لو جيبت سربنتينه تكيف كبيره فيها مشكلة ؟

**aldesha989** · 30-05-2013 08:30 PM

السلام عليكم ورحمة الله وبركاتة

عايز افهم واتاكد لو جيبت سربنتينه تكيف اكبر من الحجم اللى المفروض لعربيتى هتحصل مشكلة ؟

السبب فى التكبير انى مش لاقى بتاعت عربيتى ولو جيبت اصغر الضغط العالى هيزيد بنائآ على كلام صديق ليا واللى راكبه عندى للاسف اصغر من حجمها وكمان مخرومه وكمان بتسرب فريون وسربت الشحنه كلها والحمد لله انى اكتشفت بدرى لانها كانت هتحرق الكباس

علشان مافيش حاجه تفصله فى الضغط العالى ومش عارف كمان اجيب ايه علشان الكباس يفصل فى الضغط العالى

المهم هل فيه مشكلة ؟ وايه انسب حاجه اجيبها لمازدا 121 ؟ اى حاجه قريبه بالله عليكم

**windofchange** · 30-05-2013 09:00 PM

لو في امكانية خللي تاجر استيراد يجيبلك حاجتك بالطلب من بره او تجيب قطعية امامي كاملة هتريحك 4 سنين ادام

**aldesha989** · 30-05-2013 09:02 PM

المشاركة الأصلية كتبت بواسطة windofchange

لو في امكانية خللي تاجر استيراد يجيبلك حاجتك بالطلب من بره او تجيب قطعية امامي كاملة هتريحك 4 سنين ادام

انا ماعيش فى جيبى تمن شحن الفريون ومستنى الشهر علشان اجيب السربانتينه ياراجل صلى على النبى

عليه افضل الصلاه والسلام

انا بس محتاج اعرف اقرب حاجه ليها لكن تاجر كلهم حراميه
قطعيه كامله غاليه جدآ وماعنديش مكان اصلآ اشيله فيها حتى لو اتوفرت الفلوس
ولو اتوفر مبلغ قطعيه هروح ابيع العربيه واجيب واحده اسهل بدل الهم ده

**ahmed1981** · 30-05-2013 10:59 PM

أفضل طبعاً إنك تركب الأكبر
وهتديك أداء أفضل

أهم حاجة تعرف تركبها مكان الصغيرة

-

**aldesha989** · 30-05-2013 11:27 PM

المشاركة الأصلية كتبت بواسطة ahmed1981

أفضل طبعاً إنك تركب الأكبر
وهتديك أداء أفضل

أهم حاجة تعرف تركبها مكان الصغيرة

-

هو الصغير اللى راكب مش بتاع العربيه برضه لانى جيبته استعمال وغلطتى انى جيبته استعمال لانه عمال يسرب اهو لسه شايل زيت كمبروسيسور من عليه دلوقتى

فا انا عندى مكان اصلآ كبير فاضى بعد الشبكه ومركب ردرياتير اكبر من بتاع العربيه كمان وللاسف برضه جيبته استعمال كل حاجه اجيبها استعمال مافيهاش خير والله

ان شاء الله هجيب واحد اكبر بس لو حد يقولى اجيب بتاع عربيه ايه يكون ربنا يكرمه

**ahmed1981** · 30-05-2013 11:43 PM

أنا كنت بجيب سربتينة التكييف من واحد في القاهرة في شارع جسر السويس عند مزلقان قباء على اليمين إسمه كول إير
كان بيجيبلي سرنتينة صيني جديدة بالفلتر بتاعها وعنده كل المقاسات المطلوبة
وسعرها جديدة أرخص من الإستيراد
وأداءها ممتاز

-

**aldesha989** · 30-05-2013 11:56 PM

المشاركة الأصلية كتبت بواسطة ahmed1981

أنا كنت بجيب سربتينة التكييف من واحد في القاهرة في شارع جسر السويس عند مزلقان قباء على اليمين إسمه كول إير
كان بيجيبلي سرنتينة صيني جديدة بالفلتر بتاعها وعنده كل المقاسات المطلوبة
وسعرها جديدة أرخص من الإستيراد
وأداءها ممتاز

-

جزاك الله خيرآ

بس انهى فلتر ؟

وكمان لو حد يعرف فى اسكندريه يبقى جزاه الله خير

**aldesha989** · 31-05-2013 02:23 PM

ما عرفتش برضه يا شباب اجيب بتاعت عربيه ايه

**AlGazar2** · 31-05-2013 07:31 PM

بص ممكن تشوف انى عربيه متشاركه مع عربيتك فى قطع الغيار ( اكيد هتلاقى ) ممكن تبقى فورد و الله اعلم و ممكن حاجة تانية يابانى
شوف اكتر عربيه موجوده منهم فى مصر ايه من الى بيركب عليها نفس حاجة عربيتك و هاتها

لو ملقتش ممكن تشوف ايه نظام السربنتينه عندك لو نفس نظام اللانوس او النوبيرا هاتها هتلاقيها ب 150 ولا 200 استيراد و حالتها هاتبقى كويسه ان شاء الله
او ممكن تلحم السربنتينه الى عندك و امرك لله

**Hobgoblin** · 31-05-2013 07:39 PM

Ford Fiesta

الموضوع: لو جيبت سربنتينه تكيف كبيره فيها مشكلة ؟

LinkBack

أدوات الموضوع

عرض

لو جيبت سربنتينه تكيف كبيره فيها مشكلة ؟ - انشر الموضوع فى :

-

-

-

-

-

-

-

المواضيع المتشابهه

مشكله كبيره انا فيها

عملت شبكه الفيرنا قال ايه رياضيه بس فيها مشكله كبيره

مشكلة ..بس مش كبيره

سربنتينه تكيف الياريس

البونتو فيها فلتر تكيف ؟؟!!

الكلمات الدلالية لهذا الموضوع

المفضلات

المفضلات

ضوابط المشاركة