العمرة (بضم العين) أخبارها إيه

**mesaharaty** · 02-06-2013 01:38 PM

يا جماعة كل سنة وأنتم طيبين وبألف صحة وعافية
بمناسبة الهاى سيزون بتاع العمرة (رجب وشعبان ورمضان) مافيش حد سافر عمرة ولسه راجع يحكيلنا شوية عن الجو العام عامل إيه دلوقتى من درجة حرارة الجو لأسعار أو أى تجربة مر بيها أو أى شىء جديد اتعمل فى الأراضى المقدسة لخدمة المعتمرين مثلا .
وفقكم الله لما فيه الخير

**esam_ayad** · 02-06-2013 10:32 PM

زملائي في العمل هايسافروا يوم الأربعاء القادم إن شاء الله وهايرجعوا يوم الثلاثاء
وان شاء الله هاكتبلك لما يرجعوا بالسلامه

**moudy88** · 03-06-2013 03:28 AM

قرايبي لسه رجعين امبارح وكانوا اول مره يطلعوا ومبسوطين جدا ..وكانت الشكوى الوحيده هيا من درجه الحراره الرهيبه والزحمه في الطواف بسبب التوسعه وان الدور اللي فوق مقفول
والمحلات والمولات بتتهد كلها بسبب التوسعه ..وممكن تدخل محل النهارده ويتهد بكره !!

و الفندق 5 نجوم ..فندق الصفا ..تبع ابراج الحرم والدنيا حلوه هناك

**hassanin_lada** · 03-06-2013 04:09 AM

نصيحه مني لو عاوز تطلع عمره صح يبقي في شهر 1 الجو بيبقي هناك جميل مائل للبروده بالليل وفي النهار حلو خالص

لكن تروح في عز النار دي (انا عملت 3 عمرات قبل كده)

اول حاجه هتلاقي نفسك بتكسل عن صلاة الظهر او بتربط نفسك انك تفضل لحد العصر ده غير زحمة الطواف ولا يوم الحشر

بجد الدنيا بتبقي زحمه ولو معاك مراتك او اختك هتتعبو قوي في انكو تتقابلو

انا رحت في شهر 2 اللي فات اقسم بالله في الحرم المكي يوم الجمعه في صلاة الظهر ماكنت لاقي مكان اصلي فيه ده غير الشمس اللي كانت نازله علينا عاوز اقولك اني رايح الحرم من الساعه 10 وتاخد حوالي ساعة ساعة ونص بعد الصلاة عشان الحرم يهدي مش يفضي وبيبقي زحمه بردو

وطبعا زي مالساده الافاضل افادوك التوسعات اللي بيعملوها جوه الحرم واكله نصه عشان الاسوار اللي عاملينها والدر التاني مأثر كمان

تقبل نصيحتي وارجو اني اكون افدك شهر 1 او 12 وربنا يتقبل منا ومنكم

**hassanin_lada** · 03-06-2013 04:10 AM

ملحوظه يوم الجمعه ده الدور الاول بالتوسعات بره والدور التاني والسطح كله مليان لدرجة الناس كانت بتصلي جوه فندق الملك عبد العزيز والشوارع اللي حواليه

**mesaharaty** · 03-06-2013 11:26 AM

المشاركة الأصلية كتبت بواسطة hassanin_lada

نصيحه مني لو عاوز تطلع عمره صح يبقي في شهر 1 الجو بيبقي هناك جميل مائل للبروده بالليل وفي النهار حلو خالص

لكن تروح في عز النار دي (انا عملت 3 عمرات قبل كده)

اول حاجه هتلاقي نفسك بتكسل عن صلاة الظهر او بتربط نفسك انك تفضل لحد العصر ده غير زحمة الطواف ولا يوم الحشر

بجد الدنيا بتبقي زحمه ولو معاك مراتك او اختك هتتعبو قوي في انكو تتقابلو

انا رحت في شهر 2 اللي فات اقسم بالله في الحرم المكي يوم الجمعه في صلاة الظهر ماكنت لاقي مكان اصلي فيه ده غير الشمس اللي كانت نازله علينا عاوز اقولك اني رايح الحرم من الساعه 10 وتاخد حوالي ساعة ساعة ونص بعد الصلاة عشان الحرم يهدي مش يفضي وبيبقي زحمه بردو

وطبعا زي مالساده الافاضل افادوك التوسعات اللي بيعملوها جوه الحرم واكله نصه عشان الاسوار اللي عاملينها والدر التاني مأثر كمان

تقبل نصيحتي وارجو اني اكون افدك شهر 1 او 12 وربنا يتقبل منا ومنكم

أنا كل سفرياتى السابقة كنت بافضل إنها تكون فى شهر 1 أو 2 وآخر مرة كانت السنة اللى فاتت فى فبراير .
المرة دى بقى واحد صاحبى كبرها فى دماغى نطلع شهر 6 (نظرا لظروفه ) وأنا كنت مش ناوى أطلع السنة دى وهو اللى كبرها فى دماغى ولكن فكرته جت متأخرة طبعا عن شهر 1 ، 2 .
وأنا زمان من حوالى 12 سنة طلعت فى شهر يوليو وأغسطس وطبعا كانت الحرارة والجو مالوش حل ومايتنسيش أبدا (أتذكر عند الوصول إلى القاهرة ليلا كنت سقعان جدا واحنا فى شهر أغسطس).
ربنا يستر لأن الشمس والجو الحار بيتعبنى جدا نظرا لظروفى الصحية .

**youssef_u** · 04-06-2013 12:59 AM

لو الشمس بتتعبك يبقا بلاااااااااش لانك هتتعب اوي اوي ،، كان في ترمومتر محطوط في الشارع السنه اللي فاتت و كان محطوط جوه صاج ، في عز الضهر السنه اللي فاتت كانت حرارته ٦٥

**احمد المصرى** · 04-06-2013 08:40 AM

كل الشركات حاليا خلاص بتجهز لرمضان وطبعا الموضوع بقا صعب جدا للهدد الكبير والطواف اصبح من تحت بس الادوار العلويه مش شغاله وفى رمضان هتكون زحمه جدا ودا الطبيعى