هجيب عربية جديدة اجيب اية؟

**kazamodia** · 31-05-2013 12:46 PM

خليك في البومة عربية 100 %وبتحط فلوسك في حاجة مضمونة ويوم ما تبيع تلاقي 100000 مشتري يعني اكنك جايب العربية ببلاش لانك هتبيع بنفس السعر بعد كام سنة .. وقطع غيار على الرصيف .. واديك شايف الانترا بتتسرق ازاي وثثباتها ضايع

**maio_do** · 31-05-2013 12:47 PM

المشاركة الأصلية كتبت بواسطة dr.solom

سيبك من اللانسر عربية قدمت و فقيرة
السيراتو الشكل الجديد ب 185 الف
اعتقد الانترا هاتكون اختيرا مناسب
والبيجو 301 برضه ممتازه

السيراتو فعلا رفعت رفعه غريبة وصلت ل 198

والالنترا برده وصلت لحد 180 الف

البيجو صعبة شوية علشان اعاده البيع وقطع الغيار اللى نار

شكلها هترسى على الالنترا

**maio_do** · 31-05-2013 12:48 PM

المشاركة الأصلية كتبت بواسطة youssef_u

يا راجل يا طيب ، مشاكل فرامل الصني هي ( تيل ردئ ، صفاره بسبب صاجة بتتركب في الضمان ) و مشكلة الماستر دي ان مشوار الدواسه طويل في السرعات القليله . لكن اداء الفرامل لا يعلى عليه واكتر من ممتاز

كلامك سليم بس ناس قالت التابلوة والكاوتش والتكييف فى الزحمة شكل العربية فيها مشاكل او فقيرة كتير الواحد هيدفع فوق ال 100 الاف يجيب عربية تريحه

ربنا يباركلك فيها ويكفيك شرها

**maio_do** · 31-05-2013 12:50 PM

المشاركة الأصلية كتبت بواسطة p r i n c e

و هتبقى وفرت مش اقل من 40 ألف
السيراتو الجديدة معدية و سعرها أعلى من المبلغ اللي مع حضرتك بكتير
و البوما قدمت يراجل حرام تشتري عربية ف 2013 بنفس الشكل اللي بتنزل بيه من عشر سنين.. مش هتحس بأي تميز...
الإلنترا طبعا تحفة فنية مقدرش اتكلم عليها و انصحك بيها لو معجبكش الستروين ولا البيجو
و بالتوفيق و مبروك مقدما

السيراتو اتجننت مش عارف على اية

البومة فعلا قديمة جدااا بس تخيل انك تحترم ماركة من عربية موديل 99

الستروين والبيجو حلوين جدااا بس المشكلة فى اعادة البيع

بفكر فعلا فى الاخر انها هترسى على الالنترا

**maio_do** · 31-05-2013 12:52 PM

المشاركة الأصلية كتبت بواسطة kimotop

الالنترا شكلها مودرن وجديد ومنتشرة وشفتها كتير في السعودية ومصر

فى السعودية اللى لسه متخرج بيجيبها عادى جدااا اول مبيشتغل يجبها من غير اى ضمان هى والاكسنت ويسدد بالقسط المريح اللى جايلة من شغله عادى

عموما شكلها هترسى عليها باذن الله

**maio_do** · 31-05-2013 12:53 PM

المشاركة الأصلية كتبت بواسطة kazamodia

خليك في البومة عربية 100 %وبتحط فلوسك في حاجة مضمونة ويوم ما تبيع تلاقي 100000 مشتري يعني اكنك جايب العربية ببلاش لانك هتبيع بنفس السعر بعد كام سنة .. وقطع غيار على الرصيف .. واديك شايف الانترا بتتسرق ازاي وثثباتها ضايع

كلامك سليم بس انت الوحيد فى الموضوع اللى شكر فيها وفى اعادة البيع اكيد هتخسر من الزيرو زيها زى اى عربية