الموضوع: بطارية للأوكتافيا

السلام عليكم ورحمة الله وبركاته
آخباركم ايه يا رجالة اسكودا يا رب تكونو بخير
بصو بقى قصتي من الأول للآخر انا يا جماعة كان عندي جي ام 350 وات حبيت أزود حجات في السوندة وكدة وبدلت الجيم وجيبت واحد 600 وات اول لما ركب بدور العربية مبدوش خالص بعد ما ركبتو علطول انا قولت فيه قفلة ولا حاجة فصلت الجي ام مفيش فايدة روحت ربنا رزقني بحد ابن حلال جابلي واصلة ودورنا العربية وكلو تمام روحت للكهربائي بتاعي علطول شاف البطارية قالي هي شكلها سليم من غير ما يقسها بس لقى ان فيه فيوز بيقولي بيفوت وكان سايح غيرناه وكدة وفضلت بالعربية يومين وزي الفل وروحت بيها من المعادي للدقي ورجعت تاني ومفيش أي مشاكل روحت بعد كدة النهردة نزلت الصبح ادور العربية زي الفل وبدور روحت مشوار ركنت العربية سيبتها 5 دقائق بدور العربية مش بدور الحمد لله من حسن حظ الواحد اني كنت راكن جمب بتاع بطريات كشفلي على البطارية وقالي بايظ مدية رقم 13.5 بيقولي لازم 12.5 المهم هو قالي عندو هانكوك وده كوري واحسن بطارية روحت لواحد تاني جابلي نوع سعودي وقالي ده احسن نوع كان ac حاجة مش فاكر كانت بــ420 وفيه واحد تاني قالي نوع سعودي تاني بــ 490 مع البطارية القديمة وكل واحد يقولي انا النوع إل عندي اسحن نوع في السوق وكلو عليه ضمان سنة ها يا جماعة رأيكم ايه يا ريت تقولولي ايه أحسن نوع لأوكتافيا a4 2007 طبعا كل إل قولتو انا 70 أمبير
معلش طولت عليكو

طيب ممكن لينك الصفحة

شكرا يا باشا بس ده غالية اوي ده سعرها فوق ال 800 جنيه حرام يعني انا عايز حاجة حنينة انت ايه رأيك في ac ديلو

انت سألت كذا مكان على البطارية بس ما سألتش كذا حد البطارية بايظة اصلا ولا لا
مش عارف ليه حاسس ان البطارية سليمة عندك وبعدين ايه 13.5 فولت ده ، البطارية لو بايظة تدي بالناقص مش باالزيادة يعنى 8 9 10 ، مش 13 ، وكمان انت قلت بنفسك ان في فيوز بيسيح او حاجة زي كدة ، يعنى في شبه قفلة في العربية او حاجة بتـ draw تيار عالى وبتجيب البطارية ع الارض ، اكشف كويس واتأكد كويس بدل ما تدفع فلوس في بطارية ع الفاضى وتتفاجئ بنفس المشكلة هي هي

طيب تنصحوني أروح لمين انا ساكن في المعادي صقر قريش فيه كهربائي كويس يبوصلي على الكهربة والأسلاك

هو الراجل لما قاس البطارية قال انها بتهبل وكمان كان فيه لمبة المفرود كانت تفضل ابته هي كانت بتنور وتقفل وهي البطارية بقالها سنتين تقريبا