ياجماعة انا بخلص في ورق البنك عشان اجيب الاسبارك ممكن اللي جرب يفيدني اكتر بعيوبها ومميزاتها ويارت الاهتمام والرد بأمانه
ياجماعة انا بخلص في ورق البنك عشان اجيب الاسبارك ممكن اللي جرب يفيدني اكتر بعيوبها ومميزاتها ويارت الاهتمام والرد بأمانه
ياجماعة في ايه محدش عاوز يرد هو انا بطلب حاجة صعبة لدرجة دي
شوف يا سيدي.
أنا أختي عندها العربية دي وبسوقها كتير.
العربية حلوه.
أبتدي من أين؟
التكييف كويس جدا. ده شيء مكنتش أتوقعه من عربية 1100 cc.
الخامات بتاعت التبلوه شكلها يستحمل.
العربية سافرت اسكندرية وفيها أربع أشخاص كبار, فيها شنط كتير والتكييف شغال معظم الوقت. طبعا كانت مكتومه بس استحملت. الي سايق كان ماشي على 120 معظم الوقت.
العربية بتجري.في طريق العودة مكانشي راكب غير اثنين والشنط كانت قليلة. العربية كانت بتجري. أنا اللي كنت سايق المره دي و كنت خايف من الثبات بس ثباتها طلع مش بطال. كنت ماشي معظم الوقت على 120 و بعض الوقت على 140. العربية كانت عايزه تجري كمان بس مجربتش أجري أكتر من كده عشان طريق اسكندرية وحش والعربية ثباتها على قدها. بس ثبات معقول على عربية بالحجم ده.
العيب الوحيد هو عدم وجود باور ستيرنج. عيب قاتل في رأيي. أنا مكنتش عارف الموضوع ده قبل الشراء. هو لسة في عربيات من غير باور؟ أنا معايا تويوتا موديل 1984 وفيها باور.
على فكرة, هي 1000 cc مش 1100 cc.
نسيت اقول أنها موفرة في البنزين قوي.
اولا اشكرك علي الاهتمام والرد بس في تعليق اللي اعرفوا ان العربية 1000cc مش 1100 ولا ايه واللي اعرفه من اللي بشوفه انها فيها باور انت قصدك ان الدريكسيون تقيل في تحريكه زي اللادا مثلا ولا ايه وعاوز اعرف يعني التكييف لما بيشتغل بيكتف العربية قوي والخدمة بعد كده مع منصور كويسه ولا وحشه ياريت تفيدني
العربية فعلا 1000 cc.
التكييف طبعا بيأثر على السحب. بس ده على السرعات القليلة. على السرعات العالية مش شايف فرق.
الدركسيون تقيل جدا. الركنه موازي للرصيف صعبة.
طالما تقيل بالشكل ده يبقى مفهاش باور. عيب قاتل في رأيي.
الخدمه لا أقدر أفيدك فيها. معملتش الا صيانة 5000 وكل اللي تم كان تغيير زييت باين.
أصل مش أنا اللي رحت الصيانة.
يا عم الحمد لله السياة اسبارك 2009 فيها بور والمريات لون الفبريكة وشفت بعينى محدش قلى