عرض للطباعة
انهرده يا جماعة بالصدفة قولت اشوف مخالفات عربيتي من علي الحكومة الالكترونية المهم انا عارف اني انا عندي واحدة متاخدة في طريق مطروح ببس لقيت عندي مخالفات كسر اشارة في الزقازيق و انا عمري اصلا مروحت الزقازيق و لا اعرف هي فين اصلا المخالفة ب 50 جنية انا مش مهم عندي الفلوس بس الغايظني انهم في نفس اليوم و نفس المكان انا مش عارف اعمل اه بجد زهقت و قرفت و لينرفز اكتر انهم مخالفتين لكسر الاشارة
يعني كده ينفع ؟؟؟
طب نعمل فيك ايه ؟؟؟
تروح الزقازيق مخصوص علشان تكسر اشارة !!!!
و ياريتها اشارة .......دول اتنين
انا بجد مش عارف المرور هايلاقيها منين و للا منين
الناس بقت وحشة بيعلقوا سبح و دباديب و بادجات الشغل على العربيات !!!
شوفتوا افترا أكتر من كده !!! شعب مفتري و جبار
دول حتى بيركبوا فوانيس شبورة علشان يشوفوا
حسبي الله ونعم الوكيل
لا بتحصل..
لو كنت في الزقازيق ونمرك غريبه.
خاف على نفسك.مدير الأمن هناك جديد ومطلع عنيهم
العساكر غلابه وبيخافوا
والمخالفات دلوقتي فيها حبس يا عمنا
حتى لو مش إنت إلي سايق
الزقازيق !!!!!!!
يا راجل؟
احمد ربنا انهم مسحبوش منك الرخص إلكترونى
الزقازيق!!!!!!!!
طب انتا كنت رايح مطروح
أوعى تقول لحد فى البيت فاهم؟
انا في شهادة المخالفات الإلكترونية بتاعتي مخالفة مكتوب فيها المكان "سوريا" .. مش عارف قصدهم بقي شارع سوريا ولا سوريا الشقيقة بقت تبع المرور بتاعنا
و هي مخالفة صف تاني .. أضف إلي ذلك إني عمري ما ركنت في شارع سوريا ولا عمري ركنت صف تاني أصلا ( و الله بجد فعلا ) عشان مبحبش أعكنن علي حد ولا حد يعكنن عليا أنزل الاقي العربية شالها الونش ولا متكلبسة ولا عالأقل واحد حطها في نص الشارع عشان يطلع و مرجعهاش
و فيه برضه مخالفتين في أماكن عمري ما رحتها .. اللذيذ إن ولا مخالفة من اللي انا عارف إني عملتهم فعلاَ و شفت العسكري بعيني بيكتب نمرة العربية لقيت منهم حاجة
انا كنت مسافر لمدة 7 شهور ولما جيت اجدد الرخصه لقيت عليا 3 مخالفات فى وقت كنت مسافر فيه وكنت رافع العربيه فى الجراج ولما اعترضت ووريت الظابط جواز سفرى وباين فيه تاريخ المغادرة والوصول قاللى ماليش دعوة غير بالمكتوب ادامى بس هو مش ممكن تكون سيبت العربيه لحد وهو الى عمل المخالفات
ودفعلى المخالفات القهريه اللى معملتهاش
حسبنا الله ونعم الوكيل
وانا برده والدي جه يكشف علي المخالفات لقي مخالفه كسر اشاره في بورسعيد مع انه عمره ما راح بورسعيد ولا عمره بيسيب العربيه لحد ! دي بقت ظاهره علي فكره ايه العمل ! ده نصب علني ده .
.
