ب1000 جنيه نور شقتك وشغل مراوحك ساعهاو اكثر متواصل
طبعا الكهربا اللي كل شويه بتقطع وعامله لينا قلك طب نعمل ايه ..
حبيت انقل تجربتي من خلال المنتدي انه ب1000 جنيه تقدر تشغل مروحتين ولمبات وتلفزيون صغير لمده ساعه او اكثر
واحلي ميزه انه ملوش أي صوت او دوشه خالص
كل المطلوب انك تشتري شويه حاجات بسيطه كالاتي:
-بطاريه عربيه 70 امبير او اكثر وكل لما يزيد الامبير مده الاضاءة هتزيد هتكون في حدود 450 جنيه وهتنفعك بعد كام سنه لما تحتاجها والازمه بتاعت الكهربا تنتهي(يارب):ask:
-تونجر شحن البطاريه لما تكون الكهربا مش مقطوعه تشحنها بيه وده بيبدأ من 120 جنيه لغايه 300 جنيه بتفرق في سرعة الشحن وعدد البطاريات اللي ممكن توصلها في وقت واحد
-جهاز محول الجهد من 12 إلي 220 فولت وده بتجيبه حوالي 1300 وات طبعا كل لما الوات ذاد الاحمال قدرت تزودها كمان وده حوال 350 جنيه
طب انا عاوز احسبها كده حسب استهلاكي اعمل ايه
اولا: بالنسبه للبطاريه انا عاوز اشغل 1300 وات يبقي نحسبها مع بعض
1300 وات ÷12 فولت=108 امبير يعني لو عاوز تستخدم كل الوات بتاع الجهاز يبقي هتحتاج بطاريه 100 امبير تقريبا
طب لو عاوز ازيد اعمل ايه
حط بطاريتين مع بعض توازي (الموجب مع الموجب) و(السالب مع السالب)بطاريتين 100امبير هتكون 200 امبير
طب 200 امبير ×12 فولت=2400 وات
طبعا كل لما تعلي العمليه بتزيد فلوس معاك
طب المحول موجود لغايه كام
اعلي حاجه شفتها 2000 وات
طب انا عاوز اشغل ايه
لو مروحه او اثنين بكتيره ولمبات موفره(مش لمبات صفرا) نقول 10 لمبات موفره يبقي 1000 وات مع بطاريه 70 امبير يكون زي الفل
طب لوعاوز تليفزون قديم مع الحاجات دي
يبقي بطاريه 100 امبير مع 1300 وات
طب لو شاشه كمبوتر قديمه مع تليفزيون
يبقي بطاريه 100 امبير مع 1300 وات
اما بقي لو تلفزيون LCD,LED يبقي
يبقي بطاريه 70 امبير مع 1000 وات بس الامان مع
بطاريه 100 امبير مع 1300 وات
لاحظ ان البلازما والتليفزون القديم بيستهلكوا طاقه اعلي
التجربه:
تم تجربه نظام بطاريه 70 امبير كلورايد جافه مع 1300 وات وتونجر
وتم تشغيل عدد مروحتين (سقف +مروحه حائط) ومعاها 15 لمبه موفره و 3 لمبات نيون120سم و3 لمبات نيون 60سم
ولمده ساعه كامله ولم تفصل شحنها
تم تجربه شاسه تليفزون قديم من سنه 1990 لوحده ولم تعمل بسبب ان البطاريه 70 امبير لو زياده هتلاقي اداء احسن
تم تجربه شاسه كمبيوتر 17" لوحدها ولم تعمل بسبب 70 امبير برده
طب بعد مده لما الكهربا تظبط هعمل ايه في اللي انا جبته
اولا البطاريه طوال ما هي ثابته عمرها بيطول لان رزع وخبط العربيه هو اللي بخلي عمرها يقل فيمكن استخدامها بعد كده للعربيه
ثانيا:التونجر ممكن تبيعه او تسحن بيه بطاريتك لو في زنقه ولا حاجه
ثالثا: المحول وده بتركبه علي بطاريه عربيتك لو انت بره في رحله ولا حاجه تقدر تطلع 220 فولت تعمل بيهم اللي انت عاوزه
عمليه التوصيل:
بفصل كل كهربه الشقه من المفاتيح العموميه
بخرج كل الدوائر اللي مش هقدر ادها كهربا من المحول زي التلاجه والغساله والتكييف
ببدأ بتغيل مفتاح مفتاح لغايه ما احط احمالي اللي انا عاوزها
اوعي توصل المفتاح العمومي لحسن تلاقي نفسك بتدي كهربا للبلد كلها
______________________
لو في سؤال انا في الخدمه
