هو بيع الفيليشيا صعب كدة لية؟؟

**harban** · 23-08-2008 01:35 AM

Hello
I am trying to sell Felicia 1997 - AC in very good condition for 36000LE, since 2 months, i think these cars are quite hard to sell
am i expensive? or this is normal in the market!

thanks for your comments

**mazenossama** · 23-08-2008 07:57 AM

السلام عليكم ورحمة الله وبركاته
اعتقد انك ممكن تصبر في بيعها او تتهاود في تمنها والصح انك تروح بيها سوق الجمعة تسعرها بس لو هي تستحق ان شاء الله تلاقي زبونا لو متستحقش نزل في تمنها عشان الاسكودا عربية غريبة تجيبها غالية وتصرف عليها وفي الاخر تخسر لما تبعها عشان ملهاش زبون زي الهيونداي والدايو وكدة
وفيها اوتار كتيرة حقيقي الي هيشتري هيلعب عليها زي السخونية ورشة برة ولا جوة
غير حالة الكوتش والبطارية هينزل بتمنها الارض.
هيقولك الي هياخدها اخري( 33.5)وشوف هي لو مشية كتير ومتعمرة قبل كده وحالة الفرش جيدةوالحالة العامة جيدة اخرها في رايي (انا عندي 2 منها)33-35 مع اني شاري بتعتي 38 بس حالتها ممتازة بس انت حاول متنزلش عن 34 -35 وربنا يسهل وهي ان شاء الله تلاقي زبونها

**shefa** · 23-08-2008 02:35 PM

كلامك مضبوط انا فى واحد صاحبى معاه فيليشيا 96 اشتراها ب 32 لكن كانت عاوزة شغل كتيرررررررررر عمل كل حاجة فيها لكن للاسف فى اعادة البيع لازم تخسر هى الاسكودا كده ملهاش سوق عندنا فى مصر مع العلم انها عربية تحفة وقطع غيارها متوفرة واقتصادية فى البنزين لكن عيبها الوحيد مش ناعمة زى الهيواندى

**limo** · 24-08-2008 05:28 AM

بص هيه سعرها عالى شويه صغرين
بس قول لو حد جالك على 35 و نزلت ليه شويه ممكن توصل لسعر حلو فيها ان شاء الله
طبعا فيه حاجات بشد المشرى للعربيه زى العربيه نظيفه من بره وجوه ولا لأ من بره فيها خبطات كتير -عايزه تترش -بتطلع صوت مش عارف من ايه -الطابلوه متبهدل -فوانيس مكسره
يعنى على قد ما تقدر اهتم بالحاجات البسبطه ده

وطبعا اسعى فى بيعها حط اعلان برقم التليفون على العربيه ولا تيأس لو مجاش حد
كل اسبوع ولا اسبوعين نزل اعلان على النت على كذا موقع ببلاش
لما يبقى معاك فلوس زياده حط ليها اعلان فى الوسيط
انزل بيها السوق مره .

**MOHAMED ABD EL SHAFY** · 24-08-2008 02:04 PM

سوق بعض السيارات الاوربية تقيل مثل الرينو - الاسكودا - البى ام والمرسيدس القديم - اليبيجو نوعا ما
غالبا معظم الاوروبى تقيل حبتين فى البيع واللى بيشترى الاوروبى لايكون له توجة البيع فى فترة قصيرة بغرض التغيير او المكسب

**harban** · 24-08-2008 02:47 PM

many thanks ya shabab, i think i ll go to the market this friday, rabena yesahel, i wanna sell this car because i wanna buy some land, much more useful

**Chicco** · 24-08-2008 02:55 PM

بالتوفيق إن شاء الله ....أنا برضه لما بعت الفليشيا خدت وقت .....بس لما نزلت في السعر أتباعت على طول .....الكل بيقولي اني استعجلت ساعتها و إني لو أستنيت كانت جابت أكتر بكتير بس ما كنش عندي صبر ......بعد ما بعتها جه واحد كان خاسف بسعرها الأرض في الأول و قاللي عايزها قولتله أتباعت ...قعد يعلي في السعر لحد ما على على السعر اللي كنت طالبه و أنا أحلفله اني بعتها و هو فاكر اني باتشطر عليه .....الملخص لو مش محتاج الفلوس على طول و عندك شوية صبر و شطارة يبقى استني شوية .....لو زاي حالاتي بقى يبقى بيع يا لطفي
ربنا يوفقك

**hazem_khidr** · 24-08-2008 03:17 PM

بالتوفيق إن شاء الله ....أنا برضه لما بعت الفليشيا خدت وقت .....بس لما نزلت في السعر أتباعت على طول .....الكل بيقولي اني استعجلت ساعتها و إني لو أستنيت كانت جابت أكتر بكتير بس ما كنش عندي صبر ......بعد ما بعتها جه واحد كان خاسف بسعرها الأرض في الأول و قاللي عايزها قولتله أتباعت ...قعد يعلي في السعر لحد ما على على السعر اللي كنت طالبه و أنا أحلفله اني بعتها و هو فاكر اني باتشطر عليه .....الملخص لو مش محتاج الفلوس على طول و عندك شوية صبر و شطارة يبقى استني شوية .....لو زاي حالاتي بقى يبقى بيع يا لطفي

ربنا يوفقك

بالضبط كده يا شيكو باشا يا كبير
البيع محتاج صبر
و لو التمن اللي انت طالبه معقول تاكد انه ان شاء الله حيجيلك
انا طالب في عربيتي 34 الف و واحد جه تاجر
و عاوز ياخدها ب 29 الف!!!!!!!!
و قعد يزود لحد ما وصل ل 33 الف قولتله لاء
و اسلوب ايه بقي
ماسك الفلوس في ايده و عامل يديهالي و يحرجني
و ما تكسفنيش و ما ترجعنيس بالفلوس
لولا اني نازل و مقتنع اني مش حبيع غير بالتمن اللي في دماغي كان زمان اخدتهم من الاحراج

**MOHAMED ABD EL SHAFY** · 24-08-2008 03:42 PM

وبيكون فيه اوقات فى العام مناسبة واوقات مش مناسبة خالص
افضل وقت للبيع هوا الصيف فى الفترة بين اجازة المدارس ودخول المدارس ودا وقت الذروه للى بيبيع
وافضل وقت للشراء فى الشتاء بيكون المعروض كتيير والسوق نايم واللى مضطر يبيع بينزل من سعر السيارة عشان يخلص

ظبط العربية متكونش متبهدلة او مخربشة
طقم سيرفيس كويس
اغسلها غسلة كويسة جوه وبرة
حط معطر
لمعها
اهتم بشكلها كويس (وطبعا تكون مظبوطة ميكانيكا وكهرباء)
شيل منها اى اكسسوارات (ممكن تنسرق منك وانت واقف)