مساء الخير عليكم جميعاً و اسعد الله مسائكم و جمعة مباركة علي الجميع :))

بالصدفة البحتة امبارح جربت عربية صديق عزيز و هي 316i 2007 .. و بكل صدق عجبتني جدا .

و من اسبوعين كدة صديق ليا تاني باع السيراتو كوبيه 2013 اللي لسة جايبها و مشي بيها 3000 كيلو ..

و جاب 318i 2005 .. فأنا طبعا قولت دي علامة يا مارد :D و اخدت قرار التغيير .

اللي هيسأل راكب ايه ، حالياً معايا Gen2 2013 اوتوماتيك و هيا كويسة جدا ، بس مينفعش اقارن بال E90 ولا E46 .. دي حمادة و دي حمادة تاني خالص ، و قبلها كان معايا Gen 2009 و اوبترا و كامري و سيفيك ..

المهم خلينا في الموضوع الاساسي ..

الحيرة بين 316i و المانيول و عذابه و لياليه في الزحمة ( و سكّن تسلم مع الـ1600 )
و الـ 318i و راحة الاوتوماتيك و الانتخة ( و مجازفة الـ 2000cc في ظل حكومتنا الرشيدة )

و المقارنة فيما سبق بين اسعار الصيانات و قطع الغيار الاستهلاكية و مدي توفرها ( خصوصا في اسكندرية ) و متوسط سعر الحالات الجيدة منهم .

لاني مش حابب كل صيانة اضطر اخد اجازة و اسافر و اضيع يوم في القاهرة ، العربية الاعتمادية من اولوياتي

استخدامي العام مشواير الشغل و الاسرة و احيانا سفر ، متوسط الاستهلاك 1500 كيلو في الشهر و عموما بحب اصون العربية ومخليهاش محتاجة حاجة ..

كلمت حبيبي و اخويا كريم و طمني كتير عن الـ e90 .. و من هذا المنطلق منتظرين اراء باقية الناس و خصوصا Formulator في هذه الحيرة القاتلة ..