تقرير عن صيانة ال ٥٠٠٠ فرع العبور

**DEVILRIDER** · 31-05-2013 06:47 PM

انهردة عملت صيانة ال ٥٠٠٠ للالنترا الحجز كان الساعة ٩ وصلت ٩ فرع العبور وكان زحمة جدا المهم قعدت مع موظف الاستقبال قولتلوا صيانة ٥٠٠٠ و عايز زيت ٥٠٠٠ و يكشفوا على التكييف و تربيط عفشة و كنت عايز اركب الانزار بس قالى انو مش موجود قالى هو عبارة عن ريلاى و سرينة قولتله بكام قالى ٣٧٠ جنيه او اقل حاجة بسيطة قالى تيجى وقت تانى المهم خدو العربية و دخلوها فضلت واقفة حوالى ربع ساعة بعد كدة بدئو فيها الساعة ١٠ المهم رفع العرية و حط الزيت و نضف الفلاتر و معملش اى حاجة فى تربيط العفشة و قعد حوالى ربع ساعة فى الصيانة فخرج العربية بره نزلت للموظف قولتلو تمام بس هو مربطش العفشة استغرب و بعد كلام و هو كان زوق فى تعامله دخل الورشة وجابوا العربية و ربطوا و كلو تمام و خرجوها بعد كده المهم فضلنا حوالى نص ساعة مستنيين الورق عشان الدفع جينا ناخد منو الورق قعد يبص فيه كتير راح قايلنا معلش حصل غلط الى عمل الصيانة حط زيت ١٠٠٠٠ مش ٥٠٠٠ و هنا والدى اتعصب علا صوتوا شوية عشان التاخير والعفشة فى الاخر حط الزيت غلط ووالدى مرضاش بيه قام المهندس يخش الورشة تانى يحط ٥ و يشيل ال ١٠ راح والدى دخل لمدير الفرع و حكالو قالو هتابعلك و ععملك الصيانة من الاول طلعنا فوق تانى نتفرج على العربية غير الزيت فى ساعتها و خرجوها نزلنا خدنا الورق للدفع الفتورة كانت ٣٤٠ مش عارف اضافولها ١٥ جنيه sundries مش عارف ايه دى سالت بيقولى شحوم و حاجات كده المهم دفعت ٣٥٥ جنيه و اخدت العربية و مشيت على حوالى ١٢ الا ربع بس كده

**M I D O** · 31-05-2013 08:16 PM

الف مبروك علي الصيانة يا غالي ومعلش كل مراكز الخدممة في مصر زي الزفت وخصوصا غبور

**DEVILRIDER** · 31-05-2013 08:33 PM

المشاركة الأصلية كتبت بواسطة m i d o

الف مبروك علي الصيانة يا غالي ومعلش كل مراكز الخدممة في مصر زي الزفت وخصوصا غبور

الله يبارك فيك هو فى صيانة الالف الموضوع مشى تمام لكن مش عارف انهاردة فيه ايه

**DEVILRIDER** · 31-05-2013 08:42 PM

المشاركة الأصلية كتبت بواسطة dadapharma

مبروك الصيانة ...أنا عملت صيانة 1000 من كام يوم فى فرع أبو رواش .. غيار زيت 10000 و فلتر و رجلاش الفرامل .. الفاتورة ب 350 جنيه و المصنعية مجانا ..
الحاجة الى لاحظتها تغيير التيل لعربيتين فى صيانة ال20000 مع عدم رضا أصحاب العربيات نظرا لقصر عمر التيل الأصلى!!! .. بقيت خايف المهندس يكلمنى أنا كمان يقولى هنغير التيل و أنا لسه عامل ألف كيلو..:pointiy2[2]:
هروح تانى قريب عشان كرسى السواق بيزيق و روحت قسم الهياكل قالى تجيلى يوم من بدرى عشان ده حوار كبير..

الله يبارك فيك و انا واخد بالى من حكاية التيل دىانها عند 20 الف بيقولو عليها لا و المشكلة ان تمنه غالى جداااا بيعدى اسعار تيل العربيات الالمانى ب 700 جنيه اعتقد و كويس ان الواحد واخد باله من الحاجات ديهو ان شائ الله مشكلتك تتحل و انا المفروض رشاحلهم تانى عشان الانزار اللى الموظفة فى التليفون قالتلى الانزار موجود و لما روحت ملقيتوش يلا الحمد لله و بخصوص التيل برده انا قالوا ل قريبى فى صيانة 25 للالنترا برضه و غيره و احنا كنا اتكلمنا فى موضوع التيل ده هنا و قولنا محدش يغير الا اما يشوف لانو ممكن يعد ل 40 و 50 الف كم عادى

**john55** · 31-05-2013 10:17 PM

كنت بشبه عليك في العبور كنت حضرتك مع والدك ولابس قميص كروهات وكنت لابس نضاره ومعاك زجاجه مياه صغيره صح ولا انا غلطان

**DEVILRIDER** · 31-05-2013 10:34 PM

المشاركة الأصلية كتبت بواسطة john55

كنت بشبه عليك في العبور كنت حضرتك مع والدك ولابس قميص كروهات وكنت لابس نضاره ومعاك زجاجه مياه صغيره صح ولا انا غلطان

انا كنت مع والدى و كنت ماسك شنطة صغيرة فيها حجات من العربيت و ازازة ميكبيرةو كنت لابس تى شيرت كاروهات بص انتا قربت غالبا انا انتا كنت انهى بئا والدى هو اللى كان لابس قميص‎‏ كروهات :d ‎:d