شوف الكنترول بلف كده يمكن يكون فيه مشكله
عرض للطباعة
شوف الكنترول بلف كده يمكن يكون فيه مشكله
عندى نفس المشكلة التكيف الصبح ولا ليه اى لزمه
لسه راجع من مشوار مسلوخ بمعنى الكلمه والاسم مشغل التكيف ولما نزلت من العربيه حسيت انى لو فتحت الشبابيك كان هيبقى اهون من كده
مع انى لسه شاحن التكيف وبليل بيكون تلج
ومغير سربانتينه ومغير خرطوم تكيف ومغير فلتر الفريون ومنضف الفلتر اللى جوا التابلوه بالهواء وفتحات التابلوه منضفها بهواء ومنضف تابلوه مش عارف بقى انا تعبت بصراحه انا ضيعت تلاته كيلو فريون بسبب التكيف ولسه مش عايز يتنيل يتظبط
طب ياشباب احنا كلنا كده عندنا نفس المشكله تقريباً
بس اعتقد القول الفصل في الموضوع ده هيكون في نظريات عزل التكييف عن الحرارات الخارجيه
وده اللي احنا لسه موش عارفينه كويس
عاوزين حد يكون جرب الموضوع ده ونعرف أخبارها ايه
ملحوظه انا عربيتي لانسر ٢٠١٢ وبرضه معايا الموضوع ده في أيام الحر الشديد في فترات النهار ولا كإنك عندك تكييف في العربيه أصلاً
مع العلم ان في الضل أو بعد الشمس ما تروح الحال بيتغير تماماً
انا اخر عربيتين جربت تكيفهم
رينو كليو 2008
رينو لوجان 2012
لا يا باشا فى تكيف تلج فى عز الضهر
انا عارف ريحت التكيف لما يكون شغال كويس فى فرق بتشم ريحة الفريون رايحه جايه
وما بيكنش فى نقطه عرق لكن ابقى مشغل التكيف والاقى نفسى مستوى ينهارى ايه الافترى ده :waaaht::waaaht::waaaht:
هل الحل اننا نغير الكباسات ؟
مع العلم انى مغير سربنتينه مرتين :waaaht:
مغير فلتر فريون :N_no[1]:
منضف الهوايات ومنضف فلتر التكيف
والعربيه العزل بتاعها مش بطال حلو ومعقول فى اضافات بس اخلص من المهم
مع العلم كمان لما كنت راكب اللوجان كان صديقى بيقولى ان السخونيه جايه على رجله من الماتور لان عزلها مش كويس وانا كنت قاعد ورا متلج من التكيف
والكليو فى عز الزحمه التكيف ممتاز وفى عز الضهر كمان
وفى الجرب تلاجه
انا عندى الماسوره بتاعت اللو مش بتجيب مايه ولا بتسقع بسرعه يعنى الماسوره بش بتبقى بارده لكن مش تلج
كده شحن الفريون مش مظبوط ؟
مع انى بليل مش بستحمله اخر مره ماكنتش مستحمله على 2 وحطيته على 1 بس لقيته مش بيطلع هواء نحيتى فرجعته على 2 واستحملت التلج لان 1 تقريبآ مش موجود
ووووووووووووصلت للحل اخيرا
بكل سهولة.....
1. اركب عربيتك فى عز الضهر عادى جدا
2. دور الموتور
3. شغل التكيف
4. افتح ازاز العربية كله .... ايوة كله علشان تخرج من العربية الهوا السخن المكتوم
5. ابتدى انك تقفل الازاز شباك شباك وبالتدريج
6. خليك متاكد انك دايس على الزرار اللى بيخلى الهوا اللى جوا العربية يتعاد تبريده ويرجع تانى ..... بدل ماتجيب هوا جديد سخن
انا جربت الموضوع ده بقالى 3 ايام بجرب فيه وااخيرا حسيت بالتكيف فى وجود الشمس
ملحوظة كده : على حسب تفسيرى ... العرلية بتبقى مكتومة بهوا سخن وهى مركونة وانت لما بتدور وتقفل على نفسك وتشغل تكيفك بتبقى عايز التكيف يسقع الهوا السخن جدا المكتوم ده .... فا ده بيقى صعب تبريده فى وقت قليل .... ده زائد انك لو مش دايس على الزرار اللى بيخلى دورة الهواء مقفولة جوه العربية .. بتطلب من التكيف انه كل شوية يفضى من العربية الهو الساقع اللى فيها ويجيب هوا جديد يسقعه وده برده بيحسسنا بضعف فى التكيف
لكن لما اخلى دورة الهو مقفولة ... انا بكده بخلى التكيف يسقع هوا كان ساقع بالفعل .... قبيبقى احسن واسرع ...... جربوا وهتدعووووووووولى بجد
بلف الكنترول ده بتاع ايه ؟
تقصد بلف كنترول الكباس ؟ ده مكانه فين ؟
فلتر الفريون انا لسه مغيره بواحد جديد
الاكسبشين ده شكله ايه وبيبقى فين ؟
انا شايف فى عدسه الفلتر الفريون عامل رغاوى كده يبقى محتاج تزويد ؟
ممكن ده سبب ان الماسوره مش ساقعه وسبب عدم التسقيع ؟
رغاوي يعنى هوا فى الدايره