الموضوع: مساعدهه فى مقاس البوجيهات

المشاركة الأصلية كتبت بواسطة nesr6060

هو فعلا مش ميكانيكى ده كهربائى هو مش البوجيهات دى كهربا شكلى انا اللى غلط والمفروض انى كنت اروح لميكانيكى بس انا قولت انها كهربا فروحت لكهرابئى وقالى لازم تحلها وتاخد واحد معاك علشان تروح تجيب زيه لاقيته مشكله قولتله طيب ولما احلها هروح بيها ازاى رايح شايل سيلك البوجيه وقال ده بوجيه ادى قولتله يعنى مش 3 شمعه ولا حاجه قالى ده عادى هات طقم بوجيهات عادى بس لما نزلت التوفقيه معرفتش هو طقم بوجيهات العادى ده يبقى انهى واحد بالظبط

بانسبه ل ngk bp5et ده يعنى ايه ياريت لو تقولى مقاس السن بتاعه يبقى كام او الرقم بتاعه انا شوفت هناك تقريبا 12 و 9 وحاجات غريبه مفهمتش ايه معنى الارقام دى ياترى هو الرقم بتاع البووجيه بتاعى 5 bp5et يعنى ادور على مقاس سن 5

وده beru z 78 يعنى ايه مش فاهم معناه على فكره انا اارض اللوا جنبى وبروحها مشى بس معتقدشى ان انا شوفت توكيل سيات هناك قبل كدا ياريت حد ياكد على الحوار العنوان ده ويقولى هو العنوان ده اروحله ازاى من مزلقان ارض اللوا

لأ يا باشا, البوجيهات تبع الميكانيكا, وكطبيعة معظم المصريين أكيد مش هيقولك معرفش, لازم يفتى
افرض ان البوجيهات اللى راكبة فيها اساسا مش بتاعتها؟؟؟ طبعا هتقولى ماهى لو مش بتاعتها مكانتش هتمشى اساسا, أرد انا عليك واقولك ان اى بوجيه بيركب على اى عربية بس اللى بيفرق البوجيه عن التانى هو الأداء والكفائة
أفتكر فى مشاركة من مشاركات SYD كان بيقول انه حب يغير بوجيهات عربيته ومكانش يعرف الكود ايه وحب يعمل زيك ويجيب زى اللى راكب فيها, ولما حل البوجيهات لقى كوكتيل بوجيهات 1 شمعة على 3 شمعة والعربية كانت ماشية عادى

NGK ده النوع
BP5ET ده الكود
الكود ده هو اللى بيقولك مواصفات البوجيه, وبيختلف من نوع بوجيه لأخر
عشان كده فى الـ BERU الكود بتاعه Z 78 وهو نفس مواصفات البوجيه اللى قبله
يعنى من الأخر الـ2 دوول زى بعض بس كل نوع ليه كود مختلف

أنا كود البوجيه المناسب لموتورى:
لو NGK يبقى BKUR6ET-10
لو BERU يبقى Z 90

طبعا فيه انواع بوجيهات كتير زى الـ Bosch, Brisk, Denso...... بس الـ NGK والـ BERU أفضل نوعين بالنسبة للفولكس

توكيل SMG المصرية الهندسية للسيارات فى 89 ترعة الزمر أرض اللواء
أنا لسه جايب من عندهم فلتر هواء لعربيتى لأنى ملقيتوش عندنا
روح قولهم عايز بوجيهات BERU Z 78 وهاتهم معاك المقابلة واحنا هنركبهملك
هتلاقيهم عاملين فى حدود 90 جنيه