منتدي نيسان ... كان و مازال وسيظل الاقوي بفضل الله (موضوع لأعضاء وإدارة نيسان)

اقتباس:

---

المشاركة الأصلية كتبت بواسطة shnory

سؤال لنيسان تيم ولاعضاء نيسان المعتصمين
دي المهام الي حضراتكم المفروض انكم بتعملوها
فيه حاجه اتعملت منها ؟؟
غير المقابلات والخصومات الي تم الحصول عليها
تمت تهدئه الجو ولا تم شعلله الجو واتهام الاداره بالعجزوالتقصير
واصلا العجز والتقصير من التيم نفسه وشعلله الجو منهم زي ماهو واضح في المشاحنات اللي حاضله

اظن ان حضراتكم مدينين بالاعتذار لكل عضو من اعضاء نيسان ولاعضاء المنتدي ولاداره المنتدي عن دوركم اللي عجزتم عن القيام به
الالقاب هي حمل تقيل علي صاحبها مش وسام لتمييزه ولا درع يحميه ويداري اخطائه
ويدوس بيه علي من هو اضعف منه
الكلام مش للكل حتي لا يتم تعميم من يقوم بمهامه مع من لا يقوم بها
بس تقدروا تعتبروه استفسار فعلي

اظن بعد قرائه الاقتباس اللي انا حاطه من كلام احمد مصطفي وشروط الترشح
حيبان مين المحابي
ومين المقصر
ومين اللي مفروض يعتذر
ومين اللي مقامش بدوره
ومتنسوش
برجاء قراءه الاقتباس اكثر من مره
اظن مفيش مجال للجدال بعد كده
دمتم بود

---

ارجو ان حضرتك تراجع الموضوعات كلها وتقراء كل ماكتب فى ذلك لتتأكد ان اعضاء نيسان تيم قاموا بواجبهم على اكمل وجه وانا مش عارف حضرتك اشركت المهام فى موضوعنا ليه
عموماً لو الموضوعات تاهت فى المنتدى الحمد لله عندى نسخه على جهازى من كافه الردود على استعداد ان اطبعها لك واجبها لحضرتك فى الوقت والمكان اللى يناسب حضرتك عشان تتأكد ان كلامنا وتصرفاتنا ليست من فراغ

ولعلم حضرتك انا اطلعت كثيرا من الزملاء على هذه الردود فى مقابله لنا

هذا من ناحيه

اما ناحيه اخرى حضرتك احنا فشلنا فى تهدئه الاجواء اين انت او الاداره من ذلك

هل تفضل احداً من حضراتكم بتهدئه الاجواء ام تركتم الصراع حتى تحول الى كتل ناريه تحرق من حولها


اما باقى كلام حضرتك اشكرك عليه وعلى الدور اللى حضرتك بتقوم به للتهدئه والواضح فى عبارات حضرتك

اكرر شكرى

تحياتى

ربنا الموفق ويهدي الجميع ، لأنني لم اتابع الموضوع من اولة

باشا ببساطه مشاكل شركة نيسان كترت فانعكست على المنتدى و كمان اللي زاد ان مبقاش فيه منسق للقسم تقريبا بعد اختفاء احمد tv

{ وَتِلْكَ الأَيَّامُ نُدَاوِلُهَا بَيْنَ النَّاس }

و دوام الحال من المحال

انا عضو جديد و احب اقول ان ربنا يوفقكم لما فيه الخير
سؤال
انا عندي نيسان صني 2011 و المحرك بيعلق عند السلانسية بيفضل ما بين 2000 لفه و 1000 لفه و لما اطفي المحرك و اعيد تشغيله يرجه طبيعي بتاع 800 لفه امشي شوية الاقيه علق تاني ارجو الاجابة

اقتباس:

---

المشاركة الأصلية كتبت بواسطة ahmed salah90

انا عضو جديد و احب اقول ان ربنا يوفقكم لما فيه الخير
سؤال
انا عندي نيسان صني 2011 و المحرك بيعلق عند السلانسية بيفضل ما بين 2000 لفه و 1000 لفه و لما اطفي المحرك و اعيد تشغيله يرجه طبيعي بتاع 800 لفه امشي شوية الاقيه علق تاني ارجو الاجابة

