المشاركة الأصلية كتبت بواسطة michohat
الجهل وحش
النهارده اتحطيت ف موقف الحمد لله ربنا كتب لي اني اخرج منه بمعلومة جديدة
ركنت العربية ونزلت املا جركن بنزين ورجعت ادور العربية مفيش مارش خالص
بس فيه كهرباء ف العربية الازاز شغال و الراديو والانوار وكل حاجه
شكيت ان البطارية هيست وباظت مع انها لسه جديدة
وانا واقف ف سكه سفر مقطوعه وشوية والمغرب داخل
اتصلت بواحد زميلي يجيب لي وصله بطارية وجه لي بسرعه بعربيته ومعاه وصله
وصلت الوصلة وخليته يدور عربية ورحت علشان ادور العربية
لاحظت اني سمعت صوت من الكبوت كان حاجه فصلت
روحت ادور العربية برضه ولا حس ولا خبر ومفيش مارش برضه
ستر ربنا صاحبي نزل وحاول انه يدور عربيتي لقيته بيبص لي وبيقول انت تسيبك من الاتوماتيك وتخليك ف المانيوال احسن لك
قال لي ما طبعا مش هتدور طول ما الفيتيس ع r وان العربية مش بتدور الا ع p or n ودي كانت معلومه غايبة عني
والحمد لله العربية دارت
فاضل اني اعرف ايه الصوت الغريب اللي سمعته من الكبوت لما عملت وصله البطارية وخليت صاحبي يدوس بنزين لعربيته