الموضوع: سكودا رابيد 2013 أول تقرير حصرى من الواقع بالصور من المصريه للسيارات حصريا

موضوع ممتاااااز .. اشكرك أستاذ يحيى اشرف عشان انتا كده وفرت عليا مشوااار كبير

الناس اللى مستغربه من العربيه .. الشركه منزله العربيه دى عشان تسد الفجوه بين الفانتازيا اللى سعرها دلوقتى معدى 200ألف والفابيا .. عايزين ياكلو السوق يعنى

أستاذ hossam_elwani .. الموتور اللى فيها موتور Mpi نفس موتور الفانتازيا ال 1600 بس Double Cam بيديك 105 حصان صافى وكمان مع المانوال هيديك تسارع ممتاز .. انما لو كانت الشركه نزلت العربيه دى بموتور TSI مكنتش الفانتازيا الشكل الجديد اللى لسا هينزل هتتباع .. مع العلم ان الرابيد نازله بره بمواتير TSI 1200 و1400 ..

الأوبشن مناسب للسعر جدا جدا .. والشركه متعمده تنزل العربيه بالأوبشن ده علشان تقلل السعر شويه .. مع العلم بردو ان الرابيد نازله بره بتكييف تاتش وكاسيت Bolero اللى موجود فى الفانتازيا ..

التصميم نفس تصميم الباسات والفانتازيا الجديده .. تصميم راقى جدا بس بردو مش لاقى مبرر أنهم حاطين مسند اليد فوق فرامل اليد .. نفس العيب اللى موجود فى A4 عندى وبشتكى منو .. انما الصالون هو هو صالون الفانتازيا بنفس الكراسى


العربيه دى امتداد للأوكتافيا A4 اللى اتوقف انتاجها فى 2009 واتوقع ان العربيه دى تنجح بنسبه كبيره ..


العربيه طبعا مينفعش تقارن بأى عربيه كورى او يابانى .. العربيه واضح انها نازله تنافس 3 عربيات تانى واللى يعتبروا فئتها >> فولكس بولو سيدان , بيجو 301 , ستروين اليزيه

بعد الأستخاره هاتوكل على الله واحجز تانى فئه ,, بس لو حجزتها دلوقتى استلمها بعد أد ايه ؟؟

طيب انا مش همسك رد رد ارد عليه بس هقول ان عامة من الواضح ان اللى بيدافعوا عن العربية بيتكلموا فى انها اسمها يابانى او اوروبى تبقى كويسة و مفيش زيها و صاج و خامات و ممحدش راضى يعترف ان التابلوه وحش شكلاً و ان العربية فقيرة فى عوامل الامان، و اما حد بيجيب سيرة الكورى بيبقى الرد دى كورى يعنى ورق و متتقارنش باليابانى و الاوروبى ابداً
خلينا واقعيين يا جماعة بعد اذنكم، يعنى مثلا فى مشاركة من احد اعضاء قسم كيا كان بيقول نتجنب الاكسنت كأنها مش قد المنافسة، ممسكتش فى خناقه عشان عارف هو ليه بيقول كده و معترف ان الاكسنت فى بعض النقاط تقيمها اقل من الريو، ف يا ريت اللى بيدافع ميبقاش متحيز و خلاص و نعترف ان حاليا البيجو 301 و الايليزيه و السكودا رابيد بيلعبوا لعبة الكورى اللى لعبها فى الاول، شيل عوامل الامان و غيره و غيره عشان تقل بالسعر و تبيع اكتر، بس على الاقل الكورى بيدينا تصميم حلو و حاليا بقى بيدى امان كمان -طبعا مش كل عوامل الامان بس احسن من قبل كده- يعنى مثلا الاكسنت rb بتاعتى -الحمد لله- فيها ايرباج و abs و ايموبلايزر، ماشى يا ريو :p

يا ريت نفكر تانى بمحايدة لأن اليابان و اوروبا مش هيفيدونا بحاجة اما ننحاز ليهم من غير وجه حق
و اسف على الاطالة.

أستاذ inspiron .. ده انا بتعلم منك يا باشا