اخر معاناتي معاناتي مع جين2

**fatemah** · 01-06-2013 12:38 AM

امبارح و انا ماشية بالليل في امان الله في الدقى قابلني حجر كبير و انا بلف

و للأسف مأخدش بالي و صدمت فيه :(((

المهم الصدمة كانت جامدة شويتين لدرجة انها خلعتلي الاكصدام و اللي فهمته فيما بعد ان الخبطة جت في الستارة بتاعة العربية و كان فاضل مللي و توصل لمواسير التكييف

السؤال هنا ستارة العربية دي مهمتها ايه بالظبط؟؟ و يا ترى دي حاجة مش كويسة و لا عادي؟؟؟

السؤال التاني النهاردة انا روحت علشان اصلحها و لما سألت اللي بيعملهالي يا ترى هتسيب اثر قالي لاء
لأنه مش هيشتغلها دق و قالي انه هيستخدم طريقة تانية بس انا مفهمتش بصراحة هو هيعمل ايه ياترى هو صح و لا غلط؟؟؟

اسفة اعذروني لأن ممكن اسألتي تكون ساذجة شوية

**eng.m7md.ali** · 01-06-2013 12:54 AM

هيا فين المعاناة؟

دي غلطة من حضرتك وقدر الله وماشاء فعل والحمد لله ان حضرتك بخير وده الاهم

هيا هتترد عادي عند السمكري مفيش مشكلة ومش هتبان ولو الاكصدام سليم بردو بيرجع زي مكان

**blazer** · 01-06-2013 02:35 AM

بسيطة بإذن الله
مش هتبان بإذن الله لن واضح ان الخبطة مكانتش قوية اوى بدليل انها معملتش مشكله فى الردياتير او التكييف
وهتتشد لبره وترجع زى ما كانت

**fatemah** · 01-06-2013 08:46 AM

المشاركة الأصلية كتبت بواسطة eng f3lix

هيا فين المعاناة؟

دي غلطة من حضرتك وقدر الله وماشاء فعل والحمد لله ان حضرتك بخير وده الاهم

هيا هتترد عادي عند السمكري مفيش مشكلة ومش هتبان ولو الاكصدام سليم بردو بيرجع زي مكان

كون اني اروح لميكانيكي او حد علشان يشتغل في العربية دي في حد ذاتها بالنسبالي معاناه

المهم انا فعلا ظبطها و من برة مش باينة خاالص الحمد لله

لكن سؤالي في الخبطة اللي جوة هل دي فيها مشكلة او لاء لأني اسمع ان في خبطات بتقلل من قيمة العربية

**eng.m7md.ali** · 01-06-2013 07:24 PM

لا دي تعتبر "ترييحة" مش خبطة .. هيا بوظت حاجات اه بس اتظبطت

الخبطة العادية لاقدر الله هتحتاجي حضرتك فيها تغيير اجزاء زي الردياتير والسربنتينة مثلا

والخبطة الكبيرة لاقدر الله وبعيد عن حضرتك وعن السامعين هيا اللي تستدعي تغيير ايرباجز وكبوت ورفارف وحاجات تانية كتير وده بنسبة متفاوتة حسب قوة الخبطة

اما في حالة حضرتك الحمد لله تعتبر بسيطة وياريت تخلي بالك اكتر وان شاء الله خير