:afro:ههههههههههههه :smilielol5:
انا بقى حاجة غريبة عكسكم تماما
عندي 3 مخالفات و مكتوبين ادام عيني يعني اقلها 300 ج و روحت من 3 ايام اجدد ما لقيتش عليا مخالفات دفعت بس 23 ج مش عارف بتوع اية بس قولت اهو احسن من اللي بيدفع بال 500 و ال 1000 ج
بس مش عارف ممكن بيدفعوا في التجديد اللي بعدة اكيد الحكومة استحالة تسيب شلن و ما تأخدهوش منك
انا استلمت النمر فى 1/12/2008 المخالفات ب 70 جنيبه و وقت ارتكاب المخالفه فى 2007 يبقى الحل تروح المرور تجيب شهاده بتثبت انك استلمت النمر يوم كذا و بالتلى بيشيلوا المخالفات دى بتكون مخالفات قديمه على النمره عادى حصلت معايا كتير
المشكله بتكون لما تكون انت اللى مستلم النمر اول واحد
العدالة المصرية المرورية المهلبية ....تدفع مخلفات ما عملتهاش بدل مخالفات عملتها و ما تدفعهاش :willy_nilly:اقتباس:
المشاركة الأصلية كتبت بواسطة MoToRiZeR
الصول بخاتي ما بيعرفش يكتب النمرة كويس
بصمجي
فبينقشها وغالبا تطلع غلط
عادى جدا انا ابن عمى مجددش الرخصه بقاله 4 سنين لما جه يجدد هوه تبع مرور بورسعيد اكشف ان رقم عربيته طلع لعربيه تانيه وعليه مخالفات ب800 جنيه
تقريبا همه الاثنين كان بيدفعوا مخالفات بعض
هوه استغل الموضوع ده ودفع 200 جنيه بس
حظهم انه كان رايح ينقل ملكيه لمرور مدينه نصر وكان كده كده هيرجع النمر القديمه الى هيه ملاكى بورسعيد
طبعا مستنوش لحد ما يرجع يسلم النمر لمدينه نصر واخذوها منه هناك ورجع القاهره بدون نمر وكان تقريبا ضيف شرف على كل الكمائن الى واقفه على الطريق
فعادى
انا بقى اتاخذت مخالفه بسبب تيشرت عندى لونه بيج سبحان الله التيشرت ده لونه لون حزام الامان بالضبط
وكنت معدى فى اشاره فاتحه فى الخليفه المأمون وماشى بسرعه علشان الحق اعدى الاشاره فالسيد امين الشرط كتر خيره مقدرش يميز انا رابط الحزام لا لأ راح مدينى مخالفه
يا جماعة المخالفات دي مفيدة و بتقوي صلتك ببلدك ...........
يعني لما تتاخد مخالفة في الزقازبق و انت ما رحتش الزقزيق قبل كدة بزمتك مش هيكون عندك فضول تزور المحافظة دي ...
طيب ايه رايكم في اللي حصل لزميلي في العمل .... الاخ واخد مخالفتين واحدة حزام في القاهرة والتانية كسر اشارة في محافظة شقيقة في نفس اليوم ....... فما كان من الاخ الا ان اخذ ملف محترم به صورة طبق الاصل من محضر الشرطة(بتاريخ سابق للمخالفتين باربع ايام ) للحادثة اللي هو عملها علي طريق العين السخنة و مرفق بها صورة العربية و هي متدغدغة .... و العربية اساسا كانت لسة خارجة من التوكيل قبل ما يروح يجدد بشهر .... لانه ركنها فترة علي ما يحوش فلوس تصليحها .... يبقى ازاي العربية كانت ماشية لا وسافر بيها و كسر اشارة ...
المهم دفع برضة
( سيبك انت كان عاجبني اوي منظره و هو عمال يستف الورق داخل الملف ... تحس انه محامي داخل علي قضية صعبة .... ده كان ناقص يعملها علي الباور بوينت و ياخد البروجيكتور معاه المرور )
مصر يامّة يا سفينة :)
شكلك كده.. هاتغرقينا :)
سمعت و الله اعلم
ان لما الامين الفاضل يكتب لحد مخالفة
ثم يقوم هذا الحد الفاضل بغمز الامين الفاضل برضوا باللي فيه النصيب
و لان دفتر المخلفات مرقم علشان لا يستغل استغلال سئ لا قدر الله
و لان المخالفة اتكتبت خلاص
فيقوم الامين الفاضل بتعديل رقم السيارة باضافة واحد مطرح صفر و عمل راس لواحد فتبقي اتنين او ستة
و بكده المخالفة تتنقل لزبون اخر
هل ده صحيح يا جماعة؟
ايوه لو انت عملت مخالفه فى سوريا او اى دوله هتتحاسب عليها هنا
التعديل الجديد للقانون ... لو خبطت عربيه او زودت سرعتك فى Need for speed هتنزل على رخصتك ... مره تانيه هتتسحب منك
الموضوع ده بدأ تجربته على الل PC وقريبا جدا على البلاى ستاشن ...
ماهو التهور اللى فى الجيمز ده اللى بيأثر على سلامه المواطنين فى الشارع
مش عايز بس أشتك في اي جهه سياديه
عشان ملاقيش كلام بالاحمر بيقولك تم الحذف للسب والقذف في حق الدوله
بس هي بلد @#$@#$*^&*&^
وحكومه &*)&*^)@#$
ربنا ياخد كل ظالم ومفتري
ممكن اعرف موقع المخالفات على النت علشان الواحد يعرف رصيده اول بأول .وشكرا
هو اصلا في اشارة في مصر عشان تتكسر
على رأي يونس شلبي في مسرحية العيال كبرت (ياعم صلي كلهم بيهزوا كده)