بتدفعوا كام للبواب ع العربية ؟؟

**ashraf122** · 01-06-2013 08:41 PM

على كدة انا المفروض اعمل تمثال للبواب دة بياخذ عشرين جنية فقط و بينضفها كل يوم الصبح و بيغسلها من برة لما تكون راكنة قريب من البيت

الصراحة هو غلبان و مؤدب و بيكسف يطلب زيادة

**gebreel** · 01-06-2013 08:46 PM

30 جنيه

**gebreel** · 01-06-2013 11:49 PM

المشاركة الأصلية كتبت بواسطة hazemhany

ده انا طلعت مغفل اوي ...انا اديت البواب اول شهر اللي هوا الشهر اللي فات 70 جنية وكنت عارف انه زيادة بس قلت مش مشكلة ده هيبقي نظير اهتمام زيادة بالعربية ويحافظلي ع الركنة ...المفاجأة ان البيه مبقاش يحافظ ع الركنة وساعات كتير اجي الاقي المكان مشغول ويقولي اركن في العمارة اللي قدامنا مش مشكلة دي تبعنا برضه فطبعا بواب العمارة اللي قدامنا عايز يسترزق مني برضه وقلهالي صراحة ..طبعا انا كده مش هخلص من دفع الفلوس ..المهم الشهر ده اديته 50 بس طبعا اتصدم وقالي ازاي ومش ازاي قلتله انا كنت بديك 70 نظير حجز مكان وانت مبتجزش وانا كده كمان مديك اكتر من حقك ..المهم هو دلوقتي سايق العوج وانا برضه مش هديله غير ال 50 دول مع العلم اني اساسا ايدي فرطة معاه و كل يوم والتاني بجيبله حاجة لله يعني بس طبعا ده مبيطمرش فيه ...مع العلم اني ليا جار واحد اللي معاه عربية ابن صاحب العمارة وبيديلوا 40 جنيه مع جميع المميزات بتاعتي وحاطط جزمة في بقه وساكت!

النوع ده علاجه انك تقله انا مش عاوز منك حاجة و تروح لبواب العمارة اللي قدامك و تظبط معاه و خلاص

و الاحسن من ده و ده تشوفلك جراج تركن فيه

**canner** · 02-06-2013 11:18 AM

المشاركة الأصلية كتبت بواسطة hazemhany

ده انا طلعت مغفل اوي ...انا اديت البواب اول شهر اللي هوا الشهر اللي فات 70 جنية وكنت عارف انه زيادة بس قلت مش مشكلة ده هيبقي نظير اهتمام زيادة بالعربية ويحافظلي ع الركنة ...المفاجأة ان البيه مبقاش يحافظ ع الركنة وساعات كتير اجي الاقي المكان مشغول ويقولي اركن في العمارة اللي قدامنا مش مشكلة دي تبعنا برضه فطبعا بواب العمارة اللي قدامنا عايز يسترزق مني برضه وقلهالي صراحة ..طبعا انا كده مش هخلص من دفع الفلوس ..المهم الشهر ده اديته 50 بس طبعا اتصدم وقالي ازاي ومش ازاي قلتله انا كنت بديك 70 نظير حجز مكان وانت مبتجزش وانا كده كمان مديك اكتر من حقك ..المهم هو دلوقتي سايق العوج وانا برضه مش هديله غير ال 50 دول مع العلم اني اساسا ايدي فرطة معاه و كل يوم والتاني بجيبله حاجة لله يعني بس طبعا ده مبيطمرش فيه ...مع العلم اني ليا جار واحد اللي معاه عربية ابن صاحب العمارة وبيديلوا 40 جنيه مع جميع المميزات بتاعتي وحاطط جزمة في بقه وساكت!

النوع ده مش ح ينفع معاه غير زى ما عملت انا كنت بركن عند سايس و ايدى فرطة معاه و كنت بنبسط لما الاقى ركنه و بعدين عدد العربيات كتر فبقى يحصل مشاكل اجى الاقى مكان فاضى اركن فيه يقوللى ده بتاع فلان و اركن فى مكان تانى يقولى بتاع علان فزهقت و سبتنى منه و رحت ركنت فى الشارع و اتفقت مع بواب عمارة يظبطهالى ب 40 فى الشهر بعد ما كنت بدفع 100 عنده

**p r i n c e** · 02-06-2013 11:38 AM

25 جنيه فالشهر
بيغسلها من برا و جوة مرة فالأسبوع و بيطوقها كل يوم فالصبح

**benmatar** · 02-06-2013 02:27 PM

40ج.م بعد 35ج.م بسبب ارتفاع اسعار الدولار
وبياخد أجازة اسبوعية جمعة وسبت أسوة بالسادة موظفي الحكومة والقطاع الخاص والعام، مع الاجازات والعطلات الرسمية التي تشهدها البلاد.
تطويق جاف وساعات شبه مبلل، وطرطشة الكاوتشات يوميا بمياه مش عارف ليه وبيهتم بيها أكتر من العربية نفسها.