ياريت ياجماعه تقولولى احسن زيت للعربيه انا العداد عندى عامل 76000 ؟
وياريت تقولولى اغير فلتر الزيت كل كام كيلو؟ وأغير سير الكاتينه كل كام كيلو ؟
عرض للطباعة
ياريت ياجماعه تقولولى احسن زيت للعربيه انا العداد عندى عامل 76000 ؟
وياريت تقولولى اغير فلتر الزيت كل كام كيلو؟ وأغير سير الكاتينه كل كام كيلو ؟
زيت توتال 5000 كويس وشل بردو كويس ... سير الكاتينة الأضمن تغيره كل 40 الف كيلومتر وبردو تشوف بلية الشداد بتاعة الكاتينة عاوزة تغيير ولا لأ.
شل الاصفر الـــ 5 الالف اعتقد مناسب
زيت امارات مصر ال5 الاف كويس و ما بينقصش
أنا كده احترت بجد اجيب نوع ايه يكون كويس للماتور
up up up
شل الاصفر بيمشى كويس جدا مع الدايو وبيتغير كل 5 الاف كيلو وسعره 125 جنيه
ولو حالة ماتورك كويسه استخدم كاسترول ماجنتيك نصف تخليقى وبيتغير كل 10 الاف كيلو وسعره 240 جنيه
يعنى على ضمانتكم يارجاله اشترى شيل الاصفر ال 5000 ولا فى حاجه احسن منه ؟
شل شل شل
شل وحش جدآآآآ وعن تجربة مش بتاع قرص
انا غيرتة علي 3700 وكسور والزيت نقص بتاع نص كيلو
وكمان الزيت خفيف جدآآآآ مياة
ابعد عن شيل وعن موبيل
انا لسه حطط زيت تعاون sm وده بيقعد بتاع 7000 الف كيلو وعامل 120 جنية
والزيت حتي الان مع القرص صوت الماتور هادي
انت بتستخدم زيت ايه فى العربية اصلاً؟ معدنى ولا تخليقى؟
الفلتر غيره كل غيار زيت
سير الكاتينة كل 40000 كم
أنا بستخدم زيت موبيل
ياريت يا جماعه حد يقولى احسن نوع ايه
?????
شل ممتاز وهو الافضل دلوقتي
انا جربت تعاون وفيسكو بس هو الافضل
واحلي حاجه فيه صوت الماتور بيبقي اهدي ... وحتشوف بنفسك
الملخص
تغيره علي 4000 وتغير الفلتر كل غيارين يعني كل 8000 ك
واي خدمة
حضرتك كنت بتحط زيت موبيل ايه بالظبط
معدني ولا تخليقي (يعني الـ 5000 ولا 10000)
لو كنت بتحط زيت الـ 10000 اوعى تغيره ب معدني الـ 5000 طالما الماتور حالته كويسه وغالبا هيكون بحاله كويسه لان حضرتك موصلتش حتى الـ 100000 كم انا عامل 165000 كم وبحط زيت تخليقى وفي الحاله دي انصحك بشل الترا الـ 10000 زي الفل
لو كنت بتحط زيت معدني الـ 5000 فأعتقد من الافضل تغيروا لزيت نصف تخليقى هيبقى افضل بس مش هقدر ارشحلك نوع عشان مجربتش بصراحه بس اكيد هيبقى افضل من المعدني
معلشى يا جماعه انا لسه جديد عاوز اعرف ايه الزيت التخليقى والمعدنى والنصف تخليقى ؟ أنا لسه جايب العربيه استعمال وحاله الماتور ممتازه وانا اول مره حطيت زيت موبيل 3000 xhp
شكرا ياباشا على الافاده يايت بخبرتك تقولى استخدم زيت نوعه ايه ؟
انت عربيتك مش ماشيه كتير انا عدادي زيك بالظبط وكنت بحط كاسترول نصف تخليقي وكان ممتاز ودلوقتي بستخدم كاسترول ايدج تخليقي بالكامل وادائه زي الفل
بس في الاول والاخر الزيت راحه نفسيه وحسب حالة الماتور
جرب كاسترول ماجنتيك نصف تخليقي وان شاء الله يمشي معاك كويس
بس اتأكد ان ماعندكش تسريب زيت عشان تعرف تتابع نسبة تبخره يعني بينقص ولا لا
