نتيجه مقابله هيونداي الاولي

**Nile_Storm** · 23-08-2008 12:09 AM

الزمان 23 اغسطس 2008
المكان كارفور المعادي
الحدث المقابله الهيونداويه الاولي
الحضور ابجديا :
AhmedCAR
BlackVerna
Hossam Hamdy
Nile_storm

و الصدفه الرائعه بانضمام مهندس شريف شاكر SAbuhashem للمقابله

اليوم كان تحفه بين كل الهيونداويه و الفيرناويه
واشكر استاذ احمد علي انه ظبط عندي حاجه في العربيه كانت مجنناني
و ان شاء الله القاكم علي خير المقابله القادمه و زي ما اتفقنا علي المفأجأه اوعي حد يسيح

الصور مع استاذ احمد و هينزلها قريبا باذن الله

**BLACKVERNA** · 23-08-2008 12:18 AM

فعلا يا نايل

كانت مقابلة فوق الرائعة و الله الواحد كان حاسس انه بين اخوانه

و الاحلى و احلى ان مهندس شريف كان معانا

بصراحة ناس فى قمة الذوق و الواحد فعلا سعيد بمعرفتهم

فى انتظار الصور يا احمد

على امل ان القاكم الجمعه القادمة ان شاء الله و يكون نايل استورم جاب المفاجئة معاه

**AHMEDCAR** · 23-08-2008 12:34 AM

احم احم دعونا نعمل فى صمت لو سمحتم بجد انا مبسوط جدا انى شوفتكم و اتعرفت عليكم بجد انتوا ناس غاليه فى الجمال ربنا يديم المحبه يارب

بلاك فيرنا باشا انت راجل محترم جدا بجدا و الله الواحد اتشرف بمعرقتك

نايل استورم باشا لو سمحت ماتسيحليش انى بعرف اصلح العربيات لحسن الاقى الناس كلها بتيجى عندى و بعد كده غبور يقبل هههههه بجد انت شخصيه ظريفه جدا و خلوق جدا ربنا يديم المحبه و كمان سبقتى علشان تعمل الموضوع ماشى هاسيبتك تعمل اللى انت عايزه

بالنسبه لحسام حمدى ده صحبى اصلا اقول ايه عليه ربنا يحميه و يخليهولى

بالنسبه للصدفه الجامده اللى حصلت دى انا بجد مبسوط جدا علشان شوفت الاستاذSAbuhashem بجد شخصيه زى العسل و عنده خبره كويسه فى مجال السيارات بجد الواحد استفاد منه بجد ربنا يكرمه

بالنسبه لبقيه الاعضاء الى مقدروش يجوا ان شاء الله الجمعه الجايه يقدروا و كمان علشان المفاجاهو منهم eng.mohamed .... theking2690 اللى اتصلوا بيا و اعتذروا لظروف السفر