استفسار بخصوص .. 400rr

**Aven** · 31-05-2013 05:06 PM

مساء الفل على اعضاء النايل موتورز الكراام ...

كان عندى استفسار بخصوص جنزير 400 rr
الجنزير من فتره كده كان مش مظبوط .. بيشد ويرخي مع المشى ..
حاليا دلوقتى .. الشداد على الاخر ... والجنزير مرخى وشكله مش عاطفى ..
ايه الحل الانسب فى الموضوع ده ... تغيير ه ولا اقص عقل منه .. والكلام ده فين ..

الحاجه التانيه ...
كنت فاتح شويه على الدائرى .. وكلت مطب محترم ..
وطبق شفه الفرده قدام ورااا ... تتعمل فين ..

وشكراااااااااااااااا

**bido600** · 31-05-2013 05:37 PM

الجنزير لو الشداد علي الاخر ومرخي بردة
هتقص منو عقلتين ( مينفعش عقلة واحدة ) وركب وجرب لو بردة الشداد في الجزئية الاخيرة والجنزير لسة مرخي شيل بردة عقلتين
الجنزير يتغير لو مصدي او فية تنشن بوينتس يعني وانت شادد الشداد تلاقية حتة فوق مثلا مشدودة كويس وتحت مرخي
اي واحد عجلاتي علي فكرة ممكن يقصلك الجنزير ومش مكلفة

الجنط لو عاوز تستعدلة تلحمة تعمل فية اي حاجة عند عنتر زهران في البحر الاعظم يعتبر انضف واحد يعملها
فك الفردة ووديهاولة هيعملهالك وانت واقف
او اي حد بتاع استعدال جنوط بس الافضل عنتر زهران

**Aven** · 31-05-2013 06:42 PM

المشاركة الأصلية كتبت بواسطة bido600

الجنزير لو الشداد علي الاخر ومرخي بردة
هتقص منو عقلتين ( مينفعش عقلة واحدة ) وركب وجرب لو بردة الشداد في الجزئية الاخيرة والجنزير لسة مرخي شيل بردة عقلتين
الجنزير يتغير لو مصدي او فية تنشن بوينتس يعني وانت شادد الشداد تلاقية حتة فوق مثلا مشدودة كويس وتحت مرخي
اي واحد عجلاتي علي فكرة ممكن يقصلك الجنزير ومش مكلفة

الجنط لو عاوز تستعدلة تلحمة تعمل فية اي حاجة عند عنتر زهران في البحر الاعظم يعتبر انضف واحد يعملها
فك الفردة ووديهاولة هيعملهالك وانت واقف
او اي حد بتاع استعدال جنوط بس الافضل عنتر زهران

عمدتتى ..شكرااا .. لاهتمامك وردك
بالنسبه للجنزير .. هو مشدود من فوق كويس .. ومن تحت ..قرب يلمس الارض
وهو اصلا الجنزير بيطول مثلا .. بيمتدد يعنى .. انا كنت خدت رأى واحد ميكانيكى كده عند الجامعه فى الجيزه وقالى غيره .. والجنزير لما مش بحطله سبارى تشحيم .. بسمع منه صوت غبى .. كركره كده

وبالنسبه للجنط .. هاستأذنك فى عنوان عنتر زهران .. فين البحر الاعظم ده ؟
ولو فى حد قريب ويكون كويس ..

والف شكر يا عمده ..

**bido600** · 31-05-2013 08:00 PM

المشاركة الأصلية كتبت بواسطة Aven

عمدتتى ..شكرااا .. لاهتمامك وردك
بالنسبه للجنزير .. هو مشدود من فوق كويس .. ومن تحت ..قرب يلمس الارض
وهو اصلا الجنزير بيطول مثلا .. بيمتدد يعنى .. انا كنت خدت رأى واحد ميكانيكى كده عند الجامعه فى الجيزه وقالى غيره .. والجنزير لما مش بحطله سبارى تشحيم .. بسمع منه صوت غبى .. كركره كده

وبالنسبه للجنط .. هاستأذنك فى عنوان عنتر زهران .. فين البحر الاعظم ده ؟
ولو فى حد قريب ويكون كويس ..

والف شكر يا عمده ..

العفو يا فندم
اكيد الجنزير بيتمدد - الحديد بيتمدد وبينكمش تخيل بقي دا حديد وحاجة بتشد من هنا وحاجة تسحب من هنا
من الطبيعي انو يكون رخوي من تحت ومن فوق تقيل عشان تقل الجنزير ومش هنقدر نعرف اذا كان فية حتت متنشنة ولا لا غير لما يتشد حتي لو فية بتتعمل بس الميكانيكي بيستسهل ويقولك غير
لو انت شايف حالة الجنزير عندك كويسة مفيهاش صدا ولا خرابيش جامدة من الترس يبقي حرام تغير الجنزير فلوس هتدفع علي الفاضي
اخطر حاجة انك متشحمش جنزيرك انت بتضر نفسك قبل الترس قبل الجنزير لاقدر الله ممكن الجنزير يتقطع ويبقي عامل زي السهم او ياكل التروس نضفة
نضفة جامد بفرشة سلك وبنزين وبعد كدة رش علية Wd40 وبعد كدة اسبراي شحم
ونصيحة لو هتفكة وتقطع منو بعد متتاكد من المقاس وتقطع قبل ما تركب اغسلة كويس بالبنزين وفرشة سلك وحطة في زيت عربيات وسيبة شوية وبعد كدة اغسلة ببنزين ورش علية اسبراي شحم وهيبقي تمام

