الموضوع: نظرة للسوق رقم 2 - سكودا رابيد 2013 مانيوال بـ160 الف جنية سلم لي على الاوروبي

المشاركة الأصلية كتبت بواسطة 2CODE

اديك قولت بنفسك في السعر ده اركب البي ام في دول الخليج هههههههههههههههه
مش عندنا يعني في مصر

تعالا بقى بتقول لي على الحوادث - متخفش متجربة وعلى سرعة من 120 الي 150 ودي تفاصيل الحادثة

http://www.nilemotors.net/Nile/333433-a.html

شوف السرعة كام وشوف العربية ايه اللي حصل لها والسواق طلع سليم من غير خدش

ايه رأيك بقى ؟؟؟؟؟؟؟؟؟؟؟؟؟؟؟؟؟؟؟

ولو عايز ياسر الصياد اللي عمل الحادثة دي بنفسه في الموضوع هنا بسيطة جداً اجيبه لك يتكلم معاك زي ما انت عايز

ولعلمك انا مش هتكلم عن الكوري دلوقتي طبعاً لان لو هتكلم عن الكوري دلوقتي فطبعاً اقل شئ تعيشه العربيات وهي بمستواها دلوقتي بعد التطور اللي وصلت ليه تعيش اقل شئ 6 سنين بدون اي مشاكل لكن هقول لك كوري زمان اللي انا زمان مكنتش ببص له اساساً - هيونداي اكسيل بشوفها لغاية دلوقتي في الشارع وهي من سنة 2005 تقريباً يعني ليها حوالي 8 سنين يا فندم وشغاله وماشيه

ما كفايانا يا جماعة كلام بدون ادلة ؟؟؟؟؟؟

ياريت اي حد يرد يجيب حجته ودليله وانا موجود في كل ردودي بأدلة وبصور

بتتكلم عن الاسعار طيب ما انا قارنت لك الريو بالرابيد اهو فوق ؟؟؟؟؟

عربيتين في نفس الفئة والاتنين هاي لاين

السكودا هاي لاين 160 الف جنية ومانيوال !!!!!!!!!!!!!!!!!!!!!!!!!
والاغرب فيها ABS بس !!!!!!!!!!!!!!!!!!!

تعالا الريو هاي لاين 147 الف جنية واوتوماتيك ووسائل الامان عالية
ABS
EBD
2 AIRBAGS

يبقى عايز تقارن اهو قارنا في السعر هو انت شايف ان فرق السعر 147 الف من 160 في عربية اولا مانيوا من اوتوماتيك وعربية مفيهاش وسائل امان من عربية فيها وسائل امان ده فرق قليل ؟؟؟؟؟؟؟؟؟؟


لو حضرتك شايف كده يبقى مبرووووووووك عليك العربية وروح اشتريها

ومتخفش كل اسعار الاوروبي في الزيادة وبدأت السكودا مانيوال 160 الف جنية في سكودا رابيد طيب الفانتازيا الجديدة هتبقى بكام ؟؟؟؟؟؟؟؟؟؟؟؟؟؟؟؟؟

ولا على ايه يا ترى الرابيد الاوتوماتيك هتبقى بكام ؟؟؟؟؟؟

يعني متستعجلش كلها ايام وهتشوف كل شئ - للاسف الاوروبي فقد اهم ميزه فيه يا فندم وهي وسائل الامان Standard في كل الفئات زي ما بتقولوا واشوف ان ABS في الهاي لاين بصراحة واكررها مليون مره

طبعا اولا الحمدلله على سلامة الراجل كله يغور في ستين الف داهيه اهم حاجه سلامة البشر بس حادثه السيراتو دي مستحيل تكون دخلت في الخرسانه ب 120 actually هو اكيد ضرب فرامل او العربيه هديت عن كده بس مستحييييل 120
اذا كان ده على 60 كم وال damage زيو اذا مكنش اكتر
[youtube]http://www.youtube.com/watch?v=dxdNWiZ0qpg[/youtube]