يا باشا انا معاك
128 موديل 76 لسه جايبها من شهر
اخوك مينا
عرض للطباعة
يا باشا انا معاك
128 موديل 76 لسه جايبها من شهر
اخوك مينا
منور يا مينا باشا .... ولو عندك اى مشاكل فى العربية ممكن نحلها سوا ونشوف برضه الناس اللى عندها خبرات ونستشير بعضينا :tumb::0002014A:
متابع
هوا محدش عنده 128 الا انا ولا اييييه :star1:
128 2007
قدامي 128 مو 91 على 17 وحالتها حلوة
اخدها ولا بلاش 128 خصوصا ان دي اول مرة ومش عايز هم
17 كتير ياباشا ... اخرها 15 بالكتير اوى ده لو حالتها حلوة زى ما بتقول ولازم لازم لازم تتأكد ان حالتها حلوة ... يعنى اول حاجة بص عالصاج بتاع العربية كله فوق وتحت والشنطة وطبعاً القوايم والشاسيه وكله كله ميكونش فيه بارومة اهم حاجة ولا مرشوش واتأكد ان تحت الدواسات ( تحت رجلك لما تقعد عالكرسى ) شيل الفرش الموكيت او الجلد وشوف الارضية كويسة ولا فيها بارومة ( اهم حاجة الصاج ) تانى حاجة بص عالماتور ودور العربية وخلى حد يدوس بنزين عالاخر ويسيب وشوف في هباب طالع من الشكمان ولا لا وهل في صوت كركرة او خبط فى الماتور لما تقرص عالبنزين ولا لا لو فيه يبقى فيها سبيكة وكرنك وهتكلفك 1300 جنيه وشوف البطارية و كمان بص عالاربع فرد كاوتش شوفهم ايه حالتهم ومقاساتهم زي بعض ولا مختلفة وشوف المساعدين والعفشة جايبين زيت ولا كويسين واخيراً بص على فرش العربية من جوه وفرش الابواب والتابلوه وهل فيها عدة صوت ولا لا... كل الكلام ده اللى بيرفع من سعر العربية .. والكلام اللى بقولهولك ده كله بالظبط اللى انا لبست فيه فى عربيتى لما اشتريتها لانها برضه كانت اول عربية اشتريها ولوحدى كمان وطبعا التكاليف كلها مكتوبة عندى ولو حابب تسأل على اسعار اى حاجة انا تحت امرك ياباشا . ومبروك مقدماً عالعربية . :satelite:
انصحك تشترى ماروتى او 127 ارحم وامتن من ال128 كلها مشاكل وعموما لو حتشترى ال128 فية اختبار جامد ليها وقف العربية على أسفلت الشارع وخلى حد يهز الدركسيون يمين وشمال وحط ايدك فى الفرق اللى بين الكبوت والرفرف لو لقيت الفرق ده بيتحرك تبقى العربية دى شاسيها تعبان ومبروك على العربية الجديدة !!