صيانه اﻻلف كيلو للتيدا مع السبع

السﻻم عليكم و رحمه الله و بركاته
روحت توكيل السبع في المعادي و الصراحه المقابله كانت تمام و استلمو العربيه في 10 دقائق
و سألو لو العربيه فيها اي مشكله او متعلقات شخصيه
و كان عندي مشكلتين .. ساعات كنت بسمع طقطقه في الجنب الشمال و انا باخد u turn
و التانيه انه لما كنت بشغل تكييف اول مره كان بيبقى فيه ريحه مش ظريفه و بعد كده خﻻص
و طلبت منهم انهم يغيروا زيت 10000 كيلو بس لﻷسف نسيت اسأل نوعه ايه؟؟؟ و لو حد يعرف يا ريت يقوللي
استلمت العربيه بعدها بساعتين و قالوا بالنسبه للطقطقه ربطنا العفشه و كده و بالنسبه للتكييف كان فيه رطوبه و شللناها ؟؟؟
و غسلو العربيه من برا و جوا ... الموتور كمان بالميه و عايز رأي اﻻعضاء في موضوع غسيل الموتور بالميه
و بالنسبه للفلوس الصيانه كانت مجانيه ... و كمان استلمت كوبون خصم 15 جنيه على الكافيتيريا .. اينعم اقل حاجه ب20 بس قشطه
المهم انا عايز رأيكم ....
صوت الموتور مع التكييف عالي و حاسس انه مأثر على سرعه العربيه ده طبيعي مع الحر وﻻ ايه.؟؟؟
و بحس كمان ان العربيه متلخبطه مع النقﻻت مع التكييف برضه ده طبيعي ؟؟؟
و شكرا على اهتمامكم و اسف لﻻطاله SIZE="5"][/SIZE]
ملحوظه العربيه تيدا سيدان 2013 سوداء

مبروك الصيانة وعقبال صيانة 100 الف ان شاء الله
بالنسبة للتكيف والسحب فلا تقلق أي عربية كده بتتأثر بالسحب مع التكييف
وكذلك أيضا النقلات
مسالة وقت وهتتعود
تحياتي

مبروك علي الصيانة و سؤالي لحضرتك هي التكلفة بالكامل مجانية شاملة زيت و فلتر
انا مفروض اروح صيانة 1000 الاسبوع الحالي تيدا سيدان سوداء ايضا
شكرا

الصيانه محانيه شامله الزيت و الفلتر .... هديه من السبع عشان جبتها من معرضهم و كمان كاش

الصيانة بتدفع فيها ثمن الزيت والفلتر فقط لو انت مش شاريها من عندهم
اما لو من عندهم فبيكون معاك اصلا بون هم مدينهولك بيقول ان الزيت والفلتر هم هيتحملوه

مبروك

اقتباس:

---

المشاركة الأصلية كتبت بواسطة مصطفى متولي

السﻻم عليكم و رحمه الله و بركاته
روحت توكيل السبع في المعادي و الصراحه المقابله كانت تمام و استلمو العربيه في 10 دقائق
و سألو لو العربيه فيها اي مشكله او متعلقات شخصيه
و كان عندي مشكلتين .. ساعات كنت بسمع طقطقه في الجنب الشمال و انا باخد u turn
و التانيه انه لما كنت بشغل تكييف اول مره كان بيبقى فيه ريحه مش ظريفه و بعد كده خﻻص
و طلبت منهم انهم يغيروا زيت 10000 كيلو بس لﻷسف نسيت اسأل نوعه ايه؟؟؟ و لو حد يعرف يا ريت يقوللي
استلمت العربيه بعدها بساعتين و قالوا بالنسبه للطقطقه ربطنا العفشه و كده و بالنسبه للتكييف كان فيه رطوبه و شللناها ؟؟؟
و غسلو العربيه من برا و جوا ... الموتور كمان بالميه و عايز رأي اﻻعضاء في موضوع غسيل الموتور بالميه
و بالنسبه للفلوس الصيانه كانت مجانيه ... و كمان استلمت كوبون خصم 15 جنيه على الكافيتيريا .. اينعم اقل حاجه ب20 بس قشطه
المهم انا عايز رأيكم ....
صوت الموتور مع التكييف عالي و حاسس انه مأثر على سرعه العربيه ده طبيعي مع الحر وﻻ ايه.؟؟؟
و بحس كمان ان العربيه متلخبطه مع النقﻻت مع التكييف برضه ده طبيعي ؟؟؟
و شكرا على اهتمامكم و اسف لﻻطاله size="5"][/size]
ملحوظه العربيه تيدا سيدان 2013 سوداء

---

مبروك على الصيانة و عقبال صيانة 100 ألف .. نوع الزيت شل الترا .. غسيل الموتور بالمياه ليس الأمثل , و الأحسن الغسيل بالفوم و بيبقى له تكلفة لوحده (تقريبا 30 جنيه) .. صوت الموتور عندى بعد صيانة الألف عالى شوية بسيطة , و طبعا التكييف لازم يأثر على السحب. لو الموضوع زاد عندك كلم السبع و أحجز ميعاد عشان تطمن.

ألف مبروك .. أنا لسة عامل صيانة الألف بس في أوتو إيجبت تيدا هاتشباك ..
عندي كذا ملاحظة .. أصوات التابلوه بدأت بالظهور على شكل طقطقة كدة حتى لو العربية واقفة
ثانياً لما بفتح الشباكين الأماميين للمنتصف بسمع أصوات كأن الزجاج بيتحرك "بيلق" !! ولمل مسكته بإيدي يمين وشمال براحة لقيته بيعمل صوت !!

عندي مشكلة لسة في العود على الفيتيس عشان كنت راكب قبلها بوما cvt 1600 فمنش في موضوع rpm ولا قرص على نقلات