---

مع ان سؤال حضرتك مالوش علاقة بعنوان الموضوع او محتواه
لكنى السبب هو عيب فى ضفيرة الكهرباء الامامية والتى تتطلب تغييرها فى الضمان فى اى مركز خدمة معتمد لنيسان

اقتباس:

---

المشاركة الأصلية كتبت بواسطة zambarota

اولا السلام عليكم ورحمه الله

احييك اخي الكريم على الحياديه التامه لك والتى ظهرت فى مقدمه الرد( انا حرد بشخصى وليس صفتى)
وهي جمله تقال حتى لا يخلط بين القاضى والجلاد

وانا كان مردود كلامك يظهر فى مضمونه كاملا ان حضرتك تقصد (انا حرد بصفتى وليس بشخصى)

اخي الكريم مره اخرى حضرتك اعترفت ان فى حد تهكم على عضو من اعضاء نيسان بدليل هذه الجمله الى فيها اعتراف صريح بوجود تهكم من احد الافراد (لما واحد تهكم علي اعضاء نيسان لو قال عليهم حاجه معجبتهمش الدنيا قامت ومقعدتش )

واقتبس مضمون صغير من كلام الاستاذ كريم (ولما كانت كل الاقسام مفتوحة لكل الاعضاء يستطيع اي عضو ان يشارك بما يحلو له ما دام داخل نطاق قواعد المنتدي التي تسري على الجميع وانا اولهم
اذا فلا سلطة ادارية لنا على محتوي المشاركات
حتي وان كان (فتي) باللغة العامية )

واذا كان المنتدي قائم على حريه التعبير وابداء الرايئ بدون تجريح فلماذا تقف مكتوف الايدي امام من قام بالتهكم على الاداره فى ظل قواعد المنتدي حتى ولو كان من انشط واهم الاعضاء

نحن هنا لا ندخل فى جدال وان اردت اقتباسات من اصل الموضوع لانى ادرك تماما من طيات كلامك انك لا تملك الوقت الكافى لقرائتها

(http://www.nilemotors.net/nile/353471-mmnagy-4.html)


يعنى الاستاذ حمدي والعضو اخطائو ولكن الادهي من ذلك العضو يقول جمله انا بعتبرها عاديه (أنا هستنى الإدارة تجيب حقي
لو ما جابتش ,ساعتها هرد عليك )

المعادله الصحيحه والعادله الاتنين يتوقفو ولكن ما حدث اثار دهشه الجميع من الاشراف

(وهو بخصوص تطبيق قوانين المنتدي
وهجوم علي الاداره بسبب وقف عده اعضاء
هو الهجوم لانهم مغلطوش وتم وقفهم ظلم ؟؟
طيب ليه مقدموش شكوي في قسم الشكاوي بدل الاحتداد اللي حاصل ده ؟
ولا الهجوم علشان الاعضاء شايفين انه ميصحش ان حد من نيسان يتوقف ؟؟؟)

احنا مش معترضين على وقف الاستاذ حمدي وواضح ان حضرتك اتحكالك الموضوع وهو ما تم تأكيده من حضرتك انك متابعتش مواضيع كتيره علشان لا تملك الوقت لذلك

انما وجهه الاعتراض على عدم تطبيق القواعد على الطرفيين

ومعى الحجه على كلام حضرتك ان الدنيا مقامتش وقعدت لما عضو من اعضاء نيسان اتوقف

برغم من انه من اقوى الاقلام ومن افضل الاعضاء وهو العضو ahmedmiy

لان كلا العضوين تم ايقافهم على حد سواء وتطبيق قواعد المنتدي المنشوده عليهم

لكن موضوع تقديم شكوي كما افاد الاخ الكريم ابو حنين على حضرتك

(ولا الهجوم علشان الاعضاء شايفين انه ميصحش ان حد من نيسان يتوقف ؟؟؟)

اعتقد بعد ايضاح ايقاف العضو ahmedmiy وهو من اقوى وافضل الاعضاء هنا الجمله دي يجب ان تستبدل لان الحجه اثبتت عكس كلام حضرتك

العضو اتوقف مفيش حد اعترض :zb_sor1[1]:


