عرض للطباعة
انا والدي حينزل عربيه من الخليج وهو في واحد صاحبه حيدفع فلوس الجمرك بس هو مش حينزل دلوقتي
بس هو قالي انها حتكون بدون نمر الكلام ده صح ؟؟؟؟؟
ومينفعش تتحرك غير لما ورقها يوصل المرور الكلام ده صح ؟؟؟؟؟
فهل بنفع امشي بدون نمر بس اوراقها موجوده ؟؟؟؟؟؟
في حد قالي ان ممكن تاخد نمر من اي معرض عربيات وسعرها حوالي 150 جنيه لليوم الكلام ده صح ؟؟؟؟؟
ومش هي المفروض تكون بنمر الجمرك ولا ايه
ممكن الي يعرف يجاوبلي علي الاسئله دي
:Zb_sor1[1]:
السلام عليكم
أخى الفاضل هيكون فى حالتين لكلامك
الاولى تسديد الجمرك الثانية التريبتك
الاولى والثانية لازم الوالد يكون موجود فى القاهرة مع العربية ولو هيسدد الجمرك هو اللى بيروح أو بيعمل توكيل لمكتب تخليص جمركى ومينفعش يطلع برة البلد بدون العربية
ثانيا لما يشترى العربية فى اجراءات فى البلد اللى هينزل منها من ضمنها انه لازم يعتمد الفاتورة والعربية ميكونش موديلها اكثر من 3 سنوات
وفى الحالتين العربية بتدخل البلد وبتاخذ نمر جمرك عادى جدا بس على فكرة العربية لو الوالد داخل بيها جمرك مينفعش غيرة هو او تقريبا الادة بس اللى يركبوها لان فيها مخالفة وعلى فكرة مش شرط انه يدفع الجمرك على طول ممكن بعد شهر او اثنين عادى بييروح يسدد فى مصلحة الجمرك وياخذ افراج عنها للمرور الرئيسى فى القاهرة وبعدين يرخص عادى
انما لو العربية هيشتريها باسمه صاحبة من برة ويشحنها كانها داخلة بضاعة من برة لازم جمركها يدفع فى نفس الوقت وكل كماليات العربية بيتحسب عليها جمارك حتى فتحة السقف والكاسيت والزجاج الكهربائ
ونصيحة فى الحالة دى لازم تسال الاول فى مصلحة الجمرك على النت عن كل الرسوم الواجبة السداد على العربية اللى هتدخل البلد ولازم تذكر كل حاجة كام سى سى والزجاج والجنوط والفرش والكاسيت والمكيف وخلافة علشان تحسبها تمن العربية فى مصر ولا من برة
لو فى حاجة انا نسيتها او عايز تستفسر عنها انا تحت امرك
أخوك
محمد حامد