كان عندى فكره كنت عايز اشاركو فيها
من يوم ماشتريت العربيه و انا فى فكره فى دماغى انى اعزل مواسير الفريون فى حوض المتور من حرارة المتور وده هيخلى الفريون محتفظ ببرودته فهيزود من برودة التكيف
وفكرت اعزلو بالصوف الحرارى
يعنى اعتقد هيبقى مفيد
عرض للطباعة
كان عندى فكره كنت عايز اشاركو فيها
من يوم ماشتريت العربيه و انا فى فكره فى دماغى انى اعزل مواسير الفريون فى حوض المتور من حرارة المتور وده هيخلى الفريون محتفظ ببرودته فهيزود من برودة التكيف
وفكرت اعزلو بالصوف الحرارى
يعنى اعتقد هيبقى مفيد
بس تخيل لو قللنا فقد البروده من الفريون هيبقى الهواء بتاع التكييف ساقع اكتر و خصوصا ان حوض المكنه بيكون سخن جدا و خصوصا بوجود المصفحه
بالتجربة في عربيات كتير ملهاش لازمه والا كانت العربيات تنزل معزوله اصلا...
تحياتي
Sent from my LT18i using Forum Runner
الفرق الحقيقى مع فصل السخن
بس هى الفكره هى ان طول ما مواسير الفريون بتمر داخل حوض المكنه هتفقد جزء من البروده بسبب السخونه الشديده داخل حوض المكنه ففكرة عزل المواسير هى المحافظه على برودة الفريون قدر المستطاع فبالتالى برودة الهواء
مش عارف بس الفكره ديه فى دماغى طول الوقت
موضوع ان العربيات تنزل معزوله اعتقد ان احنا لو فكرنا هنلاقى فى حجات كتير اوى كانت ممكن تتعمل فى عربيات كتير اوى مبتتعملش و كل واحده لسبب معين منها التوفير مع عدم الحاجه ليها مثلا و خصوصا ان معظم العربيات الاوربى تكيفها مش كويس اوى وممكن يتحل بطرق بسيطه بس هما معندهمش الاحساس انو بالاهميه دى
ياغالي العزل بيكلف 15 جنيه تفتكر ايه التوفير فكده؟؟
ثم ان العربيات بتنزل يمواصفات البلد او المنطقه اللي هتروحها ولو الاوروبيين منفرقش معاهم ومبيعملوش حسابنا يبقى ميصدرولناش احسن!!!
بالمناسبه..
المواسير الساقعه اللي في الحوض خارجه من الكابينه مش داخله عليه وعشان كده مفيش معنى من عزلها....
ده الكلام العلمي
التجربه العمليه بالارقام هجيبهالكم آخر الاسبوع ان شاء الله...
تحياتي
Sent from my Xperia Arc S using Forum Runner
منور يا دكتور حازم كنت لسة هسأل عليك
انا باقول نجربها طالما مش مكلفة و مافيهاش اي خطورة
هيفرق فى سرعه التبريد بالذات لما تكون العربيه واقفه فى الشمس....
تسلم ياغالي كنت مصافر يومين ولسا راجع الحمد لله...
انا جبت الخرطوم العازل وجبت ترمومتر يقيس حرارة الكابينه
يومين واجرب قبل وبعد في نفس الظروف عضان يبقى الكلام موثق...
انا وضحت الكلام العلمي واللي هو بيقول ان الخراطيم الساقعه بتكون خارجه من الكابينه مش داخله وبالتالي هتعزلها بعد متكون ادت واجبها وخلصت...
تحياتي
Sent from my Xperia Arc S using Forum Runner
انا شاكر جدا لمشاركات الجميع بس هقول نقطه الله اعلم بيها بس تخيل الفريون بيكون راجع السربنتينه بس مش فاقد كل برودته و تتعاد الدوره مره تانيه فتخيل كل لما يكون ساقع اكثر هيكون هيكون اعادة تكثيفه و تبريده للوصول للبروده المناسبه اسهل
تحياتى دكتور حازم و منورنا و شاكر لاهتمامك