Sent from my Sony Xperia™ Z smartphone
وربنا شل الأصفر 3000 وليس 5000 كيلو... وسيبكم من كلام البهوات بياعين الزيت
جربت لكوى مولى كويس المعدنى جربته والتخليقى جربته برضه
فيسكو فيسكو فيسكو
ممتاااااز
كاسترول ايدج افضلك وحصوصا انى العربية لسة معدش ال100000 ومبيتبخرش زى الموبل والشل وبيستحمل القرص والجرى وبيوطى صوت الموتور
100 100 يا هندسه انت كده جبت اللينك الصح
واعتقد بعد الكلام ده المفروض المفروض العضو truss صاحب الموضوع يشوف بقى صاحب العربيه كان بيستخدم زيت 5000 ولا 10000
لو كان 10000 يبقى ميحطش زيت اقل من كده حرام يبهدل الماتور
لو كان بيستخدم زيت 5000 يبقى يحاول يغير لزيت نصف تخليقي على الاقل
اما بخصوص الماركه بقى فكل واحد هيقول كلام شكل فمش مهم الماركه المهم يحدد نوعيه الزيت سواء تخليقى ولا نصف تخليقى اما المعدني بقى انا ما انصحوش
انا يا جماعه رحت للميكانيكى وقالى حط شيل 5000 بس حاسس انه مايه خالص وبساله على الزيت التخليقى والنصف تخليقى والمعدنى قالى اول مره اسمع حاجه زى دى ياريت تقولولى افرق بينهم ازاى من شكل الجركن او من النوع ؟ وجركن شيل ال 5000 الاصفر ده نوعه ايه ؟
المعدنى غالباً بيكون مكتوب على الجركن premium multigrade oil, و معظم ارقام اللزوجة المتاحة: 20w-50 , 15w-50 , 15w-40
النصف التخليقى هتلاقى مكتوب على الجركن semi synthetic , و غالباً لزوجته 10w-40
التخليقى بيكون مكتوب fully synthetic , و لزوجته فى الغالب 5w-40 , 5w-50
شل الاصفر دة معدنى
use visco 5000
MMamdouh
طب ممكن ياجماعه انواع الزيوت النصف تخليقى واسعار
بستخدم شل 5000 والعداد 127000 كم
وعايز اغير من معدنى ل نصف تخليقى هعمل حاجه قبل ماغير بعيد طبعا عن الفلش
سعره 240 ج
Sent from my Sony Xperia™ Z smartphone
شكرا يا جماعه بس فى استفسار
انا عندى حاله الماتور ممتازه والحمد لله والعداد 76000 عاوز اعرف استخدم زيت ايه يعنى( معدنى - نصف تخليقى - تخليقى ) امتى؟ وايهما افضل لحاله الماتور ؟ مع العلم انا لسه مغير بجركن شيل الاصفر ال5000 هل كده كويس ولا ايه ؟
ياباشاا اقري مشاركات الموضوع احنا جاوبنا علي سؤالك لغاية دلوقتي 3 مرات تقريبا
Sent from my Sony Xperia™ Z smartphone
ماهو ياباشا كل واحد يقولى استخدم حاجه شكل انا بقول بالنسه لعريه بتاتى فى الفتر الحاله اطلها زيت ايه وبعد كام كيلو احطلا زيت ايه ؟ وانا اسف للاطاله
لو مكانتش العربيه بيتحطلها زيت تخليقى طول الفتره اللي فاتت
يبفى انا مع راي العضو Dr.Solom في انك تحط زيت نصف تخليقى وجرب الكاسترول ماجنتك زي ما هو بيقولك وان شاء الله يعجبك
اما لو كانت بيتحطلها زيت تخليقى من الاول وانت بس غيرت للزيت المعدني اخر مره بس فارجع للزيت التخليقي اي نوع يعجبك انا عن نفسي بحط شل الترا وشايفه كويس والحمد لله
لو مش قادر تعرف العربيه دي كان بيتحطلها ايه قبل كده يبقى خليك في الزيت النصف تخليقي الاول وبعد كده لو الدنيا تمام معاك ممكن تبقى تحط زيت تخليقى