-
تيجو 2000سى سى
ولله الحمد ربنا اكرمنى بشراء عربية تيجو 2000 سى سى موديل 2009 اوتوماتيك
وكنت عايز اسال الاخوة اللى معاهم تيجو عن شوية حاجات مثل
انا كنت عايز اغير زيت فتيس فيا ترى ايه احسن نوع واجيبه منين وبكام واغير فى التوكيل ولا ورشة
بالنسبة لزيت الموتور التوكيل بيقول موبيل وانا كنت بستعمل شل فى عربيتى الفديمة وفى ناس نصحتنى بزيت كاسترول فايترى ايه احسن نوع واجيبه منين واغير فى التوكيل برده ولا ورشة ولازم يتغير معاه فلتر ولا لاء
بالنسبة لفلتر الهواء وفلتر التكيف وفلتر البنزين بيتغير كل اد ايه
بالنسبة للساوند سيستم مش عاجبنى ومش مظبوط وفى سماعه بايظة تقريبا بتطبل فلو عايز اظبط الساوند سيستم اعمل ايه واركب ايه او اغير ايه
بالنسبة للعتب انا كنت عايز اركب عتب اجيبه منين واركبه ازاى
وكنت عايز اشترى كمبروسر هوا يا ترى ايه احسن نوع
انا اسف اسئلتى كتير بس الواحد طمعان فى كرم اخلاقكم واول مرة اركب اسبيرانزا الصراحة
-
الف مبروك يا باشا علي العربية وربنا يعطيك خيرها ويكفيك شرها بس كدة للاسف مش هيبقي ليك دعم بنزين عشان 2000 سي سي وهتشتري اللتر من 4 ل 6 جنية وياريت تحافظ اوي علي صيانة الفتيس لاني قرأت في مشاركة ان سعرة معدي 20 الف جنية
-
الف مبروك ....... وكل ده يستحسن تعمله في التوكيل لأول مره علشان يكون شغل مضبوط ...... واكشف عليها بالمره هناك وشوف محتاجه ايه ... وربنا يعطيك خيرها ويكفيك شرها .
-
100000 مبروك
يستحسن التوكيل او المتحده
Content Relevant URLs by
vBSEO 3.6.0 PL2