محتار اشترى alcatel one touch x'pop او اشترى alcatel one touch star

**AHMED12345678** · 31-05-2013 06:17 PM

انا من فترة بدور على موبايل اندرويد تاتش وامكانياته عالية وبخطين
لغاية ما الكاتيل نزلت مجموعه موبايلات كويسة بخطين واندرويد وامكانيات حلوة منهه
الاكس بوب وسعرة بالضمان عندنا فى الزقازيق 1555
والاستار وسعرة بالضمان فى الزقازيق 1666
بس انا محتار

علشان Alcatel One Touch Star مميزاته
- شاشة اموليد
- كاميرا تصويرها كويس وفيها HDR
- وزنه 120 جرام
-بروسيسور ديل كور
-بلوتوث 4
- التليفون مصنوع بالكامل من الالومنيوم
-الذاكرة الداخلية 4 جيجا بس المتاح 2,4 جيجا للمستخدم
- حمايته Corning Gorilla Glass, Oleophobic coating
عيوبة بالنسبالى انه حجمة صغير رغم انه 4 بوصة بس ابعادة صغيرة بالمقارنه مثلا
بسامسونج s advance الى هو بردة اربعه بوصة بس شاشته تحس انها كبيرة

اما ALCATEL ONE TOUCH X'POP مميزاته
-شاشة اربعة ونص بوصة يعنى كبيرة وكمان qHD
- المفروض انه حمايته طبقا لموقع الكاتيل Oleophobic coating, Dragontrail glass
- ارخص فى السعر
- بلوتوث 4
- بروسيسور ديل كور
بس عيوبة
- شاشة TFT
-الذاكرة الداخلية 4 جيجا بس المتاح واحد جيجا للمستخدم
-وزنه 139 جرام
- معرفش ان كان الجهاز من البلاستيك او من المعدن
- كاميرته معرفش كفائتها

دى مقارنه بينهم Alcatel One Touch X'Pop vs. Alcatel One Touch Star - GSMArena.com

ودى مقارنه تانية ALCATEL ONE TOUCH - Products - Compare

انا استخداماتى فى التليفون معظمها اتصالات والعاب اما النت على التليفون قليل

ارجو الافادة مع العلم انى استبعدت سامسونج زى الجراند مثلا لان كل تليفونات سامسونج الى بخطين شاشاتها ضعيفه فى الريزيلوشن وكمان TFT كلها واسعارها عالية ما بين الالفين والتلات الاف جنية

مع العلم انه هينزل فى شهر يوليو ان شاء الله الاس 4 مسنى بخطين وامكانياته عالية بس اكيد السعر بردة هيكون عالى وانا عاوز حاجة سعرها حنين زى الالكاتيل Samsung I9190 Galaxy S4 mini - Full phone specifications

انا ميال اكتر الى One Touch Star علشان الشاشة والكاميرا والتصميم الشيك الفخم المعدنى والذاكرة والوزن الخفيف بس خجم الشاشة مهم بالنسبالى

يا ريت تشوروا عليا علشان ان شاء الله هشترى الاحد القادم

**AHMED12345678** · 31-05-2013 09:05 PM

يا قوم هل من مجيب

انا طالب استشارة يا اخوانا وارائكم مش طالب الحل فى مشكلة عويصة

**AHMED12345678** · 01-06-2013 04:13 AM

فعلا ما خاب من استشار

بس لما ميلاقيش حد يشور علية يعمل اية؟؟؟؟؟؟؟؟؟؟؟؟؟؟؟؟؟

**Eng.Omar_karem** · 01-06-2013 05:14 AM

نصيحة مني متجبش موبيل اندرويد راماته اقل من 1 جيجا...هيتعبك وهيخنقك جدا لان الاندرويد اصلا بيسحب من الرامات كتير فمع الاستخدام هتلاقي الجهاز بيتقل معاك وبيهنج بس لو انت استخدامك خفيف مش من النوع اللي بيفحت الجهاز طول الوقت يبقى اتكل على الله ومتقلقش

..لو حضرتك تقدر تزود شوية وتجيب s3 mini او ال s advance احسن بكتييير بس هو مشكلتهم انهم خط واحد
ف لو تقدر تستغنى عن موضوع الخطين ده يبقى الجهازين دول افضل طبعا

**ztiger** · 20-06-2013 08:23 AM

x pop
امكانياته معقولة وعيبة الرام 512 والذاكرة الداخلية
وميزته انه Dual Active يعنى بيشغل الشريحتين في نفس الوقت وده كلام اللى اشتروه
وسعره مقبول ومش غالى اوي
وممكن تتأكد من الوكيل

**hamadaghfar** · 20-06-2013 09:07 AM

بص حضرتك انا معايا الكاتيل 992 والحمد الله زي الفل وعيوبه بسيطه
زي مش هتلاقي الاكسسورات لزقه الشاشه و الكفر بس ممكن توفق ليهم حاجات والموقع ده هتلاقي كل انواع الكاتيل و راي الناس اللي مشترين الموبيل http://www.mob4me.com/

**mamo1700** · 26-07-2013 10:31 PM

بص يا باشا xpop جامد بس مشكلته انه راما 512 بس ممكن تتحل بالروت

**Patrickologyy** · 27-07-2013 01:12 AM

المشاركة الأصلية كتبت بواسطة mamo1700

بص يا باشا xpop جامد بس مشكلته انه راما 512 بس ممكن تتحل بالروت

مين إدى لحضرتك المعلومه دى ؟!
مشكله الذاكره الداخليه بس هى اللى ممكن تتحل بالروت .. و مش بيعدل فى الذاكره نفسها كمان ده بيعدل فى التطبيقات علشان تتنقل على كارت الميمورى .. لكن الرام مهما حصل مش ممكن يتعدل عليه :)
عموماً رامات 512 ميجا دى حاجه كويسه غلى حد ما مش قليله :)