اتمني الناس ترجع نفسها شويه

اتمنى ان حضرتك تراجع نفسك شويه وتملك ولو القليل لمراجعه القسم وخلافاته بصفتك وليس بشخصك


ردي بشخصي وليس لصفتي اي دخل فيه
سواء كمنسق عام للمنتدي او كعضو مجلس اداره المنتدي

اعتقد كل الاعضاء والمتابعيين فاهميين المضمون الى حضرتك عايز توصله

شكرا لوقتك وحياديتك

---

انا داخل اعمل معجب بالرد الجميل ده :]

طبعا مع احترامى للجميع انا كنت شايف ان فى مشكلة فى القسم بس مكنتش متابع بسبب اهتمامى بمشكلة عربيتى الى واخدة كل وقتى ولما قريت الموضوع دة عرفت سبب المشكلة الاساسى وافتكرت الموضوع الى انا كنت عامل علية كومنتات ومشارك فية وكنت معرفش مين منسق والا مين مشرف والا مين فين لكنى كنت بتابع ردود غريبة خلتنى للحظة اسئل نفسى هو المنتدى ينحاز الى مين بالظبط ومين الناس الى بتخبط فى بعض دى وهما شلة واحدة يعنى اكن الحكومة ضد الحكومة فمكنتش فاهم الدنيا ماشية ازاى هنا المهم اسمحولى اقول رائى فى الموضوع للادارة والاعضاء المنسقين القسم دة ماتبناش بيكم والا بخبراتكم لكنة اتبنى بكل اعضاءة وبخبراتنا جميعا لان خبراتكم وحدها لا تكفى نجاح القسم يبقى لما تحصل مشكلة يرجع الحكم للشعب يعنى الاعضاء الاصحاب الحقيقين لنجاح القسم ومش من حق حد انة يتخلى عن موقعة والى عايز يتخلى يبقى بموافقة الاعضاء مش الادارة حتى لو كانت الادارة هى المؤسسة للمنتدى لكن الان اصبح المنتدى شركة مساهمة (بصفتى محاسب دة التعريف الاقرب ليا ) وباعتبارنا مساهمين فمن حقنا اننا نختار مين الى يمثلنا ومن حقنا الفصل بين الادارة والقائمين على القسم فى حال وجود مشكلة وبالرغم من انى كونت رائى فى الى حصل فى الموضوع اساس المشكلة لكن انا مش هقولة هنا فى التوبك دة......انا بطلب فتح توبك فية رائى الاعضاء ان كان قانون المنتدى الى بنتكلم عنة اتحقق فعلا وتيم نيسان هو الى حابب يعمل شو والا تيم نيسان على حق والادارة حبت تقول ان زمام الامور كلها فى ايدى ومحدش لية لازمة هنا غيرى ...وطبعا فى حالة ان الادارة شايفة او اى حد شايف اى ان كان هو مين سواء رئيس مجلس ادارة او احد اعضاء نيسان تيم او عضو جديد اننا مالناش لازمة ودى مش شركة والا حاجة والادارة هى المسئول الاول والاخير فى اتخاذ كافة القرارت ومافيش حاجة اسمها الاحتكام الى اعضاء المنتدى يبقى حقهم لان المنتدى ملكهم ويبقى العضو الى مسمعش كلام الست الحاجة لما قالتلة زمان "يابانى فى غير ملكك" هو الى غلطان ...تقبلوا تحياتى

على فكرة

أنا من الأعضاء الللى أتوقفوا بسبب الموضوع ده

للأسف معرفس ليه إلا انى كنت بدافع عن الحق

بس أنا لا اعترض على قرارات الإدارة.

للأسف الموضوع كبر و خرج عن السيطرة

و لم تتمكن إدارة المنتدى من إدارة المشكلة بحكمه

ولكنها اعتمدت على الإيقافات. و مناصرة امركز الخدمة

وتحريضة على الأعضاء بإقامة دعاوئ قضاءية ضدهم

مما يوضح الاتجاه العام. و السياسة العامة وكان آخرها

لذلك تم حل نيسان تيم. كآخر. حل سياسئ و ليس اجتماعى كما هو هدف المنتدى

علئ العموم.

يكفى أننا كأعضاء. قد اتضح لنا السياسة الحالية

وشكرا

مهو كله برده بفلوسنا