لو كنت مكانى هتتجوزها ؟

**A7MED_PHARMA** · 02-06-2013 03:42 PM

متأكد إنها بتحبك بالشكل الأسطوري ده؟
وإنك بالنسبة لها مش عريس كويس وخلاص؟
بص
الراجل حياته كلها شغل..والبنت حياتها كلها رومانسيات وحاجات من دي
يعني
البنت تقدر تقنع اي ولد..انها بتحبه بجنون.....حتى لو مابتحبوش
وموضوع المرض-وماتزعلش لو كلامي تقيل-..بنات كتير بتفتعل الرقة المبالغ فيها كنوع من استعطاف او انها بتحب تشوف الي قدامها قلقان وخايف ليها باستمرار
عن تجارب كتيرررررر معايا...ياما شوفت بنات بتعمل نفسها مغم عليها..والحوارات دي

إتأكد انها فعلا مريضة..فعلا
وانها بتحبك فعلا
وابقى رد علينا

**ahmedteam** · 02-06-2013 04:43 PM

عايزك تاخد بالك من نقطه ممكن تكون غايبه عنك دلوقتى

اى اثنين متزوجين بتقابلهم مشاكل فى الحياه لاختلاف الطباع و التربيه وليس لعيب فى احدهم لاسمح الله

وهنا يحدث نقاشات و احتدام فى الرأى و عصبيه و ده مش دليل على انعدام الحب و لكن مفيش حد ملاك بجناحين

هيكون موقف حضرتك ايه ساعتها و متقوليش مش هيحصل و هاحتويها و الكلام ده لانه بيحصل بين كل الازواج

منذ فجر التاريخ و الاعضاء هنا المتزوجين ممكن يؤكدوا كلامى فكر هيكون تصرفك ساعتها ازاى

هتتنازل مره و اتنين و عشره علشان متتعبش طيب و بعدين ؟؟

و ظروف الحياه و الاولاد فى المستقبل و تعليمهم و مشاكلهم ؟؟؟ هتتصرف فيها الام ازاى

فكر كويس و اسأل من الناحيه الطبيه لانى غير متخصص و زى ما الطبيب الفاضل قال ان ادويه الصرع تؤثر على الحمل فى المستقبل هل عندك استعداد تتنازل عن النقطه دى

فكر كتييير و خد رأى الاهل هما بيكونوا شايفين حاجات احنا مش شايفينها

ربنا يوفقك للخير و لا تنسى الاستخاره

**HeRo_LaNCeR** · 02-06-2013 04:53 PM

انت عندك القدرة علي تحمل تلك المشكلة ولا لاء
هتقدر تكمل معاه بشكل ده ولا لاء
لازم انت اللي تقرر مش حد تاني
الموضوع كلوا واقف علي القدرة الدخليه للانسان
الحب جميل وبيخلينا سعداء جدا مع اللي بنحبهم وبيهون علينا حاجات كتير
لكن لو انت شايف بعد تفكير طويل انك مش هتقدر تكمل بالشكل ده
فمن راي الشخصي انك تنسحب من حياتها
وربنا يكون في عونها وعونك

**nona_yaris** · 02-06-2013 05:09 PM

دي مغامرة وبتغامر بحياتك وحياة اولادك
بلاش احسن

**holt_ZA** · 02-06-2013 05:19 PM

المشاركة الأصلية كتبت بواسطة alexaway

مع احترامي ليك وبدون زعل , سبها لانك مش بتحبها لو بتحبها بجد عمرك ما حتفكر فى مرضها وحتشيل همومها وحتستحملها وحيبقي علي قلبك زي العسل , انما انت واخد الموضوع بيعه وشاروه , قاعد تحسب الامور بالورقة والقلم .
البنت دي عايزه حد يحبها مش حد يكتب موضوع علشان يسأل الناس اتجوزها ولا لا .

respect ....

**ahmedkhairy** · 02-06-2013 06:22 PM

اتوكل على الله وان شاء الله ربنا يوفقك

**KemozTanta** · 02-06-2013 09:47 PM

لو انت عاطفي .. اتجوزها .. لو انت بتحسبها وخايف من المستقبل وحياة اولادك .. شوف الطب بيقول ايه وقرارك يكون بناء عليه اى كانت العواطف والمشاعر الحلوة بينكم.
الزواج اسرة اسرة اسرة في المقام الاول واى خلل من اى نوع سواء في الزوجة او الاولاد او فيك هتبقي حياة غير مستقرة.

**Ahmed Amin** · 03-06-2013 02:38 AM

المشاركة الأصلية كتبت بواسطة alexaway

مع احترامي ليك وبدون زعل , سبها لانك مش بتحبها لو بتحبها بجد عمرك ما حتفكر فى مرضها وحتشيل همومها وحتستحملها وحيبقي علي قلبك زي العسل , انما انت واخد الموضوع بيعه وشاروه , قاعد تحسب الامور بالورقة والقلم .
البنت دي عايزه حد يحبها مش حد يكتب موضوع علشان يسأل الناس اتجوزها ولا لا .

+111
أنا متفق مع الكلام جداً.
ولو بتحبها فعلاً ومرتحالها. أعرف انو هيكون صعب عليك بعد كدا تلاقي حد زيها يهتم بيك بنفس الطريقة اللي وصفتها. وتحس انك مهم عنده. في بنات كتير باردة اليومين دوول

وممكن تاخد واحدة سليمة ومش بتحبك اوي بس انت بتحبها. وبعد كدا يجيلها اي مرض. هل هتسيبها ساعتها. ؟؟
راجع نفسك كويس وشوف انت فعلاً بتحبها ولا لأ. واتاكد من احساسك ناحيتها واحساسها ناحيتك.
بدل ما تعلقها وتسيبها وتسبب لها مشكلة نفسية تانية.
او تخسرها وتندم عليها.