تعمل ايه لو واحدة جت من يمينك وطلعت قدامك وعملت حركة مش كويسة؟؟؟؟؟؟؟؟

**المنسي** · 31-05-2013 08:02 PM

انا اللى حصل معايا امبارح اول مرة اتحط فى الموقف ده اللى حصل ان كان معايا زوجتى واولادى وكنا رايحين لناس مستنينا عند مول العرب بس على الجنب اللى فيه جامعة مصر للعلوم والتكنولوجيا المهم انا عديت الصينية بتاعة ميدان جهينة وماشى بمتوسط سرعة 60 وكنت واخد الحارة الشمال قبل الملف اللى قدام مول العرب غلشان الف واروح عند الجامعة وفجاة لقيت عربية سودا تقريبا افيو او اوبترا بقت قدامى هيه جت من يمينى وطلعت قدامى انا ولا فبالى خالص وفجاة ببص على الل سايقها لقيت واحدة ست وتقريبا كانت بتشتم وفجاة فتحت ازاز شباكها وعملت حركة بصباعها طبعا انا الدم غلى فى عروقى وكل ده انا مش فاهم ايه اللى خلاها تعمل كده المهم انا باخد الملف وانا فى الشمال وهيه داخلة معايا الملف على الواسع فرحت داخل وبلف وهيه طبعا بتلم وش عربيتها فالاكصدام عندى لصق فى الرفرف الورانى عنده وفجاة لقيتها فتحت الازاز تانى وبتقوللى ارجع ورا قلتلها مش راجع ورا اطلعى تانى المهم هيه بقت تشتم وانا كمان بشتم بس ده كل اللى حصل طبعا زوجتى بتقوللى انت غلطان علشان انا اتماديت معاها وبتقوللى مادام واحدة زى دى تعمل حركة زى دى ايه اللى يخليك تقاوح معاها

انا لغاية دلوقتى مش عارف ايه اللى خلاها تفتح ازاز شباكها وتعمل الحركة دى مع انى مش فاكر ان عملت لها حاجة وفرضا انى كنت عملت حاجة او زنقت عليها بس والله العظيم انا ممكن اكون عملت حاجة ضايقتها بس اكيد مكنتش واخد بالى فايه اللى يخليها تعمل حركة زى دى وتانى حاجة لما انا اخدت الملف على الضيق وهيه اخدته على الواسع كان مين المفروض اللى يعدى الاول هل اللى واخد الملف على الضيق ولا اللى واخد الملف على الواسع

اعذرونى انى طولت عليكم بس تعملو ايه لو وقعتو فى نفس الموقف

**eleanor** · 31-05-2013 08:37 PM

زوجتك معاها حق لان اللى عمل كده لو راجل هاتعرف تتكلم معاه انما دى ست ومش محترمه يعنى عندها من البجاحن ما لا يملكه الرجال
والمثل بيقولك ان غلبك راجل سلط عليه ست

**rahmanboud** · 31-05-2013 08:43 PM

إذا خرج العيب من أهل العيب ميبقاش عيب ودى ست مش محترمه أصلا يعنى المفروض تكبر دماغك وما

تنزلش نفسك لمستواها وزوجتك معاها حق فى إنك تتجاهلها من الأساس .

**emad_2020** · 31-05-2013 08:44 PM

ولا تزعل نفسك فى الشارع المصرى دلوقتى اشكال اكتر من كدا
انا مره كنت راجع من الشغل كنت فى الباص الخاص بلشركة وكان جنبى بنتين مش عايز اوصف شكلهم المحور كله كان بيتكلم عليهم من منظرهم شكلهم كان شارب المهم البنت رمت العربية قدام ميكروباص وكنت هتخبطه السواق بيكلمها وبعد كدا مشيت وارحت مخرجة ايدها وعملت حركة الراجل ميقدرش يعملها بصراحة مفيش اخلاق ولا تربيه

**dede_dodo88** · 31-05-2013 08:48 PM

البرود التام هو الحل الأمثل للتعامل مع الناس دي.. تعامل معاهم كأنهم مش موجودين..
لكن هتدخل معاهم في مشادة كلامية و تنرفز نفسك فأنت كده بتنزل لمستواهم و أنت اللي هتبقى خسران..

**beshomilan** · 31-05-2013 08:59 PM

واحده مش تعبانه فتمن العربيه تفتكر مش هتعمل كده!!
واحده مدلعة وبابى بيصرف عليها مش هتعمل كده؟؟

انصحك اخى وبشده ابعد عن العصبيه وخصوص وانت معاك عيلتك ومتعملش زيي لما مسكت فتكسجى من مده ورحنا القسم عشان نفس السبب اللى بتحكيه ومستفدتش اى حاجه وحكيت الموضوع هنا

لو حد عمل زى ماهى عملت..اعمل نفسك مخدتش بالك واستغفر الله وكمل طريقك وولا كأن فيه حاجه حصلت ويفضل تسيبها تسبقك وتغيب عن نظرك احسن

**محمد يوسف** · 31-05-2013 09:11 PM

تقريبا الحركة دى بقت منتشرة..أنا برضه شفتها فى شارع جامعة الدول راجل شكله محترم فيه ست رمت عليه شكلها غشيمة بس هو ما استحملش وفضل يديها كلاكس وراح طالع بسرعة من جنبها وعمل الحركة دى بصباعه..أنا كنت مذهول بصراحة بس واضح انها بقت عادة عند المصريين

**speed_magnum** · 31-05-2013 09:11 PM

موقف عااااااااادي جدا في ظل الانهيار الاخلاقي
كل يوم بتعدي علينا اشكال اللي بيشتم واللي يعمل حركه بايده واللي يزنق عليك وبسبب او من غير سبب
......
خليك باااااااارد في التعامل
.......
وربنا يسترها معانا ومعاك

الموضوع: تعمل ايه لو واحدة جت من يمينك وطلعت قدامك وعملت حركة مش كويسة؟؟؟؟؟؟؟؟

LinkBack

أدوات الموضوع

عرض

تعمل ايه لو واحدة جت من يمينك وطلعت قدامك وعملت حركة مش كويسة؟؟؟؟؟؟؟؟ - انشر الموضوع فى :

-

-

-

-

المواضيع المتشابهه

غيرت فلتر التكييف علشان الصيف والدلع وعملت حركة حلوه

ايه افضل موديل لجين 2 وازاى اشترى واحدة مستعملة كويسة

لو راكب عربية وفى اشارة وبتبص يمينك لقيت سواق بيشرب مخدرات تعمل اية

سوران 2008 لو حلتها كويسة تعمل كام

هي السيات 133 لو حالتها كويسة تعمل كام ؟

الكلمات الدلالية لهذا الموضوع

المفضلات

المفضلات

ضوابط المشاركة