سخونة السيارة

**walidabc** · 01-06-2013 08:55 PM

السلام عليكم و رحمة الله
هذه اول مشاركة لي في المنتدي
انا عربيتي لادا ٢١١٠
لاحظت ان علي السلانسيه الحرارة بالتدريج بتعلي شوية عن الطبيعي (٩٠ درجة) و كمان مروحة التبريد لا تفصل تقريبا و اذا شغلت المكيف بتسخن جدا و تقترب جدا من المنطقة الحمراء
علي السريع الحرارة لا تزيد عن ال ٩٠ و برده المروحة لا تفصل تقريبا (الثرموستات شغال كويس)
المهم انا غيرت الفيوز العمومي (جبت واحد ٦٠ وات) و كمات غيرت كتاوت المروحة و جبت واحد محترم ٤٠ وات
و الكهربائي قال المروحة زي الفل (و انا شايف انها فعلا بتدور بسرعة و تمام)
نظفت الراديتير بالهوا و الميه
نظقت دورة التبريد و غسلتها و حطيت ميه خضرا في محطة خدمة
المشكلة زي ما هي
الموتور لا يوجد به شي غير طبيعي و مياه التبريد لا تنقص
لكن لاحظت ان الصبح لما افتح غطاء قربة الميه و ادور ان المياه لا تتدفق كما هو معتاد في الطبيعي و حتي لما اقرص عليها شوية الاحظ المياه تتدفق و تقف من غير نظام (انا حاطط رابط لفيديو صورته)
water pump - YouTube
هل العيب يكون من طرمبة المياه مع العلم انه لا يوجد تسريب لمياه التبريد؟
ملحوظة: لا يوجد عندي بلف حرارة
و شكرا لكم

**amro1965** · 02-06-2013 12:06 AM

اولا شىء طبيعى ان السيارة تسخن وانت ماشى سلانسية لفترة بسبب الزحمه وخلافه
ثانيا من الواضح ان دورة التبريد مش مكتملة
وللتأكد من ذلك
امشى بالسيارة وعند مؤشر الحراراه وصل الى المنتصف مثلا بطل السيارة وافتح القربه لو المياه فى القربه بارده اذا فى مشكله فى دوره التبريد
لكن لو المياه بالقربه ساخنه يبقى تمام
قله الزيت بالماتور بيؤدى لسخونه السيارة ايضا

**walidabc** · 03-06-2013 12:10 AM

النهارده الحرارة حتي علي السلانسيه عالية حتي بعد المغرب

**walidabc** · 03-06-2013 03:08 PM

الزيت تمام في الموتور ..... فاضل له حوالي ٢٠٠٠ كيلو علي ما اغيره

**hessenp** · 03-06-2013 07:06 PM

متهيقالى ان عربيات الادا كلها بنفس النظام دة لانها متصممة انها تمشى فى اجواء شديدة البرودة والصقيع فممكن تكون ده الطبيعى فى اليومين الحر دول ..... وربنا يسترها عليك ... المهم انك تعدى اليومين دول على خير ماتحولش تقرص على العربية جامد .... وربنا يسترها معاك ومعانا

**WessamRaafat** · 03-06-2013 07:29 PM

شيك على طرمبة الميه
و شيك على ثرموستات الكوعة وغيرة لو بايظ أو ممكن تشيله و ترميه خالص

**walidabc** · 03-06-2013 08:21 PM

شكرا لكما
الثرموستات شعال زي الفل و الحمد لله ... ان شاء الله اخلي الميكانيكي يكشف علي طرمبة الميه
الادا زيها زي اي عربية تانية من ناحية دورة التبريد .... الالماني او الياباني مثلا مصصم برده انه يشتغل في طروف الثلج
ربنا يسترها ان شاء الله

**WessamRaafat** · 03-06-2013 08:30 PM

المشاركة الأصلية كتبت بواسطة walidabc

شكرا لكما
الثرموستات شعال زي الفل و الحمد لله ... ان شاء الله اخلي الميكانيكي يكشف علي طرمبة الميه
الادا زيها زي اي عربية تانية من ناحية دورة التبريد .... الالماني او الياباني مثلا مصصم برده انه يشتغل في طروف الثلج
ربنا يسترها ان شاء الله

معلش بس ممكن أعرف ازاي شيكت على ثرموستات الكوعة ؟

**walidabc** · 03-06-2013 09:02 PM

دورة العربية بالليل و علي السلانسيه المروحة اشتغلت علي ٨٠ عليت شوية الحرارة و بعد كده فصلت بعد شويتين لما نزلت عن ٨٠

**WessamRaafat** · 03-06-2013 09:11 PM

المشاركة الأصلية كتبت بواسطة walidabc

دورة العربية بالليل و علي السلانسيه المروحة اشتغلت علي ٨٠ عليت شوية الحرارة و بعد كده فصلت بعد شويتين لما نزلت عن ٨٠

حضرتك كدا بتتكلم عن ثرموستات المروحة مش الكوعة
انا أقصد نوع تاني بيبقى راكب جوا كوعة المية في بلوك الموتور مش باين و عشان تكشف عليه لازم تفكها ، ولازم حد بيفهم يكشف عليه و يختبره بره أو بالخبرة بيبان
و أحيانا بيلغوه خالص و بيرموه لاما يكونو شاكين فيه
و أعتقد أغلب اللادا بيلغوه من الأول حتى لو مش بايظ