عنتر زهران في شارع البحر الاعظم عند التوحيد والنور الشارع اللي قبل التوحيد والنور هتدخل فيه وهتسال الف من يدلك هناك ودا رقمة بردة لو تهت بس حاول تفاصل شوية معاه مش اول كلمة تاخدها منة 01222903474 بعد اذن الادارة

**Aven** · 31-05-2013 10:04 PM

المشاركة الأصلية كتبت بواسطة bido600

العفو يا فندم
اكيد الجنزير بيتمدد - الحديد بيتمدد وبينكمش تخيل بقي دا حديد وحاجة بتشد من هنا وحاجة تسحب من هنا
من الطبيعي انو يكون رخوي من تحت ومن فوق تقيل عشان تقل الجنزير ومش هنقدر نعرف اذا كان فية حتت متنشنة ولا لا غير لما يتشد حتي لو فية بتتعمل بس الميكانيكي بيستسهل ويقولك غير
لو انت شايف حالة الجنزير عندك كويسة مفيهاش صدا ولا خرابيش جامدة من الترس يبقي حرام تغير الجنزير فلوس هتدفع علي الفاضي
اخطر حاجة انك متشحمش جنزيرك انت بتضر نفسك قبل الترس قبل الجنزير لاقدر الله ممكن الجنزير يتقطع ويبقي عامل زي السهم او ياكل التروس نضفة
نضفة جامد بفرشة سلك وبنزين وبعد كدة رش علية wd40 وبعد كدة اسبراي شحم
ونصيحة لو هتفكة وتقطع منو بعد متتاكد من المقاس وتقطع قبل ما تركب اغسلة كويس بالبنزين وفرشة سلك وحطة في زيت عربيات وسيبة شوية وبعد كدة اغسلة ببنزين ورش علية اسبراي شحم وهيبقي تمام

عنتر زهران في شارع البحر الاعظم عند التوحيد والنور الشارع اللي قبل التوحيد والنور هتدخل فيه وهتسال الف من يدلك هناك ودا رقمة بردة لو تهت بس حاول تفاصل شوية معاه مش اول كلمة تاخدها منة 01222903474 بعد اذن الادارة

تـــــــســــــــلـــــــ ــم ... يا اااا ريس

على ذووقك واهتمامك ... اا هاعمل اللى قولت .. ويا مسهل ..
وبالنسبه لعنتر زهران انا هحاول انزله النهارده .. واظبطها

شكراااااااااااااا يا كبير

**alfath8** · 02-06-2013 09:06 PM

ايه الاخبار يا ايمن

**Aven** · 03-06-2013 03:03 AM

المشاركة الأصلية كتبت بواسطة alfath8

ايه الاخبار يا ايمن

تمام يا عمده الحمد لله ...
روحت لعنتر زهران بس اللى كان هناك احد زهران
بس لسه زى ماهيه .. كان لازم اروحه بالجنوط بس .. انا روحت بالبايك كله على امل انه هيفك هواا
المهم .. رجعت عند مجدى زيدان .. وجبت شويه حاجات من عنده للبايك ..
طنبوره وتيل وبوجيهات وفلتر زيت ,, وللاسف ملاقتش عنده جنزير نضيف .. تفتكر الاقيه فين ؟
وغيرت زيت اللى هوا فالفولين ده .. وقصيت عقلتين من الجنزير .. وركبت بقيت الحاجت دى عند عادل زيدان
لانى معنديش rear stand >> بس بعمل واحده .. بحب اصين اى حاجه فى البايك بأيدى ..
انا كده واقف على استعدال الجنط .. والجنزير .. بس

**Ahmed Amin** · 03-06-2013 10:06 AM

أستاذ Aven
أنا عايز أجيب بايك 250R أو 400RR
ومحتاج أعرف شوية حاجات عنها قبل الشراء,

ممكن حضرتك تقولي ال ""طنبوره وتيل وبوجيهات وفلتر زيت"" جبتهم بكام ؟

وياريت بما أنك عندك بايك, ومجرب وبتحب تصين الحاجة اللي فيها بأيديك يعني فاهم,
ممكن تشاركني برأيك في الموضوع دا من تجربتك للبايك, لأني هبقي لسه أول ما أشتري..
http://www.nilemotors.net/Nile/361028-250r.html

وياريت لو العمدة كمان يشرفني بردة, أبقي شاكر جدً ليكم.
وياريت تقبلوني أخ جديد ما بينكم..

**Ahmed Amin** · 04-06-2013 01:07 PM

أولاً ربنا يخليك الأمر لله وشكرا لردك اللي أستفدتة منه جداً وإهتمامك.
ثانياً دا هيبقي أول بايك ليا. فهل لو بدأت بال 400rr هيبقي كتير عليا ولا وسط ما بين ال ٢٥٠ وال ٦٠٠
أنا أما ركبت ال ٢٥٠ ورا واحد قبل كدا حسيت ان سحبة ضعيف. صوت بس.
فهل ال 400rr مناسب كبداية زي مانت عملت ؟ ولا لازم ٢٥٠. علماً باني لو جبت ال ٢٥٠ هغير بعدها ل ٤٠٠.!

وممكن اعرف ال 400rr النضيف بيعمل كام دلوقتي.
والزيت والتيل بيتغير كل كام كيلو. وبتاخد قد ايه زيت.؟
معلش لو تقلت عليك بس انا مش لاقي حد غيرك يفيدني في الأسئلة لدلوقتي.