعه
اشاعة طبعا و اصلا الموضوع ده اتلغى
لا يا فندم الموضوع ماتلغاش ولا حاجة -
من اول 6 هايبدأ توزيع الكروت والمكن الي بيقرأها على مستودعات ومحطات البنزين وعربيات نقل الوقود -
من أول 7 سيبدأ الاعتماد على الكروت دي في ضبط عملية النقل من المستودع للعربية للمحطات وعليه المحطة هتاخد الوقود بالسعر الجديد والحكومة تدفعلها الدعم كله على الي وصل فعلا المحطة فقط - مبدئيا - ويبدأ توزيع الكروت على عربيات السولار
من اول 8 عربيات السولار هاتبدأ تاخد السولار بالكارت فقط - وبالتالي المحطة هتاخد الدعم نقدي على الكميات الي تم توزيعها وليس الكميات الي تم استلامها - ويبدأ توزيع كروت البنزين
من أول 9 يبدا توزيع البنزين بالكروت فقط
وحتى الآن كل العربيات هاتستلم أي كمية بنزين او سولار بالكارت بتاعها مافيش تحديد ولما يحصل تحديد للكمية هايبقى يتم الاعلان عنه
والمكن الي بيتم الاستعلام بيه زي مكنة الفيزا الي بتبقى في كارفور ولا مع الشباب بتوع توصيل البريد بتوع ارامكس
انا ممكن أتفهم الاعتراض على حد 5 لتر في اليوم - أو وضع حد من الاساس لاستهلاك البنزين والسولار
لكن حتى الآن كل الكلام الي كتبته بيقول ان طريقة التوزيع هاتتغير - لكن احنا كمستهلكين مش هانتاثر بتاتا بالموضوع - التأثير في طريقة التوزيع بدل ما بتاخد البنزين وخلاص - بتاخده باستخدام الكارت الي استلمته فمش واخد بالي ايه ممكن يكون الاعتراض على حاجة زي كده
يا فندم أرجوك ركز في كلامي - انا باقول من حق أي حد الاعتراض على وجود حد للشراء - او مناقشة 5 لتر غير كافيين - كل ده كلام يخضع للنقاش -
كلامي في المرتين بوضوح لا تحديد للدعم لا 5 ولا 10 ولا 20 لتر - اشتري زي ما انت عاوز - بس تشتري عن طريق الكارت بتاع عربيتك - علشان تحجيم السرقة - فده لا أرى أي حق لآي حد انه يعترض عليها - استهلاكك كما هو بنفس الاسعار - الي يعترض على الكلام ده يبقى حرامي وبيسرق بنزين وسولار يبيعهم سوق سوداء
المرحلة لاحقة التي لا أظن انها هاتبقى قبل آخر السنة ممكن يفكروا في تحديد الكميات لكل عربية ودي النقطة الي ممكن الاختلاف والنقاش حولها والاعتراض عليها من الاساس او المطالبة بزيادة الكمية وده كله ساعتها هايبقى وجهات نظر
وبالمناسبة انا استهلاكي الشهري اعلى من كده بكتير فالقصة مش قصة اني مش هاتأثر بالتحديد - وزي ما حضرتك بتقول - الكلام ده هايأثر على اسعار حاجات كتير مرتبط باسعار السولار - فدول نقطتين اتفق معاك فيهم جدا - ويجب وضعهم للنقاش في حينه