السلام عليكو ياجماعة كان فى سئوال عن درجة الحرارة اليومين الى فاتو كان الجو حر جدآ ودرجة الحرارة كانت بتوصل لدرجة 95 وبصرحة ان خيف ومش عارف دة طبيعى ولا كدة زيادة واذا كان مش طبيعى ايه الى ممكن اعملو .
عرض للطباعة
السلام عليكو ياجماعة كان فى سئوال عن درجة الحرارة اليومين الى فاتو كان الجو حر جدآ ودرجة الحرارة كانت بتوصل لدرجة 95 وبصرحة ان خيف ومش عارف دة طبيعى ولا كدة زيادة واذا كان مش طبيعى ايه الى ممكن اعملو .
طبيعى لان الجو وحش والدرجه العاديه 90 وبتشتغل عندها المراوح اهم حاجه ما تفضلش الحراره عاليه يعنى تنزل وتطلع لما المراوح تشتغل وتفصل واهم حاجه انها ما تطلعش اكتر من كده وما تقلقش وبسيطه ان شاء الله
والله يا جماعة انا متشكر على الرد بس هى الحرراة بتفضل على خط التسعين وبعدين توصل 95 مع انى عامل تعديل الترموستات الى على الوصلة الى طلعه من الماتور وقبل الرداتير يعنى المروحة عندى بتشتغل بدرى ومفيش فايدة
شوف ايه فى العربيه تانى عايز يتظبط زى
كهربة العربيه -ظبط كربراتير وبخاصه السلانسيه - ممكن الموتور يكون خفيف شويه -سرعات السير التى تسير عليها مع الاحمال يعنى العربيه عايزه تجرى علشان الهواء يندفع لها بكل قوه
وطبعا مش عايز افكرك بالردياتير وصيانته .
تقبل مرورى
انا عندي نفس المشكله بس عندي حاجه غريبه جدا طول مالعربيه واقفه وف الزحمه الحراره ع السبعين ولما امشي بسرعه الحراره بتوصل تسعين وعندي المروحه بتشتغل ومبتفصلش الا ع السبعين وبالتالي المروحه شغاله علطول تقريبا مش بتفصل
لا والله الرداتير الى عندى المنيوم الصينى وبقاله سنة راكب فى العربية
ممكن يكون عندك سدد فى الردياتير
وممكن المكنة عاوزة ظبط تاكيهات وهوا سلانسية
وطالما المروحة بتشتغل يبقى مفيش مشاكل خلى كهربائى يعملك زرار الشبورة الخلفى يوصلو مع المروحة بحيت اما تشتغل المروحة ينور لمبة البيان فى التابلوة عندك فتعرف انها شغالة ولما تتاخر فى الفتح ممكن تشغلها من عندك
ازيك يااستاذ صبحى
يوم الجمعة 31/5/2013 كان يوم حر جدا المهم كنت ماشى بالعربية فى شارع الهرم ورايح حدائق الاهرام الحرارة عندى وصلت لحد 100 تقريبا ومكانتش عاوزة تنزل لحد مبطلت العربية وركنت شوية لحد مبردت واتحركت بعد كده وفضلت بعد كده على الـ90 وزيادة شوية فده كده ايه المشكلة وازاى احلها انا كنت ماشى بين الساعة 2 والساعة 4.30 العصر
كلنا هذا الرجل مع الحر اللى داخلين عليه فنصيحة نسلك الردياتيرونسحب الهوا من دورة التبريد لان لو فيه هوا داخل دورة التبريد هتلاقى المروحة على طول شغالة مش بتفصل الى جانب العربية مش بتبرد والموتور على طول سخن
الترموستات عندك كده كويسة بس موضوع ان المؤشر يوصل 100 فاكيد حاجة من اتنين يا الترموستات مش مظبوطة يا المؤشر بيهيس وبما انك بتقول ان الحرارة بعد كده رجعت للعادى بتاعها فبكده يبقى المؤشر هو اللى فيه مشكلة ... لو هتعمل تسليك لدورة التبريد قريب غير الترموستات وهات 82/68 ايطالى وعامل 25 جنيه وحط مية خضرا تركيز 33% او 40 %
شد حيلك وشطب علشان نبقى جيران
ان شاء الله ربنا يقدرنى واشطب بسرعة ويشرفنى اننا نكون جيران
وبالنسبة للترموستات انا لسة مغيرها من شهر تقريبا بعد مالمروحة عندى كانت فصلت والعربية سخنت جامد والمية اللى فيها كلها نزلت والكهربائى زودلى ميه من الحنفية وبعدين انا اشتريت مياه خضراء وزودتها فى القربة شكلى كده محتاج انى افضى الميه كلها واغسل دورة التبريد كلها من اول وجديد واحطلها مياه خضرا
وشكرا لردك عليا
الجووووووووووووووووووووو
حار
جدااااااااااااااااااااااا اااااا