طيب انا هقولك على بعض الافكار والاقتراحات
لان المشكلة اللى انت بتحكيها دى جزء منها مر عليا
اللى هوة خنقة العربية بعد 15 او 20 كيلو
المشكلة الرئيسية اللى كانت معايا ان العربية بتأخر فى الدوارة وتطلع دخان
الميكانيكى قالى رشاشات
وبالفعل غيرت رشاشات برشاشات bmw وكمان بدلتها برشاشات هيونداى اكسل وبعدين بدلتها برشاشات نوبيرا وكان نفس المشكلة اللى بتحكى فيها
العربية تطلع من عند الميكانيكى زى اللسعة..... شوية والخنقة والتنتيش تشتغل وكانت تبان دايما فى المطالع
فميكانيكى قالى عشان تفصل العيب استنى لما تنك البنزين يفضى خالص واملاة بنزين 92 وتعالى لى
عملت زى ما قالى وروحت لة راح مطلع الرشاشات برة المسطرة ونضفها كويس بالمنظف بتاع الرشاشات والهوا وركبها تانى
وبس خلاص
خلاص
خلاص
انتهت كل المشاكل (الخنقة والتنتيش والتفتفة) والعربية بقت زى الفل
بس طبعا عشان الظروف مش كل الناس تقدر تحط بنزين 92
فانا هقولك على اقتراح بسيط
فى مواضيع هنا بتتكلم عن ضبط فيشة الاوكتان لبنزين 80 عشان المشاكل اللى انت بتحكى فيها دى بالظبط وبنفس الوصف
ابحث فى القسم بحث باسم (فيشة الاوكتان) وهتلاقى اجابات تريحك
وربنا يوفقك بأذن اللة
المفضلات