صباح الخير ياجماعة اناعندى بيتلز 74 ومش عارف الأفضل شراء موتور جديد استيراد 1200 او1300cc او عمل عمرة للموتور الذى اتعمل له عمرة من قبل اكثر من مرة ولكم جزيل الشكر
عرض للطباعة
صباح الخير ياجماعة اناعندى بيتلز 74 ومش عارف الأفضل شراء موتور جديد استيراد 1200 او1300cc او عمل عمرة للموتور الذى اتعمل له عمرة من قبل اكثر من مرة ولكم جزيل الشكر
اشتري متور استيراد علشان تبقى مطمن
استيراااااااد انت موتورك اتعمر كذا مرة قبل كده هات واحد تاني بحالة احسن و خلاص
شكرا على الرد بس منين اجيب لموتور وسعره كام
اكيد من بورسعيد بس لزم يكون معاك ميكانيكى كويس بس المشوار دة هيكلفك للميكانيى لوحد 200 جنية
و الموتور سعرة من اول 2500 وانت طالع
الاسعار كل يوم فى الطلع خصوصا الموتير
وشكرا
والله اعلم
بالنسبة للموتور الاستيراد في ناس بتجيبه من القاهرة عادي خصوصا في فيصل والهرم في ناس بتوع فولكس كتير.
ودا اكيد حيكون افضل حتى لو أغلى شوية علشان بيبقى تحت التجربة.
لو موتورك ما اتفتحش قبل كده يبقى تعمر احسن طبعا و بكده حاتبقى مطمئن و عارف مشاكله ايه و اتحلت ازاى بعكس الاستيراد عمره ما حايبقى زى موتور متعمر كويس
و اعتقد تكلفة العمرة مش حاتقل عن 3000 جنيه
انا عربيتى موديل 1972 الماكينه اصلها بترزع
الاحسن اشتريلها موتور ولا اعملها عمره ولو هشترى موتور اشتريه منين القاهره ولا بور سعيد احسن الموتور بتاعى عمل كذا عمره قبل كده اخرها كان من سنه ارجوكم الرد سريعا
ممكن تكتب الموضوع تانى بخط صغير اوضح علشان انا كده مافهمتش حاجات كتير
السلام عاليكم
بالنسبة لسوال الاستاذ emadosman63 و والاستاذ kroma81 عن شراء موتور جديد ولا عمل عمرة للموتور فاظن شراء موتور استيراد افضل ودة عشان من الواضح من كلاموكو انكو عملتو عمرات كتير للموتور فخلاص عمرة ما هيرجع تانى لانى اظن خرط الماتوروالبلوك والحاجات دى بتبقى مرتين اوتلاتة والربعة تشترى استيراد وخصوصا الاستاذ kroma81 الى عمل عمرة من سنة والفيصل فى الموضوع بردو المكانيكى ممكن يكون شايف ان الموتور يستاهل يتعملو عمرة ويكون كلامة صح ويا ريت تقوللنا اسماء الميكانيكية الى بتتعاملو معاهم لان الشباب هنا فى المنتدى عندهم فكرة تقريبا عن كل مكانكية البيتلز وممكن يفيدكو فى المواضيع دى وربنا يوفئكم
استاذ اكرم انا وصلتنى رسالتك على الخاص ورديت عليها وهرد هنا كمان
علشان نستفيد من باقى الاراء
معلش قدر الله وماشاء فعل والحمد لله انك بخير
طبعا مجرد كلام الميكانيكى فى التليفون لايعبر عن واقع مع العلم ان اكيد كلامه اقرب للصح
بس طبعا الافضل انك تروح لكام واحد يشوفها بنفسه وتشوف رأيه ايه
بالنسبه للسؤال انك تشترى موتور استيراد ولا تعمل عمره
طالما ان البلوكه بتاعة الموتور سليمه اللى هى صندوق الموتور نفسه
كده يبقى الافضل طبعا انك تعمل عمره عند واحد كويس وشاطر وده احسن بكتير من الشراء
لانك لما تشترى موتور استيراد بيبقى انت وحظك وممكن يكون هو كمان عاوز عمره
وانا ارشحلك ميكانيكى اسمه عزب فى جسر السويس خلف حديقة بدربعد المزلقان
انا ماتعاملتش معاه بنفسى لكن ليا صديق لسه معمر عنده قريب وبسم الله ماشاء الله عليها بعد العمره كأن
الموتور زيرو بجد والله
كمان فى معلومه مهمه ان العمره 90% خراط مش ميكانيكى بس طبعا لما نختار ميكانيكى كويس
يبقى هو اكيد بيتعامل مع خراط كويس وهيقفل الموتور كويس
وقدر الله وماشاء فعل وربنا يوفقك وترجع عربيتك احسن من ماكانت
السلام عليكم
الفيصل فى العمرة أو الشراء هو راى الميكانيكى الأمين إن الماتور مش هايتعمر لأنه ليه أربع خرطات فقط تقريباً ( 010 - 020 - 030 - 040 ) .
و طبعاً الماتور الإستيراد زى البطيخة المقفولة و إنت و حظك و بيكون مع التجربة
و الميكانيكى اللى فاهم كويس و الأمين ممكن يوقعلك ماتور حالته جيدة جداً إن شاء الله
و كلام هاشم مظبوط جداً و انا بقول إن العمره 80% خراط و 10% قطع غيار سليمة و 5% ميكانيكة و 5% تليين مظبوط
و ربنا يوفقنا جميعاً للخير
الاخ kroma81 حضرتك بتقول ان الموتور اتعملة عمرة اكتر من مرة واخرها من سنة ودى فترة قليلة يعنى الماتور ملحقش فاظن شراء استيراد افضل الن الموتور بيتخرط 3 مرات مش اكتر ويا ريت تقولى اسمة اية الى عملك العمرة
اكيد اللى عمل عمره من سنه ده واحد ماعندوش ضمير
هاشم باشا
مش شرط إن يكون الميكانيكى وحش و ماعندوش ضمير يعنى ممكن تكون طريقة سواقتى هى اللى مش كويسة و بالتالى التأثير سلباً على عمر الماتور و العمرة و ممكن تكون قطع الغيار مضروبة و ممكن الخراط مش كويس و الميكانيكى مش فاهم و بيسترخص و هكذا.
و ربنا يسترها معانا جميعاً إن شاء الله