كتير نفسه يشتري عربية هوندا سيفك وخاصة من موديل 93 : 99 دول احسن موديلات تشتريهم في القديم
وعلشان محدش لاقدر الله يلبس في عربية يا ريت السادة الخبراء يقولوا لنا ايه اهم حاجة نكشف عليها في العربية ودايما نبص علي ايه واحنا بنشتري ولنفترض ان اللي بيبيع معندوش ضمير وامانه في البيع ومقالش علي العيوب اللي في عربيته
( ومعظم اللي بيبيع مش بيقول عشان ينجز ويبيع ) طيب نفترض انك اخدت معاك سمكري او ميكانيكي عشان يكشف علي العربية وباعك لصاحب العربية ( حصلت كتير مع ناس اعرفهم شخصيا ) يعني مثلا رشة جوة او مغيرة نص ومعمولة باحترافية اعرف صديق اشتري عربية وفضلت معاه 4 سنين ولما جه يبعها اكتشف انها مغيرة نص

طيب نعرف ازاي حتي لو معمول الشغل باحترافية وانتوا عارفين ان دلوقتي ممكن تكون عربية رشة جوة من غير ما تبان وحاجات تانية كتير

فيا ريت الموضوع ده رجالة الهوندا تقول لنا علي حاجات نعرف منها كل عيوب العربية وتبان قدامنا واحنا بنشتري حتي لو مش خبري في الشرا وممكن الموضوع ده كمان يكون مرجع للي عاوز يشتري هوندا تحديدا او اي عربية عموما وجزاكم الله كل خير