الف مبروك علي الصيانه و عقبالصيان ه المليونروحت إمبارح لمركز سبيد سيرفس وكنت بشتكي من رعشة جامدة بعد الـ 120 بتختفي لما أشيل رجلي من علي دواسة البنزين أو أمور العربية وكان في كمان هزة في الموتور والعربية علي السلانسيه .
قابلت المهندس هاني وجرب العربية وشاف موضوع الرعشة ورجعنا تاني علي المركز والفنيين اللي عنده رفعوا العربية وبعد الكشف الدقيق لقي ان العربية محتاجة :
1 - جوز كبالن داخلي
2 - قاعدتين موتور
3 - بيض طرف
4 - 2 مسمار ميزان
5 - بلي عجل أمامي
والمهندس هاني مشكورا بعت صديق ليه جابلي الحاجة بعربيته وابتدينا التركيب وغيرت بالمرة طنبورتين وتيل أمامي علشان كنت بشتكي من رعشة مع الفرامل ورجلشنا الفرامل الخلفية وكشفنا علي العربية بالكومبيوتر وغيرنا زيت الفتيس
والبشمهندس هاني طلع معايا مرة تانية وجرب العربية واتأكد ان كل حاجة تمام ونصحني أروح أظبط زوايا علي طول .
وطبعا لما جربت العربية لقيت فرق واضح في تماسك العربية علي الطريق والرعشة الحمد لله إختفت . وجينا عند الحساب لقيت المهندس هاني طلب 280 جنيه انا كنت بصراحة متوقع اكتر من كده وكمان عملي تخفيض تاني . باقي بس تغيير قاعدة فتيس لان فيها مشكلة بس انا اكتفيت بكده علشان كان الوقت اتأخر وكان لازم أسافر للشرقية خصوصا بعد ما المهندس هاني قاللي انها مش مؤثرة في حاجة وممكن تتعمل في أي مرة تانية
شكرا مرة تانية للبشمهندس هاني علي أمانته في الشغل وإهتمامه بالعملاء بتوعه
و دايما حضرتك و اهل الشرقيه مورنااا
المفضلات